ZADENG

Johana 14:14 “ Nangni’n ka hminga engpawh mi dil chuan chu chu ka ti zel ang” Lal Isua hnung zuitu te tihtur pawimawh ber leh mawhphurhna lian ber chu Chanchin Tha hril a hi ni tih kan hre theuh awm e. Mi tamtak chuan ringlo mite awmchilh in Pathian thu an hrilh a, chuti ang chuan Missionary tamtak in Chanchin Tha hril in an hun leh nun pum an hlan zo thin a nih hi. Chanchin Tha hril a pen chhuah hian ringlo mite hi Lal Isua hnen awlsam taka hruai hi tun lai khawvel ah chuan a harsa tawh hle a. An nun ah tuihalna emaw a awmloh chuan Pathian nung mamawhlo; an mahni pathian te a innghat tlat hi an tam em em a ni. Tun lai khawvel changkang tawh takah phei chuan sakhaw neilo mihring leh khua hi a vang tawh em em a. An pi leh pu te atanga sakhaw vawn ngheh nei ve tlat-sakhaw dang be duh miahlo an tam hle. A bik takin India ram phei chu Hindu kulmuk an ni a. An sakhua a upa in Kristian a awm hi an duh lo a, an haw em em zawk tih kan hre theuh awm e. Chutih rualin Mosolman te pawh h

Vawiin ni 28th December, kum 2015-a Thawtanni  hnuhnungber ah kan hotute nen Rudangia, Kandhamal Dist. Odisha ah kan kal a. Pitar leh putar, mahni chauh a awm te hnen ah blanket man tlawm te te kan pe a, an lawm zia kha thu in a sawifah zolo a, an mittui a tla hial a nih kha! Rudangia khua hi in 200 vel niin kum 2008-2009 ah khan Hindu ho te’n Kristian te in leh lo an halsak teuh a, mitamtak nun chan in an ‘martar’ a. A khaw pumpui hal tumin an thawk chhuak a, mahse Vantirhkoh ngunhnam kengin Rudangia chu a ven tlat avangin Hindu ho chuan an bei zui ngamlo a, an let san ta ani. He khua hi za ah za chuan ringtu an nilo a, ringlomi tamtak an awm ve bawk a. CNI Kohhran an ni a, Biakin pakhat a awm a. Pitar leh putar-an tu leh fate’n an enkawl loh tamtak an awm a. A bik takin Hindu ho hi an tu leh fate’n an ngaihsaklo zual a. An in sak-a bang hlum; a chung di/rangva ah chuan rethei takin an cheng a. A then phei chuan Electric an neilo a; an ranvulh kel leh bawngte nen an i

Thuziak thiam ka nilo a, ka ziak peih ve hrim hrim a; ka chhiar peih ve fu bawk-Mizo tawnga thuziak chu. Tualchhung Kohhran /YMA Chanchinbu ah te thu ka ziak ve mai mai thin a, kan u Zofa H Chhangte hian Blog siam ve rawh min ti fo a, ka’n siam ve ta rawih a nih kha! ‘Tichuan  Mizo Blogger Group ( WhatsApp ) ah min add a, ka’n awm ve ta ren rawn a.  Kan Group thar ah chuan hmelhriat ka neilo in an thu khel lah chu Saptawng hlir a ni bawk sia, ka hawi hil ru ang reng hle thin a. An thu kal lam leh haw lam hriat tumin ka phone a JF-a Dictionary chu ka en zauh zauh a, a awmzia ka hriat meuh chuan thildang an lo sawi daih tawh thin a, kei chu ‘cleartor’ ka ni ringawt mai. Chu a chhap ah min add tu Zofa H Chhangte chuan a phone a tibo a, biak zui theih a nih tak loh ah chuan kan Group thar Mizo Blogger Group ah chuan ka arkhawthim-awm ve ta mai mai a.  Football en ve peih ve tak ka nih avangin ka Arsenal Fan pui Kima Mizohican chu ka hre nghal mai a-Games siamtu a lo ni b

Tirhkohte 20:35 “ Englo lak aiin pekin lukhawng a nei zawk” Pathian khawngaihna vang liau liau in Krismas-kan tan a fapa Isua Krista lo pianni-chu kan lo thleng lehg dawn ta reng mai a. Kan hun hman dan te ka chhui let hian engkim mai min petu Pathian hi fakloh a harsa in kan  va fak silo em aw-tiin ka inthiamlo hle a. Kan ngaihsakloh a kan hriatloh lai pawhin kan mamawh engklim mai a thlawnin min pe a ni si a! A lawmawm zia hi thu leh hla hian a sawi senglo in a hril senglo a ni ber e! Kumin Krismas phei chu Mizoram lam a kan thiante nen Mizo Arsenal Runmawi Group ( WhatsApp & Facebook) kal tlangin damlo mi 4 - Aizawl Civil Hospital a mi te Rs 2000/- theuh kan pe a. An lawm hle tih ka thiante’n min hrilh a. A hmun ah han kal ve theilo mahila awmhnun atangin ka lo lawm em em a. An natna avangin sum leh pai tamtak an seng ral tawh ang nga. An chhungte leh an fate pawhin Krismas an hmang nuamlo in thawnhnaw thar leina pawh an nei kher lo ang. Keini mi tlinglo leh mi sual t

