ZADENG

Kum 2005 vela hla lar tak thin ‘Seol Palai Au Aw’ tih TheRock Zorammawia phuah kha kan la hre furin a rinawm a. A hun laiin a larin mite thinlung hneh tak hla a ni a. Tun thlengin You Tube ah en theihin a awm a; mi tamtakin vawiin thleng pawhin an la en thin a. He hla mawi taka satu Madawnga hi Armed vengah a awm a, a hmeichhia zawk Champuii hi West Phailengah a awm mek bawk. He hla phuahtu TheRock Zorammawia hi tunah Chaltlangah khawsa mek in he hla   a phuah dan chanchin hi ka va zawt a, a ngaihnawmin a ropui hle. Sikul 7 atanga hnawhchhuah, veng 17 atanga hnawhhuah leh Jail vawi 39 tang tawh a ni a. Police atangin damdawi ngawlvei a nih avangin an ban a. Damdawi hian a taksa nasa taka sawisain ke in a kal thei tawhlo a, mawngtawlha kal in Zodin bawr velah a khawsa thin a. A taksa chu nasa taka damdawiin a khawichhiat a vangin police te pawhin lock up a tang tur pawh an duh tawhlo khawpa taksa chhia, thi leh dam kara lengin kum 2004 ah khan a khawsa a. Chutia man...

Mizote zingah RK Lianzuala (Fam) hi hrelo kan awm a nih pawhin kan tam hauh loang. Central Kristian Thalai Pawl hruaitu hlui a nihna te, All India Radio-a chanchin thar buatsaihtu a nih thin te hi rual u deuhte chuan an hriat tan dan a ni ang a. Keini thangthar zawkte chuan Zonet Cable TV hi kan hriatna bul ber chu a ni ang. A chanchin ringawt hi ziak dawn ila; kan ziak seng dawnlo a. Hetia kum naupangte a min boral san hi a uiawm zia kan la hre dawn chauh niin a lang. May ni 29, 2019 khan Zonet lama a thawhpui thinte chuan RK Lianzuala’n kum 2015 chhunga Facebook-a thu a ziah thinte chu lakhawmin a bua siamin an chhuah a. He lehkhabu hi cheng 300 man (Perfect binding) leh cheng 500 (Hard binding) a awm a. He lehkhabu ‘release’ zan hian ka kal ve theilo a; Zonuni hnenah cheng 300 man chu min lo lei sak turin ka chah a, ani’n min lo hawn sakin a thlawnin min la pe zui a, ka lawm hle. He lehkhabu hi ‘thuhmahruai’ telloin phek 527 a chhah a ni a. A chhungthu zawnawlna hi A AW...

Pathian hmangaihna leh khawngaihna thuk zia Lal Isua kaltlanga kan chan leh kan dawn hi a hre chiang a piangin ropui an ti a. Chu khawngaihna mak mawi leh ropui tak mai chu thu leh hla in an puang chhuak a, an hrilin an sa thin a nih kha.  Chuti ang chuan Upa Sanglianthanga pawhin Pathian khawngaihna leh hmangaihna ropui zia leh Lal Isua neitu nun hlut zia chu a tak ngeia hmu chiang tu leh changtu a nih zia a inhre chiang a. Chuvangin 'Hnehna hla thar' tih hla ropui tak mai chu a lo phuah chhuak a. Tichuan Upa Sanglianthanga hla phuah chu One in Christ te chuan kumin a an music video pahnihna ni tur in an sa a. Music video a fiah fel faiin mawi tak leh nung tak maiin he hla hi an sa a, You Tube lamah en theihin a awm.   He hla chang khatnaa kan hmuh ang hian Lal Isua chu amah leh amah a intihtlawmna leh kan tan A ropuina zawng zawng hnawla hmangaihna vanga kan tan a lo reitheihna chu keini tan hausakna leh nun kan lo neih theihna a lo ni a. Sum leh pai ng...

