ZADENG

Luka 2: 10 & 11 - Tin, vantirhkoh chuan an hnen ah, " Hlau suh ulang, ngai rawh u, mi tin ta tur chanchin tha lawmawm em em ka rawn thlen che u a ni. Vawiinah hian in tan Davida khuaah Chhandamtu a piang ta, Lal Krista chu." Kan tet lai kha chuan Krismas hi thawmhnaw thar neih hun a ni tih kan hria a, Tin ruai kan theh thin avangin nuam kan ti hle a. Lal Isua lo pian ni a ni tih chu bengin kan hria a, thinlung erawh chuan kawr thar leh ruaitheh hun tih a hre chiang thung. Tlangsam leh Japan hlo a lo par kha chuan kan ngah fan fan Krismas a lo thleng tep tih kan hria a, kan phur tin hle. Krimsas ruai kilna tur changel hnah kan pu thin a, a nuam thin khawp mai. A neinung deuh fa te'n halpuah an keng a, kan vawm puak dur dur zel a nih kha.  Kan nu leh pa te'n Krismas kekawr min lei sakah  Pistol lem a awm kha chuan kan intithei hle a. Pheikhawk engthei bun ngat phei kha chu zan lamah kan ngaisang thin hle a. Krismas hma chiah a Pathianni a tlak tum in ka

Matthaia 28:19 - " Chutichuan kal ula, hnam tina mi zirtirahte siam ula, Pa leh Fapa leh Thlarau Thianghlim hmingah chuan baptis u la. Thu ka pek zawng zawng che u pawm turin zirtir rawh u." He thupek hi Lal Isua'n Van a lawn chhoh dawn a a zirtirte hnen a a thupek a ni a, a pawimawhzia chu thu leh hla in kan puang senglo a, a taka nunpui a thihpui mi tamtak an awm tawh a, an la awm zel bawk ang. Pi Pradhana Pradhan-i in kawt He thlalak kan hmuh hi thingtlang khaw pakhat Samonbadi, Kandhamal District  Odisha (Orissa) a nu pakhat Pi Pardhana Pradhan-i a ni a, Kan hmuh ang hian a hmeltha hauh lo a, a ha hmai 2 hi a bal a. Hlim taka a nuih phei chuan a habal avang hian a hmelchhe sawt zawk emaw tih tur a ni. Fa hmeichhe nuapang pakhat a nei a, A pasal Kamanjini Pradhan-a  hian hmun hran ah hnathawkin nitin a chhuah bosan thin. A hmel en hian Cream tha leh man to a inchulh ngailo tih a hriat a. A vun hian Lotion  a dawng ngailo ang tih a hriat bawk. '

Johana 3:16- "Pathianin khawvel a hmangaih em em a, chutichuan a fapa mal neihchhun a pe a, amah chu tupawh a ring apiang an boral loh a, chatuana nunna an neih zawkna'n." Bible chang kan tarlan khi Internet a Pathian thu zawn hlawh ber a ni e an ti a. A pawimawh in a hlu em em a, Kristian zawng zawng chuan he thu hi kan hre vek awm e. Lal Isua hi keimahni tan liau liau a lo kal a nih zia hi kan hriat nawn fo a tul awm e. Misual, Kebai, Mitdel, Rukru leh Pastor emaw pawh ni ila, Lal Isua hi kan ta a ni tho tho a, kan hnaih poh leh kan ta a nihzia a chiang thin.  He khawvela alo kal dawn pawh khan, damdawi in changkang leh tha kha a thlang duhlo a, ranchaw pekna thleng a lo thlang a nih kha. A chhan chu mi zawng zawng-mi rethei leh mi hausa te tan pawh a biak phak Pathian, engkim kan dil ngam leh kan duh duh kan thlen ngamna Pathian anih vang a ni.  Khawchhak mifingte pawh khan an hai a , Herod-a in a a pian an ring a, an lut nulh anih kha. Mahse Lal Isua

