Khawvela tawng kan intawm chu Saptawng - English a tih chu mi zawng zawng hriat a ni a. Saptawng hi kan thiam em em tur a nia; a pawimawhzia hi kan sawi uar tawk zolo ang. Chutih lai mek chuan mahni pianpui tawng hlutna leh pawimawhna mangnghilh thak khawpa tawng dang buaipui leh ngaihsan erawh chu thil hlauhawm tak a ni thung.
Tun lai khawvelah Saptawng tello in thil kan sawi thei tawhlo a; kan tawng aia Saptawnga fiah zawk leh kan tawnga kan neihloh thil tamtak a awm a. Chungte chu kan sawisel thei hauh lo a, keimahniah chiang taka awmzia a neih chuan a pawina a awm hauh lo a. Kan tawnga kan sengluh a, kan tawng tihausatu atan kan hman thiam phei chuan a tha hlei hlei.
Chutih laiin mi thiam tak tak, hna sang leh ropui tak tak chelh te zingah pawh mahni tawnga thuziak dik hleitheilo, chhiar hreawm leh hawrawp diklo leh kimlo a ziak tam tak - Facebook leh WhatsApp lamah te hmuh tur a awm thin hi a pawi hle.
Indopui 2 na zawh hnua khawvel ram hrang hrangte'n mahni ke a ding a, Sap ho awp behna hnuai atanga mahni ngaihdan, rilru, hnam nunphung leh khawsak phung te an chawi sân mek lai hian keni hian kan tawng leh kan hnam nunphung te hnualsuat zawng hian hmasawnna kailawn hi rah kan tum em tih hi inzawh nawn fo a tul awm e.
Pathian thu zirna huangah pawh khawthlang ho ngaihdana Pathian thu kalpui tawhlo in mahni hnam leh chibil te mil zawnga Pathian thu duan chhuah hi tun lai khawvela Pathian thu zir dan kalphung a ni tawh a. Sap pa ngaihtuah dan leh hriatthiam dana Pathian thu hrilhfiah ringawt tawhlo in keimahni hnam leh khawsak dan mila Pathian kan hriatthiam theih dan tur hawi zawnga zir hi tunlai khawvela Pathian thu zir dan chu a ni tawh.
Saptawng kan uar lutukna lamah kan thil zir mek awmzia leh nihna tak tak hrelo hian kan zir/vawng liam a. Exam ah chuan kan tihthat phah ngei pawh a ni thei e. Mahse kan thil zir mek awmze diktak hrelo hian zirna sang tak hi a zawh ve theih a ni.
Zonet buatsaih Mizo Award dawngtu Prof. Joy. L. Pachuau khan mahni pianpui tawng ngei hian kan zirlaibu te hi zir theih nise, saptawng hi a pahnihna ah zir ila tiin ATC, SCMI Unit in 'Mizo Identity Bihchianna' tih seminar an buatsaihah khan a sawi a, a pawmawm hle.
Primary atanga High sikul kan kalnaah kan zirtirtu te hi Mizo tawng lama degree nei biklo an ni fur a. Chungte chuan Mizo min zirtirin zirlai tamtak phei chuan a hlutna hrelo in zirlai dang aiin kan namnul fo thin a, a pawi hle. Kan tawng hlutna leh pawimawhna hi kan zirchhuak pha meuh lo.
Mi zawng zawng tan Saptawng hi thiam theih a nilo a, lehkhabu tha leh rotling tak tak te kan chhiar ve theih tura kan tawnga min lo lehlinsaktu PL Liandinga, JF Laldailova adt te hi an fakawm hle. Anni ho vang hian kan thu leh hlâ a hausak phahin khawvela thu leh hla ropui ber ber leh tha ber ber te hi kan tawng ngeiin kan lo chhiar theih phah a nih kha.
Kan hnam a boral lohna tur te, thil awmze dik tak leh nihna diktak te hre tur hian keimahni piampui tawng ngeia kan zira kan hriatfiah tluka chiang hi a awm lo a. Chuvang chuan lehkhabu tha leh rotling tak tak te hi kan tawnga lehlin te hi i uar deuh deuh ang u.
