Skip to main content

KHUANGVAWTU MIPA NAUPANGTE KHA

Krismas lo thlen a piang a Krismas hla kan chhuah ve ziah chu " The Little Drummer Boy" tih hla hi  ani ngei ang. Mi hrang hrang in nalh tak tak in an sa a, Krismas ti Krismas tu ber pakhat a ni ti ila kan sawi sual awmlo e.

He Krismas hla ka ngaihthlak apiang hian Pathian ropui zia leh mi zawng zawng tan Lal Isua hi a lo piang  ani tih ka hriatchhuah phah thin a. Zaklo leh inthlahrung hauh lo in Lal Isua piancham hi inti neitu takin ka lawm theih phah thin.

Mi hausa sum leh pai ngah tak tak te chuan Krismas tuk a Bethlehem  Bawng In lem a Lal Isua a lo piang lai awmna ah chuan thilpek hlu tak tak te chu an lo dah ruih ruih a. A then in kawrlum nalh tak tak te, a then chuan naute thawmhnaw man to pui pui te, a then chuan sum leh pai tamtak te pawh a ni ang-an lo dah khawm teuh a. Hlim leh lawm takin, Lal Isua piancham chu an lawm a. An thilpek hlu tak tak te avang chuan Lal Isua pawh a hlimin a lawm ve ngei ang tih an hria. 

Chutih lai chuan Mipa naupang, khawvawt tak hnuai a kekawrbul ha, kawrlum tha hak tur pawh neilo chuan Lal Isua lem awmna Bethlehem  Bawng In lem chu panin, Lal Isua chu chibai buk ve ngei a duh a. Mi che tla chu a thlithlai reng a, mi te chuan thilpek ropui tak tak an pe tih a hria in a hmu reng a, a inthlahrung hle.


Chu Krismas tuk ah chuan, Lal Isua tan chuan thilpek pek ve ngei a duh si, mahse chaw eitur leh thawmhnaw tha pawh a nei silo. Amah a in en a, engmah a neilo-a Khuangte tih chauh lo chu! Engtin nge a tih ang? Lal Isua tan chuan thilpek pek ve ngei a duh si a. Inthlahrung takin Lal Isua hnen ah chuan mipa naupang rethei ve tak a nih thu a hrilh a, mah se a neih chhun khuangte erawh mawi tak a lo vuak rik sak a duh thu a hrilh ta a. Tichuan a theihtawp a mawi leh nalhin Lal Isua tan a khuang chu a vaw ta a. Enge lo thleng? Lal Isua chuan hlim tak maiin a lo nuih a nih kha! Amen! A va ropui em!!

Nang leh kei hi mi rethei tak, thilpek hlu tak pek ve tur neilo kan ni tih hi Lal Isua hian a hre chiang em em a. Kan neih chhun kan thinlung hi a zawng zawng a Ama tan a kan hlan phawt chuan, sum leh pai leh thilpek dang hlu tak tak te hi Lal Isua hian a lo phut reng reng lo. Kan thinlung hi a tan a kan hlan a, Amah kan fak phawt chuan hlim takin min lo nuih let zawk ang nga, Lal Isua tinui theitu kan lo ni ang.

Kan tan a nun hlan tu, a neih zawng zawng leh a nunna hial min petu Lal Isua tan hian kan neih hlu ber kan thinlung i hlan ang aw? Kawrlum tha kan neilo emaw, kan sualna chu mite'n an ngaidam theilo emaw, sawi chhuah tlakloh khawpa zahpuiawm nun kan nei emaw, engpawhchu lo ni ila, Lal Isua hian chungchu a ngaipawimawhlo. Kan thinlung kan pek phawt chuan hlim takin min lo nuih let zawk  dawn a ni. A va ropui em!!

Mi hausa pui pui te kha tuman an hre zui lo a. Thil hlu tak tak petu kha sawizui an hlawh miahlo. Khuang chuah nei mipa naupang rethei tak in a neih zawng zawng Khuang Lal Isua tan a vuak a-a pek avang khan khawvelin he naupang khuang vuak chanchin hi hla ah phuah in, tun thlengin Krismas a piang in kan la sa a, kan la sa zel bawk ang. 

Mirethei te Pathian nih zaklo, an thilpek te rimtui a chhiarsak tu Pathian kan nei hi kan va vannei em! Heti tak a min hmangaih a, A fapa mal neihchhun min pek Lal Isua piancham ah hian kan thinlung zawng zawng i pe ve ang aw? Lalpa chu fakin awm rawh se!