Chu mipa naupang chu cher in thawmhnaw neilo hle mah se Pathian zarah a hrisel hle a. Thlasik khawvawt tak hnuai ah chuan kawrlum haktur tha a neilo a. Hman kum a mi thahnem ngaite’n kawrlum an pek kha a la ring char char a; a hluiin a rul nasa tawh a, a phuaiin a chuai tawh hle.  A thiante’n Krismas kawr thar an lei tur leh an duhzawng an sawi sap sap lai chuan a ngawi reng a. Naupang kum 10 mi chauh nimah se an hausa lo tih chu a hrethiam ve tawh-a thil ngen leh duhzawng te a nu leh pa te’n an leisak theihloh avangin. Sikul a kalna ah Sikul Shoe tha a neilo a. A chip lam chu a pawh tawh avangin a mawza-kezungpui chhip pawp chu a lang thin a. A thil thiam leh a thil tih ve chak tamtak chu mahni insitna avangin a tihloh phah thin. An sikul in hun pawmawh an hman ah te pawh a thil thiam zawng leh tih chak zawng te chu mi neinung fate’n an tihkhalh vek a, a thiamna leh a theihna pawh retheihna avang chuan a hmang chhuak ngam  ve lo. A thiante’n Tuikahchik  an kah sup sup lai chu

KRISMAS KRISTA NEN Changtute: 1.        Muanpuii -Nula fel 2.        Rintei - Nula ler 3.        Lawma -Tlangval fel 4.        Sangsangi - Rintei  Nu 5.        Temawia - Rintei Pa 6.        Sangzuala - -Rintei Bialpa Sangzuala                                       Lan-1 na           (Rintei te in: - Rintei nu leh pa-Temawia leh Sangsangi an lo thu a, - Rintei chu a lo lut mek a)     Temawia: - Rintei nu, hei kumin Krismas chu Zu permit an phalrai nen, kan khawtlang hi a buai ka hlau in kan ralmuan loh ka hlau ru riau mai a. Sangsangi: A, Rintei pa, Pathian zar ah eng em a thlenglo ang. Kan Police leh YMA te an fel tawh a, boruak muanawm tak hnuai ah Krismas pawh kan hman ka ring. (Rintei chu a nu leh pa te bul ah chuan  a thu a, thawmhnaw punk lam deuh a ha a) Rintei : Ka nu ka pa, zanin chu U Sangzuala nen Venglai ah kawnchei en kan tum a, ka kal dawn a sin. Temawia: A..Rinte, zan ah hian teichhuah vak ka rem tilo a sin. Krismas a hnai nen, chetsual palh te

Luka 6:38- " Pe rawh u; chutichuan pekin in awm ang; thahnemngai taka teha, beng muka, sawi muka, liam zawih zawihin in malchungah an pe ang che u. In tehna ngai bawkin an tehsak dawn si che u a"   Lal Isua kha khawvela a lo kal lai khan thupek min pe nasa in kan tihtur tamtak min tuk a. Chung zing ah chuan Chanchin Tha hril leh Thilpek hi a pawimawh zual leh langsar pawl a ni ngei ang. Van ram a a chhoh dawn ah khan a zirtirte hnen ah chuan Ram zawng zawng a kal a Chanchin Tha hi hril turin thu a pe a, chu chu Lal Isua ringtu keini Kristiante hna pui ber a ni ti ila kan tisual awmlo e.  Chanchin Tha hriltu mitam tak an awm a; an hril dan erawh a in ang lo a. A then chu Tv leh Internet kal tlangin Chanchin Tha an puang darh a.  A then chuan lehkha bu ah ziak in an puang chhuak a. Tin, a then chuan amahni ngei kalchhuak in an puang darh bawk a. Heng kan sawi tak zawng zawngte hian an nun leh an hun pumpui chu Lal Isua thupek zawmin Chanchin Tha an hril a, an n

1 Petera 1:08- "Amah chu hmu ngai lo pawhin hmangaih a, amah chu tunah hmu lo mah ula in ring a, lawm sawi hleih theih loh leh ropui takin in hlim em em thin." Hmangaihna la na leh lungleng fo ta nafam chuan Kristian Hla Bu- ah pawh hian hmangaihna lam hawi hian ka lung min kuaiin min hneh ber thin a. Kristian Hla Bu no 424-na 'Isu ka hmangaih che, ka ta i ni e' tih William Ralph Featherson phuah pawh hi ka duh em em a. Kum 14 ka nih laiin mittui tla zawih zawihin ka lo sa ve tawh a ni.   He hla phuahtu  William Ralph Featherson  hi a dam rei lo hle a. Kum 27 lek a upa niin khawvel a chhuah san a. Kum 12-16 inkarah hian poem  hi a phuah deih ber niin an sawi a. Kum naupangtein boral mah se  khawvela Pathian hla ropui ber pawl   ' Isu ka hmangaih che, ka ta i ni e' tih hla a phuah hman a, a ropuiin a ngaihsan awm hle a. He hla ka sak apiang hian Lal Isua min hmangaihna thuk zia leh ropui zia hi ka hre nawn fo a, ka thinlung a chhun keh fo thin.