Hmeichhe hming a ni a, a hnam hming  chu hnam dang tawng nalh tak in a zui bawk. A kut dinglam banrek chu puan varin a tuam a, inchibaina lam a nih avangin a kut na chu dim taka phar chhuakin a chibai a. Mahse a chibaitu chuan a hrechhuak thut a, a kut veilam chuan a chibai leh hnuhnawh a! Inhmatawnin Biak Inah an thu a, a chang changin amah chibaitu chuan a va en leh zauh thin a, ani pawh chu a chang chuan a lo hawi ve thin a. Hmeichhe hmeltha tak leh nulian tak, thau lam a ni a. A hmai hlai tak leh a mit meng mawi tak te chu amah chibaitu chuan a hmuh hmaih theilo. Amah chibaitu chuan a hming tawpa a hnam hming, hnam dang tawng awm chu tuemaw hmingah chuan a hre fo tawh a. Mahse a thinlunga chuti anga cham reng tur hnam hming chu a ni ang tih erawh a ring phak lo. Chuti ang rilru pu a inkhawm pawh a nilo a, mahse a ngaihtuahnaah chuan nula kut dinglam ban rek na chu danglam takin a awm nghet nghal hmiah tih erawh a hria.  Missionary niin hmun ralti tak leh k...

Zofate zingah chuan Rimawi khawvela sulhnu nghah ber pawl C. Dinthanga hi hrelo kan awm awmlo e. Tun hnaiah C. Dinthanga hla phuah pakhat ‘Kan Inthen Tur Hi’ tih H. Laldanglovi nen mawi tak maia an sak chu F. Hmingthanmawia te pafa chuan an lo sa tharin hla hi You Tube lamah en a hlawh hle a.   He hla chungchang hi C. Dinthanga ka va zawt chiang a. He hla hi kum 1980 tawp lama Venghnuai Middle School Aizawl a a tawh laiin chunchawlh awm hleiin a phuah a nih thu min hrilh a. Phuah chhan erawh a neihloh thu min hrilh.  Class VI Scholarship exam a hnaih avangin zirlai naupangte study camp an neih pui a. Zing inkaihthawh nan he ‘Johny Please Don’t Cry’ tih hla an ‘play’ thin a. Chuchuan a rilru a luah deuh a ni ang e, he hla thluk hmang hian he hla hi a phuah ta a ni.  AIR Aizawlah  leh C. Dinthanga Album pahnihna ‘Khuanu Samsuih’ ah khan a telh a.   Chumi hnuah chuan Peter C. Lalrinmawia leh F. Zothanmawii (Fam) te chuan an sa dun tawh bawk....

Khawvela tawng kan intawm chu Saptawng - English a tih chu mi zawng zawng hriat a ni a. Saptawng hi kan thiam em em tur a nia; a pawimawhzia hi kan sawi uar tawk zolo ang. Chutih lai mek chuan mahni pianpui tawng hlutna leh pawimawhna mangnghilh thak khawpa tawng dang buaipui leh ngaihsan erawh chu thil hlauhawm tak a ni thung.  Tun lai khawvelah Saptawng tello in thil kan sawi thei tawhlo a; kan tawng aia Saptawnga fiah zawk leh kan tawnga kan neihloh thil tamtak a awm a. Chungte chu kan sawisel thei hauh lo a, keimahniah chiang taka awmzia a neih chuan a pawina a awm hauh lo a. Kan tawnga kan sengluh a, kan tawng tihausatu atan kan hman thiam phei chuan a tha hlei hlei. Chutih laiin mi thiam tak tak, hna sang leh ropui tak tak chelh te zingah pawh mahni tawnga thuziak dik hleitheilo, chhiar hreawm leh hawrawp diklo leh kimlo a ziak tam tak - Facebook leh WhatsApp lamah te hmuh tur a awm thin hi a pawi hle.  Indopui 2 na zawh hnua khawvel ram hrang hrangte'n ...

