ZADENG

Music a lo ri a, chu music chu ngaihsak loh theih lohin a ri no fan mawi nghiai a, zan thla eng tak leh boruak thiang tak hnuiah a ni leh nghal a! Chutah chu music ri fan mawi tak tawp ah chuan Bryan Adams chuan aw tham nalh em em in ‘When You Love Someone’ tih chu an sa raih raih a….tu emaw kan hmangaih em em mai chu kan hre chhuak lo theilo a nih kha tiraw?  He hla “When You Love Someone’ tih hi a satu Bryan Adams, Michael Kamen leh Gretchen Peters te inphuahtawm a ni a. Kum 1997 a Unplugged album-ah khan a tel a ni tih kan hriat kha. He hla hian khawvel a dengchhuak a, tu emaw hmangaih lo nei tawh chuan a dik zia leh a ril zia hi kan hriat kha! Chutah Canadian zaithiam Bryan Adams hian a la sa mawi em em zui a, mi tam tak lunglenna leh mittui ti hnam tu chu he hla hi a ni ngei ang! Hmangaihna hi chu a mak ve ngawt mai! Nunna nei tawh zawng zawng te hi chuan hmngaihna hi kan sawichhuah thiamloh pawhin kan mamawh vek a, a tel loin kan nung theilo. Khawvela Pathia...

Kristian Hla Bu number 202 na kan keu chuan Martha Matthila Stcockton -i (1821-1885) Pathian hla phuah 'Kraws ah chuan thisen hlu a awm' tih kan hmu ang a. He hla hian chatuana nunna kan neih theihna tur a Lal Isua tuarna, kraws ah a thisen hlu tak chhuaka min tlanna ropui zia a puanchhuahna hla ropui ber pawl a ni a. Khawvel Kristiante zingah hian he hla hre lo hi kan awmlo ang ti ila kan sawi sual awm lo e.  He hla phuahtu Stcokton-i hi June ni 11, 1821 ah lo piangin Rev. W.C. Stockton nen an innei a. He hla ropui tak mai hi kum 1871 ah a phuah niin an sawi. He hla thluk hi ama siam a ni a, a hla phuah dang pakhat chu Kristian Hla Bu No-41 na ‘Pathianin mi sual a hmangaih tih hi a ni a. Pi Stockton-I hi kum 1895, October ni 18 ah khan a boral.  ‘Kraws ah chuan thisen hlu a awm’ tiin Mizotawngin Suakkunga (1893-1978) hian a dah a. He hla hi a lehlin ni chiahlo in sap tawnga a thu leh thluk awmsa hmang hian a siam niin a lang. Sap tawng lamah chuan he hla hi ...

Kristian Hla Bu number 134 na kan keu chuan Pastor Johnson Oatman Jr. (1856 – 1922) a Pathian hla phuah Mizo tawnga Rev. JH. Lorrain (1870-1944) a lehlin ‘ Kan Isua ang thian dang reng an awm lo’ tih kan hmu ang a. He hla ropui tak mai hi kum 1895 ah khan Pastor Johnson-a hian a phuah a, khawvela Pathian hla ropui leh lar ber pawl a ni tih chu kan hre theuh awm e.    He hla phuahtu Pastor Johnson Oatman Jr. hi kum 1856, April ni 21 ah piang in kum 19 lek upa a nih laiin Methodist Episcopal Church chuan Pastor atan a ngemnghet a. Kum 1878 ah Wilhelmina Reid chu nupui ah neiin fa pthum Rachel, Miriam, leh Percy an nei a. Amah hi hla phuah thiam tak niin Kristian Hla Bu number 48 na ‘ Mangang leh lunngngaia tan I tum te hian’ tih hla pawh hi a phuah a ni. Kum 1893 ah a hriselna te a that tawh loh avangin pastor anga rawng a bawl thin chu a chawlhsan a. A hunt awn tawh te leh a rawngbawlna te ngaihtuah let in he hla ‘Kan Isua ang thian dang reng an awm lo’ tih hi ...

Pawl 5 kan zir kum, kum 1999 ah kan kan U pakhat hian a putea te in ah AZZ Cassette hawh tur hian min tir a. Thuawih takin AZZ Cassette hawh chuan ka kal a. Chu Cassette chu ka rin dan chuan Sap Mipa Zaithiam ho cassette ni tur ah ka ngai a. Khatih lai khan kum 10 a upa ka ni. AZZ Cassette keng chuan kan U te in ah chuan ka let chho   leh a, chutah AZZ chu a’n chhuah ta a. Sap nilo in Mizo Mipa Rap/Zai a lo ni reng tih ka hriat chuan nalh ka ti ta em em a. Hmun dangah kallo in hemi ni hian AZZ zai chu ka ngaithla ta reng mai a. Chuta tang chuan AZZ ka duhna hi vawiin thleng hian a la reh hlen theilo. Khatih hun lai khan tun angin mitin ban phakah internet hi hmuh tur a la awm lo a. Zaithiam te chanchin pawh hi hriat zung zung a har em em a. AZZ ho chanchin pawh chu hre chak em em mahila ka hre thei lo a, Aizawl Zuangtui a mi an ni tih erawh chu min hrilh thin a. Mahse hetih hun lai hian Aizawl pawh kan la kal lo a, zirlaibu a kan zir bak Aizawl chanchin hriat kan n...