The Little Drummer Boy

Come they told me
Pa rum pum pum pum
A new born King to see
Pa rum pum pum pum
Our finest gifts we bring
Pa rum pum pum pum
To lay before the kIng
Pa rum pum pum pum,
rum pum pum pum,
rum pum pum pum
So to honor Him
Pa rum pum pum pum
When we come
Little baby
Pa rum pum pum pum
I am a poor boy too
Pa rum pum pum pum
I have no gift to bring
Pa rum pum pum pum
That's fit to give our King
Pa rum pum pum pum,
rum pum pum pum,
rum pum pum pum
Shall I play for you
Pa rum pum pum pum
On my drum
Mary nodded
Pa rum pum pum pum
The ox and lamb kept time
Pa rum pum pum pum
I played my drum for Him
Pa rum pum pum pum
I played my best for Him
Pa rum pum pum pum,
rum pum pum pum,
rum pum pum pum
Then He smiled at me
Pa rum pum pum pum
Me and my drum 

Comments

Post a Comment

Popular posts from this blog

Lal Isua Hmangaihna

Ramhlun North Pastor Bial Zaipawl in kum 2013 a an sak Lal Isua hmangaihna tih hla, T. Laldintluanga phuah hi tun lai ah hrelo kan vang hle awm e. He hla hi Zaithiam hrang hrang te pawhin an sa a. Lal Isua hmangaihna hi kan tan a tawkin engkima engkimah a rintlak zia puanchhuahna ropui tak a ni tih kan hre awm e.     He hla phuahtu T. Laldintluanga, Ramhlun North hi tunah hian Synod Choir (2018-2020) Conductor ni mek a ni a. He hla a phuah dan chanchin hi ka va zawt a, PDF in min lo pe thlap a, a chung ah ka lawm hle.  “He hla hi kum 2013 a ka phuah a ni a, heng hunlai hian a bikin thalaite ah mahni intihlum te, ruihhlo avanga thihna te, thih thut thutna ang chi kha a tam em em a, ka phak tawkin ka vei ve hle a ni. Chung ka thalai pui sual in a tihbuai mek, mahni intihhlum duhna hial nei, nun beidawnga tap mek te pawh chu Lal Isua hmangaihna hian a nghak reng ni hian ka hria a. Emau kawnga khualzin pahnih ten an khawhar hnem tura Lal Isua an sawm khan an va...
Post a Comment
Read more

BEISEINA NUNG

I Petera 1:3-9 A chunga kan tarlan Bible châng innghahna hi Petera te hun laia Asia Minor-a Kohhran țhang chak em em mai te chungchang lehkha a thawn ațangin a ni a. Helai 1:3-9 ah hian Pathian khawngaihnain Lal Isua tiha thawhnlehna hian beiseina nung min neih tir thu leh chu Lal Isua thiha thawhlehna chu kan chhandamna-chatuan nunna kan neih theihna tur a nih thu Petera hian min hrilh a. Beiseina hi keini ringtute chauh ni lo mi zawng zawng hian kan neih hi a pawimawh em em a. Beiseina hi mi rethei te chaw an ti hial țhin a ni. Miin beiseina a neih tawh loh chuan nun hlutna hi a hre tawh țhin lo a. Mi lar, zaithiam, Celeb etc pawh nise amah ah beiseina a awm loh chuan mahni intihhlum mai hi a thlang țhin. Hmanni lawk ah Linkin Park band-a an Vocalist Chester Bennington-a pawh inawkhluma an hmuh kha! Khang te kha a larin khawvelin an hriat nen-beiseina a neih tawh loh vang a ni ngei ang- a nunna kha amahin a inlak hial ni! Chuvangin beiseina neih pawimawh zia hi kan sawi ...
7 comments
Read more

Lal Isua chaknaa innghatin

Kristian Hla Bu Number 149-na kan keu chuan khawvela Pathian hla ropui ber pawl; Edgar Lewis leh William W. Rock te phuah 'Lal Isua chaknaa innghatin' (Just lean upon the arms of Jesus) tih kan hmu a. He hla hi Mizotawngin Ch. Pasena leh Zakunga te'n min lehlin sak a, Zofate zingah he hla hi sam thiamlo kan awm awmlo e.  He hla phuahtu zinga pakhat William W. Rock-a chanchin hi han hriat zui em em tur a awmlo a. Edgar Lewis-a erawh hi chu  February ni 8, 1865 ah Yates City,   Illinois ah a piangin a laiah hming chu Lewis Edgar Jones a ni a. Hla thluk a siam emaw, a phuah emaw hian  Edgar Lewis, Lewis Edgar tih emaw Mary Slater ti te in hming lem a hmang thin. Moody Bible Institute-ah Pathian thu a zirzawh hnuin  Young Men’s Christian Association,  Davenport , Iowa;  Fort Worth , Texas ah leh Santa Barbara, California ah te a thawk thin.  September 1, 1936 khan  Santa Barbara , California ah a boral a;  Santa Barbara Cemetery ,...
1 comment
Read more