Kan hriat fo tawh angin Orissa ( Odisha hi a hming thar ni mahse, Orissa hi a lar zawk a, kan ziak zel mai ang) a Kandhamal Distirct ah hian kum 2008-2010 ah Kristiante tihduhdahna rapthlak tak a thleng anih kha. (Kum 1999 a Graham Stein te pafa an that atang khan mi hriat an hlawh hle a nih kha.) Hetah hian mi tamtak in nunna an chan a. In leh lo, sum leh pai leh biak in tamtak an chan a nih kha. Khawvel in he thil thleng hi a hria in, keini Mizo te pawhin an mahni pual hian kan tawngtai a nih kha. Hetah hian thlalak nen kan unau te tawrhna hmun kan tarlang a. I lo chhiar a i lo hlawkpui ngei kan beisei a, Lal Isua tan hian rinawm taka awm i tum tlat ang u. Ni 17 November 2015 khan Cuttack a awm Rev. R. Lalvulluaia@ Mavula Ralte Mizoram Synod Pastor te nen Kristiante tawrhna hmun kan fang a, rilru an khawih hlawm hle a. A hnuai a kan hmuh hi kum 2008-a Ringlo mite'n Roman Catholic Hmeichhia ( Nun ) an sawisakna a ni a.  Nun an sawiksakna in ah Rev. Mavula , k

Kum 2013 khan Zobawk Vengthlang Branch  KTP chu Tlabung Zodin Branch KTP te'n min lo tlawh an tum a. Tin, Zobawk Pastor Bial KTP Meet chu kan Branch chuan kan thlen dawn bawk a vangin Fellowship -na tur atan Pandal sak nise kan ti a. Tichuan BKTP Meet hma kar chiah in Tlabung Zodin Branch KTP te chu min lo tlawh turin kan ti a. Branch lian kan nilo a, member pawh a lu nungin 21 vel kan ni țhin. Pandal kan sak dawn chuan Mau put a ngai a, KTP hnatlang kan inko a-kan chhuah that chuan mi 14 te kan chhuak thin. Kum tawp lam a nih bak ah member te kan chakloh lai tak a nih a vangin hnatlang kan kal that theih ka ringlo in, ka beidawng ru hle a. Ka rin ang ngeiin kan Kohhran Upa fapa kum 13 mi, kan Tual Upa- KTP Over tawh -a tulna vang a KTP a min la tel pui nen, kan 3 chauh chu hnatlang tur chuan kan chhuak a. Kan kalna tur Motor chu kan Leader in a lo khalh mek bawk a-kan vaiin 4 kan nih chu. Mi 4 lek tan a Pastor Bial khat daih Fellowship -na tur sakna daih kh

Sam 37:05-  " I awm dan tur chu Lalpa chungah nghat la;  Amah chu ring la, aman a ti vek ang" Chu mipa naupang chu rethei in cher chhe ve hle mah se, Amah siamtu Pathian chuan a hre reng a. Chhungkaw hausa lo tak anni tih pawh a hailo a. A nu leh pa, a pi leh pu te atang pawhin Sakhawmi tak an nilo tih pawh hria. Sikul tha leh changkang tak ah a kal ve phaklo tih pawh a hre reng a, Nursery Rhyme pawh Anganwadi a " Are You Sleeping Brother John?" tih a zir bak a thiamlo tih pawh a hria. Zantin A hnenah lawmthu sawiin tawngtailo mah se, a hmangaihna leh khawngaihna chuan chu mipa naupang chu a chelh tlat a, a mamawh engkim a pe thin-an chhungkaw tan. Nu leh pa te'n thewihtawp chhuah a sikul an kal tirna chu Pathian chuan-Ama tan thahnem ngailo in, sual lam ah tluksan mahse-hriatreng saklo in a ngaidam a. A malsawm a, College hial a zo ve a nih kha. College a kallai pawh in, A ni chuan a khawngaih a, Kohhran Committee kaltlangin Kohhran Thalai hruaitu

Krismas lo thlen a piang a Krismas hla kan chhuah ve ziah chu " The Little Drummer Boy" tih hla hi  ani ngei ang. Mi hrang hrang in nalh tak tak in an sa a, Krismas ti Krismas tu ber pakhat a ni ti ila kan sawi sual awmlo e. He Krismas hla ka ngaihthlak apiang hian Pathian ropui zia leh mi zawng zawng tan Lal Isua hi a lo piang  ani tih ka hriatchhuah phah thin a. Zaklo leh inthlahrung hauh lo in Lal Isua piancham hi inti neitu takin ka lawm theih phah thin. Mi hausa sum leh pai ngah tak tak te chuan Krismas tuk a Bethlehem  Bawng In lem a Lal Isua a lo piang lai awmna ah chuan thilpek hlu tak tak te chu an lo dah ruih ruih a. A then in kawrlum nalh tak tak te, a then chuan naute thawmhnaw man to pui pui te, a then chuan sum leh pai tamtak te pawh a ni ang-an lo dah khawm teuh a. Hlim leh lawm takin, Lal Isua piancham chu an lawm a. An thilpek hlu tak tak te avang chuan Lal Isua pawh a hlimin a lawm ve ngei ang tih an hria.  Chutih lai chuan Mipa naupang, k

