THILPEK NEN KRISMAS

Tirhkohte 20:35 “ Englo lak aiin pekin lukhawng a nei zawk”

Pathian khawngaihna vang liau liau in Krismas-kan tan a fapa Isua Krista lo pianni-chu kan lo thleng lehg dawn ta reng mai a. Kan hun hman dan te ka chhui let hian engkim mai min petu Pathian hi fakloh a harsa in kan  va fak silo em aw-tiin ka inthiamlo hle a. Kan ngaihsakloh a kan hriatloh lai pawhin kan mamawh engklim mai a thlawnin min pe a ni si a! A lawmawm zia hi thu leh hla hian a sawi senglo in a hril senglo a ni ber e!

Kumin Krismas phei chu Mizoram lam a kan thiante nen Mizo Arsenal Runmawi Group (WhatsApp & Facebook) kal tlangin damlo mi 4-Aizawl Civil Hospital a mi te Rs 2000/- theuh kan pe a. An lawm hle tih ka thiante’n min hrilh a. A hmun ah han kal ve theilo mahila awmhnun atangin ka lo lawm em em a. An natna avangin sum leh pai tamtak an seng ral tawh ang nga. An chhungte leh an fate pawhin Krismas an hmang nuamlo in thawnhnaw thar leina pawh an nei kher lo ang. Keini mi tlinglo leh mi sual te Pathian in an tan malsawmna thlentu a min hmang hi kan va lawm em!!  Pathian pawh a lawm ang tih kan ring a. Heti ang ti thei a min siam tu Lalpa chu fakin awm rawh se!

Aizawl Civil Hospital ah

Tin, Chawnpui veng naupang 2-an U in cancer a vei avanga Gauhati-a a nu in a enkawl mek-a pa in a boral san tawh bawk si te chu an Krismas thawmhnaw leina tur sum tlemte kan peve thei hlauh mai a, kan lawm em em a-Ka mittui a tla hial a ni. A nu chuan a fate tan Krismas thawmhnaw leisak duh mah se a fanu Cancer a vangin sum a neilo a, a uap hman lo a. A pute in ah a dah tawp a, ngaihsak em em-ngaihsak thei silo in Gauhati lam ah a awm san a nih kha. Nu ber rilru atang chuan a fate chu a lainat in a nagihtuah hle ang tih a rinawm. 

Bethlehem Veng ah Smarimitha te

Chutih lain keini teh lul in an lawmna leh hlimna tur a sum tlemte kan lo pe ve thei hi Lalpa kan va lawm em!! Kan fak che a, kan lawmzia hi kan puang senglo! Kan that vang leh kan fel vang nilo a I khawngaih malsawmna kan chan vang a mite tanpui ve tur a min siam a vang hian kan alwm a, lawmthu kan sawi mawlh mawlh a, mite tanpui zel turin min pui ang che-Isua hming in kan dil a che. Hlim leh lawm takin Bethlehem Veng a an Ni te in ah kan sum thawhkhawm an zuk hlan anih kha-Lalpa kan va lawm em !

Mizo Arsenal Runmawi hi Group lian kan nilo a, Rs 14320 lai mai member te’n kan thawhkhawm thei a. Tin, Pl. Liandinga, Zonunsangi Fanai @ Zazawn Puii, Lalrindiki Huha Khawlhring, Tetei Zadeng, Marami Khiangte leh Upa Vanlalhrila te’n sum min lo thawhpui ve bawk a. An chungah leh member zawng zawngte chungah Pathian hmingin lawmthu kan sawi e.  

Kum dangah pawh heti ang rilru hi pu zel ila, tanpui ngai nih pawh hi zah tur a nilo a.  “Vawkte leh Buhzem chu a inlen chhawk” an lo ti mathlawn lo a. Keini pawh engtik ah emaw chuan tanpui ngaiin kan la awm ve thei a. Chuvangin kan intanpui tawn dial dial hi a Pathian thu in Lal Isua lawm zawng leh duhzawng tak a ni a. Tanpui ngaite tan pawh zah tur a awmlo a, engtikah emaw chuan kan la luangchhuak ve dawn a, inthlahrunna tur a awm reng reng lo.

Tin, kan thawhpui Miss Mary leh Zohminga te nen a mi te unau kan tanpui ve hlauh bawk a. An nu Cancer niin an pa nerve thalo a ni a. Krismas thawm hnaw lein a tur an neilo ang tih a hriatsa a. An fate an la te in Sunday Sikul ah pawh Naupang  Department ah an la awm a, zan ah te an inhlawh thin niin kan lo hria a. Kan Pathian ram leh tlem thawhbelhin an chhungkaw tan a Samarimitha nitur a Lal Isua’n keini misual te min hmang duh hi kan va lawm em! Thilpek min pek saktu Ahriati Zadeng chungah Pathian hmingin lawmthu kan sawi bawk e. Kan hnuk a ulh a, kan mittui a tla a, lawm avangin Lalpa I hming chu kan fak a, nang lo ropui ber zel ang che.

Mizo Arsenal Runmawi te leh keini te hi engmah kan nilo a, chawimawi tlak kan nilo. Nangin chawimawina, ropuina leh fakna zawng zawng chu chang in nei vek ang che Lalpa.