Keimahni tawng ngeia kan hritthiama kan zir chhuah chu hnam dang tawnga sawichhuah leh chu thil harsa tak a ni tawhlo. Bible te pawh keimahni tawng ngeia kan neih hian a hlut zia chu kan hrethiam awm e. Saptawng emaw Greek tawng emaw in Bible hi nei ila, a awmzia kan hriat loh chuan kan tan tangkaina leh hlutna a neilo a. Pathianin A thu min chah kha kan hrechhuak thei ngai dawn lo a ni tih kan hre awm e.
Social Media-a lar hnuah phei hi chuan kan tawng kan hlut tawklohna rah hi a lo lang chiang a. Mi tamtakin hawrawp kimlo leh dik manglo in kan thuziak kan vawrh darh a. Chungte chu kan tu leh fate chuan kan tawng dik emaw tiin an hmang hmiah hmiah ta mai a. Heti ang zela kan kal chuan UNESCO in a sawi tawh ang khan kan tawng hi a la boral tak tak ang a. Chutih rual chuan kan hnam pawh hi a boral zui dawn a ni.
Zirlaite leh mi nawlpuiin saptawng kan ngaihhluta thiam kan tum nasat aia nasa hian kan pianpui tawng Pathianin min pek hi hlut zual ila. Tun aia nasa hian ziak leh chhiar pawh i uar ang u.
Zonet buatsaih Mizo Award dawngtu Prof. Joy. L. Pachuau khan mahni pianpui tawng ngei hian kan zirlaibu te hi zir theih nise, saptawng hi a pahnihna ah zir ila tiin ATC, SCMI Unit in 'Mizo Identity Bihchianna' tih seminar an buatsaihah khan a sawi a, a pawmawm hle.
Primary atanga High sikul kan kalnaah kan zirtirtu te hi Mizo tawng lama degree nei biklo an ni fur a. Chungte chuan Mizo min zirtirin zirlai tamtak phei chuan a hlutna hrelo in zirlai dang aiin kan namnul fo thin a, a pawi hle. Kan tawng hlutna leh pawimawhna hi kan zirchhuak pha meuh lo.
Mi zawng zawng tan Saptawng hi thiam theih a nilo a, lehkhabu tha leh rotling tak tak te kan chhiar ve theih tura kan tawnga min lo lehlinsaktu PL Liandinga, JF Laldailova adt te hi an fakawm hle. Anni ho vang hian kan thu leh hlâ a hausak phahin khawvela thu leh hla ropui ber ber leh tha ber ber te hi kan tawng ngeiin kan lo chhiar theih phah a nih kha.
Kan hnam a boral lohna tur te, thil awmze dik tak leh nihna diktak te hre tur hian keimahni piampui tawng ngeia kan zira kan hriatfiah tluka chiang hi a awm lo a. Chuvang chuan lehkhabu tha leh rotling tak tak te hi kan tawnga lehlin te hi i uar deuh deuh ang u.
Keimahni tawng ngeia kan hritthiama kan zir chhuah chu hnam dang tawnga sawichhuah leh chu thil harsa tak a ni tawhlo. Bible te pawh keimahni tawng ngeia kan neih hian a hlut zia chu kan hrethiam awm e. Saptawng emaw Greek tawng emaw in Bible hi nei ila, a awmzia kan hriat loh chuan kan tan tangkaina leh hlutna a neilo a. Pathianin A thu min chah kha kan hrechhuak thei ngai dawn lo a ni tih kan hre awm e.
Social Media-a lar hnuah phei hi chuan kan tawng kan hlut tawklohna rah hi a lo lang chiang a. Mi tamtakin hawrawp kimlo leh dik manglo in kan thuziak kan vawrh darh a. Chungte chu kan tu leh fate chuan kan tawng dik emaw tiin an hmang hmiah hmiah ta mai a. Heti ang zela kan kal chuan UNESCO in a sawi tawh ang khan kan tawng hi a la boral tak tak ang a. Chutih rual chuan kan hnam pawh hi a boral zui dawn a ni.
Zirlaite leh mi nawlpuiin saptawng kan ngaihhluta thiam kan tum nasat aia nasa hian kan pianpui tawng Pathianin min pek hi hlut zual ila. Tun aia nasa hian ziak leh chhiar pawh i uar ang u.
Comments
Post a Comment