Thilpek (Present) in pek hi hlu in, a dawngtu nihpawh hi a hlu a, a petu nge a dawngtu nih hi nuam zawk ang tih chu a mihring a zir leh kan thilpek leh kan dawn a zir a nih a rinawm. Piancham lawmna leh Hlawhtlinna lawma thilkpek kan pek leh kan dawn chu a hrang țhin a. Tin pek tur kan neih chuan a dawngtu duh zawng leh a dinhmun a zirin kan thilpek tur kan lei a kan pe țhin. Chuti ang bawkin, kan mamawh tak leh kan duhzawng tak pek kan nih chuan kan lawmna hi a va belhchhah thin em! Kum 2007 ah Pawl Sawmpakhat kan zir kum hian ka pian a hnulam ah Birth Day Present ka dawn hmasak ber niturin ka țhiante'n thil min pe a. Lehkha mawiin an tum thlap a, tlai sikul ban a kan in a ka haw hnu ah ka hawng a- Arsenal Logo awm chahbi khaina, Photo Album, 'Please Forgive Me' hla awmna CD Casette leh nepnawi awmna ka dawng a. Ka lawm em avangin ka mittui a tla a. Thingtlang naupang rethei leh engmah nilo khan he khawvel ah hian țhianțha te ka neiin, thilpek pek tlak a hlu ka ni

Pathian khawngaihna avangin kum 2014 June  thla ațang khan Orissa ( A hming thar Odisha) ah  tlinglo taka rawngbawlin ka awm ve a. Orissa hi  Kristiante tan chuan hriatloh pawh tum ila, a  hriatloh theihloh a. Kum 1999 a Australian  Missionary Graham Stein te pafa an hal hlum  avang khan khawvel a Kristiante zawng zawng  chuan an hria ti ila, a sual awmlo e.Tin, kum  2008-2009 ah Hindu ho in an Puithiam, Naxalite  hel te'n an thah chu Kristian te thah ah an puh  vangin Kristian te chungah phuba la in, mi  tamtak in in leh lo an chãn a. Biak in tamtak an  hal chhia a, mi tamtak in nunna an chan phah  bawk anih kha. Kum 2008-2009 a Kristian  tamtak te an tihduhna leh an tihhlumna hmun,  Kandhamal Dist. (Orissa ah hian District 30 a  awm) ah hian ka awm mek a, ringtute an tihduhahna suhnu pawh a la awm nual a ni. Mi tamtak chuan Orissa hi hlauhawm leh ral  muanglo,Kristiante tan a awm ngamlohna ang  ah an ngai a. A dik a,a hlauhawmin fimkhur taka  awm a ngai bawk. Tin, S

"Aw Lalpa, Chaw leh thil tinreng min pek avangin kan lawm e; I rawngbawl turin min pui la, Isua Krista hmingin kan dil a che- Amen" He tawngtaina thu hi ka hriat hmasakna ber  chu Anganwadi kan kal laiin kan hotu te'n min zirtir thin a, chaw ei dawn a tawngtai dan tur a ni ti a min hrilh avang khan chaw kan ei dawn apiangin he Tawngtaina thu hmang hian ka tawngtai thin-ngaihzawng neih kan chin thleng in! BA kan zir zawh tawh hnu, nupui pasal neih kan ngam tawh hnu ah, ka thiannu pakhat-kei aia upa chuan he tawngtaina hmang hian an chhungkaw chaw ei dawn ah a tawngtai a. Nula a pumpa, naupan lai a tawngatina min zirtir hmang a tawngtai kha a zak ru hle tih ka hria a, zawite in a tawngtai nghe nghe. Ni e, puitling kan nih tawh hnu chuan he tawngtaina thu hi kan hnualsuat in, kan mamawh zawng zawngte a funkimlo deuh ni a ngaiin, Biak in leh engmaw thiltih tawngtai ah chuan kan hmang ngai lo a. Tin, naupang kum 10 hnuailam chin tawngtaina atan kan nga