Kristian Hla Bu number 208-na kan keu chuan kan tana Lal Isua Krista tuarna chungchang hla tha tak mai; Fanny Jane Crosby-i (1820-1915) phuah 'Lalpa, kraws-a i tuar natzia' (Nearer the Cross! My heart can say, I am coming nearer) tih kan hmu a. He hla hi Mizo zingah hrelo kan awm awmlo e. He hla ropui tak mai phuahtu F.J. Crosby-i hi mitdel niin a chanchin ringawt pawh tamtak ziah tur a awm ang a, kan sawi vek seng lo ang. Thla ruk chauh a upa a nih laiin mitna neiin an doctor rawn chu a fuhloh avangin a dam chhungin a mit hi a del hlen a. Chuti chung chuan Pathian fakna hla tamtak a phuah a. Kristian Hla Bu kan hman mekah hian Crosby-i hla phuah ringawt pawh hi sawmthumpakhat zet a awm a. Tuna kan sawi mek hi Rev. Taisena (1891-1959) chuan Mizo tawngin mawi tak maiin min lehlinsak a. He hla hi Sap tawngah chuan chang thum niin a letlingtu hian chang tawp ber hi a phuah belh a nih a rinawm. He hla chang khatna hian Lal Isua'n min chhandamna tura Kraws-a khenbeh a ...

Thi leh tur a piang ka nih miau avangin thihna chu ka pumpelh thei dawn lo a, ka la thi ngei dawn a ni. A hun leh nî tur chu ka hre lo a; mahse a lo la thleng ve ngei dawn a ni.  Social Media lamah ka thih thu hi ka ṭhiante leh ka ṭhian ni lemlo; min hre ngai reng reng lo te pawhin an lo hre ve ang nga. Chutih hunah chuan ka chhûngte chu an rilru a nâin an ṭap ve ngei ang tih ka hria. Ka thlarau chu khawiah nge a kal ang tih chu Pathian thu thu a ni a, kei chuan ka lungkham bur thei lo a. Ani min hmangaih a min tlantu kutah hian ka dah tawp mai a ni.  Orissa lama Missionary a ka lo thawh ve tawhna te khan ka thih thu hi an lo hre ve mial a nih chuan min ui thu chu an sawi ve ngei ang a. A chhan chu zing tin deuh thaw kha kan driver Hippi-a te in ah khan ka zuk len ve ṭhin avangin min ui ve ngei ang.  Arsenal fan - ka ṭhiante pawhin min ui ve ka ring a. Mi ṭawngthei tak, an fiam nasat leh an ngamtlâk tak ka nih ve avang te, Arsenal Fans Group- WhatsApp le...

Hmanni chu kan thiannu pakhat hian ka phone ah You Tube –a zai pakhat ‘Engtin nge ni dawn?’ tih Cassettes in an sak chu a chhuah a. A thluk leh a thu chuan ka vawikhat ngaihthlakna atang chuan min hnehin nalh ka ti nghal em em mai a. Ka phone-ah chuan Cassettes- ‘Engtin nge ni dawn?’ tih chu ka ‘download’ nghal a, hun awl ka neih chang chuan ka ngaithla nawn ta fo mai a; hei tunah pawh hian ka ngaithla mek a ni. An hla thu a ‘simple’ in an music video fiah fai leh en nuam tak mai te, a satu aw nalh tak te chu ka rilruah a awm tlat avang chuan You Tube lamah chuan ka’n bel chiang chho a.  Music classic lam leh tunlai inchawhpawlh si a ni a. He hla 'Engtin nge ni dawn?'  pawh hi chuti ang lam thluk chu niin anmahni'n a thluk hi an siam a ni. He Official Music Video hi Zo Siam in an ‘upload’ a ni a. He thu ka ziah lai hian mi maktaduai khat aia tamin an en tawh a ni. He hla mawi taka satu hi Hlimpuii a niin he music video ah hian Tarmit vuahin ‘model’ ah a tan...

Chanchin Tha Luka ziak bung 24:17 kan chhiar chuan Emmau khaw pana kal mek thiandun te hnenah Lal Isua’n kan thupui khi a zawt a ni tih kan hre theuh awm e. Hemi chungchang hi Chanchin Tha bu dang Marka ziak 16:12,13 ah pawh tawite in kan hmu bawk a nih kha. Emmau pana kal pahnihte hian Isua an zui thin a, Israel hnam chhanchhuaktu ni turin Lal Isua hi an beisei a. Mahse an rinloh takin Lal Isua chu kenbeha awmin a thi ta mai si a, an beidawng em em a. Chutia an innghahna leh an beisei ber Lal Isua a thi ta mai chu mak ti tak leh beidawng taka an sawi dun mek lai chuan an hnenah Lal Isua chu a inlar a; ‘Kal paha in sawi kha eng thu nge?’ tiin a zawt a nih kha.  Mahse Lal Isua chu a inthup tlat a, an hriat theih loh nan a inthup a. Luka ziaka kan hmuh angin Kleopa te thian dun hian zawhna zawttu chu Jerusalem-a awm ve ni a an rin avangin thil awmzia hre miahlo a zawhna a lo zawt chu mak an ti hle a. Amah Lal Isua chu a ni tih an hriat theih bawk siloh avangin Ama cha...

One In Christ te chuan kumin 2019 a a an music video hmasa ber ‘Hmangaihna Ropui’ tih chu March ni 6 zanah You Tube lama en theihin an tlang zarh a. He hla hi ‘Love come Down’ tih hla, Tood Fields, Ross King, Casey Darnell leh Heath Balltzglier te phuah a niin Alvin Lalruatfela lehlin bawk a ni leh a. Alvin-a hi hla lehlin a thiamin an group hian nalh tak takin an sa thei a, tuna mi pawh hi an sa nalhin a video pawh en a nuamin a fel fai khawp mai. He hla hi ‘Praise & Worship’ a sak chi tak niin Pathian hmangaihna ropuizia puanchhuahna hla tha tak a ni.  Mihringte chu suala tlu, Pathian nena inzawmna tluantling nei thei tawhlo kan ni a. Kan sualna chuan mitdel ang maiin thil tha leh kawng dik zawh thei tawhlo turin min phuar a. Mahse Pathian hmangaihna tawp chin neilo chuan Lal Isua Krista kal tlangin min chhandam thu he hla chang khatna ah hian kan hmu a ni. Pathian khawngaihna hi a hlu em em a. Chu chu Tirhkhoh Paula te pawh khan an hmu chiangin khawngai...

Chanchin Tha bu pathum Matthaia, Marka leh Luka ziak te kan chhiar chuan kan thupui khi Lal Isua tawngkam a nih thu leh kum sawmpahnih zet hmeichhe thi putin damna beiseia Isua a deh avanga Lal Isua sawi a ni tih kan hre theuh awm e.   Chanchin Tha bu pathumte hian an ziah dan tawngkam chu in ang veklo mahse Lal Isua thiltihtheihna beiseiin he hmeichhe khawngaithlak tak hian Lal Isua hi a pan a ni tih erawh chu kan hre thei awm e. Hetih lai hian Lal Isua hi inkhawmna in hotu Jaira fanu tidam tura kal a ni a, amah zuitu hi mi tamtak an awm bawk a ni.  Lal Isua tihdamna beisei tu hmeichhe thi put hi Leviticus 15:25-32 a kan hmuh angin an hnam Juda sakhaw danah bawlhhlawh a ni a, mipui zing atanga inthiarfihlim tur a ni a. Heti ang natna nei reng rengin mi an khawih chuan a khawiha kha an bawlhhlawh zel nia ngaihkhawpa an thinhrik a ni. A khawihtu nih kha a zahthlakin a khawiha nih pawh a thinrim thlak a, Judate Talmud bu phei chuan heti ang thi put natna hi vawi s...