KRISMAS KRISTA NEN- DRAMA FOR KEIFANG

KRISMAS KRISTA NEN

Changtute:
1.       Muanpuii-Nula fel
2.       Rintei- Nula ler
3.       Lawma-Tlangval fel
4.       Sangsangi- Rintei  Nu
5.       Temawia- Rintei Pa
6.       Sangzuala- -Rintei Bialpa

Sangzuala

                                     Lan-1 na

         (Rintei te in: - Rintei nu leh pa-Temawia leh Sangsangi an lo thu a, - Rintei chu a lo lut mek a)


    Temawia: - Rintei nu, hei kumin Krismas chu Zu permit an phalrai nen, kan khawtlang hi a buai ka hlau in kan ralmuan loh ka hlau ru riau mai a.
Sangsangi: A, Rintei pa, Pathian zar ah eng em a thlenglo ang. Kan Police leh YMA te an fel tawh a, boruak muanawm tak hnuai ah Krismas pawh kan hman ka ring. (Rintei chu a nu leh pa te bul ah chuan  a thu a, thawmhnaw punk lam deuh a ha a)
Rintei : Ka nu ka pa, zanin chu U Sangzuala nen Venglai ah kawnchei en kan tum a, ka kal dawn a sin.
Temawia: A..Rinte, zan ah hian teichhuah vak ka rem tilo a sin. Krismas a hnai nen, chetsual palh te hi a hlauawm riau a nia.
Rintei : Ninawm..U Sangzuala lo thleng tep tawh..kal kan tum vek tawh.
Rintei- Ni e Mami, I pa sawi ang hian nula zan chhuah hi ka remti vak lo a sin.  Bakah Sangzuala hi a rui ve zauh zauh lo maw?
Sangpuii : Ninawm..tun lai ah ruih zauh zauh te chu mi tih dan a lawm. (Sangzuala Helmet nen a lo lut a)Awi!! U Sangzuala chu  va lo thleng hma ve..kal nghal mai ang aw..Nu, pa kan kal. (Sangzuala nen chuan an inzui chhuak a)
Temawia: Aw..Mami hi chu rilru a tihah mang e..Inkhawm ngai bawk silo, zan ah a chhuak reng mai bawk si. A thainnu ber Muanpuii te saw entawn ve se aw....
Rintei: Ni e..Mami hi chuan a nun hi a hloh tlat tawh. A thiannu  ber Muanpuii hi chu a fel bik mang e. Mami tan hian kan tawngtai tam a ngai a ni.
Temawia: Ningawt mai. Tirawh Mami nu, Choka lam ah Sikri i va ai teh ang. Zanin chu ka ke hit riau mai (An inzui chhuak a).

Rintei

                                                               Lan 2- na

                      (Lawma leh Muanpuii chu an inkhawm bang an kal dun a, Bible an keng ve ve a)

Lawma: Muanpui, Zan in kan sermon ngaihthlak atang khan kumin Krismas chu kan thiante, Biak in thleng phlo te nen hian hlim taka Krismas hman ho hi ka rilru ah a awm lian khawp mai.
Muanpuii: Awi Lawma, kei deuh hian a sin duh! Kan thian thenkhat te hian min be ngam tawhlo a. Ruihhlo leh nulat tlangvalna nen Krismas hi an chen a, mahse a hnu ah an inchhir em em thin a, min be ngam tawh silo a.
Lawma: Ni chiah e. Lal Isua tello in Krismas hi an chen a, an inchhir em em a. An khawngaihthlak takzet a ni. Kumin chu Lal Isua nen a Krismas hmang tur a kan sawm a kan hrilh an ngai  a ni.
Muanpuii: Ni e. Kan thian Biak in thleng phalo te, pakhat tal  Krismas a inkhawm turin kan sawm angai ani.
Lawma: A dik chiah. Keipawh ka thianpa sawm ka tum ang. Ka sawm ngai miahlo a. A lo beisei ru ve viau mai thei a ni.
Muanpuii: Ni leh u Lawm hei, in kan thleng dawn tawh sia, mangtha phawt aw..
Lawma: Muttui mangtha le.

Rintei leh Muanpuii

                                                                Lan 3 na

(Zinglam dar 4 vel a ni a. Rilru hah hmel takin Rintei pa Temawia chu inchhung ah a tei vut vut a.  Phone chu hman tumin a beng ah a vuah sek a, a tlang theilo a)
Temawia: Khawnge maw Lalrinpuii chu a awm ang aw? Tun thlengin la haw lo a, phone a switch off bawk si. Rintei Nu, Rintei Nu (Pin dan atangin Sangsangi chu a lo eih lauh a)....tho teh..Venglai ah i va kal teh ang.
Sangsangi: Aw..Lalrinpuii hi chu rilru a va’n tihah thin tak em!! (Hmahmawh takin pindan atang chuan a lo chhuak a). Venglai kawn chei ah chuan va zawng phawt ila, kan hmuh loh chuan Lawma te in lam kan pan mai dawn nia.
Temawia:  A zahthlak in a mangan thlak hle mai. Bike te hian an che sual chu a ni em lo ang maw? Nge ni a an lo inru ringawt niang le? (A lu a dawm a)
Sangsangi: Pa a, i lungngai lutuk lo phawt ang. Tirawh khawvar tak tak hma hian i va kal vat ila, chinchang i va hre thuai teh ang. (Hmanhmawh takin an chhuak dun a)

Muanpuii

                                                                 Lan 4-na

(Chawhnu dar 1 a ni a, Muanpuii chuan hmun a lo phiat a. Kawngka chu an lo kik kauh kauh a)

Muanpuii: Lo lut rawh...(Lawma leh Sangzuala an lo lut hlawl a...) Awi...Lawma leh Sangzual teh hlawl chu..lo thu rawh u..thingpui ka’n lum ange..
Sangzuala:  Ngawiteh Muanpui, thingpui hlawh tlak pawh ka nilo. Nizan Rintei nen kan news i lo hria em? Rintei chhungte gaihdam min dilpui teh.
Muanpuii: Aw..lo hre ve e..nachin mai khan Rintei lo kal a.
Sangzuala : Ka zak khawp mai. Nizan kawnchei kan en a, zu kan inhnem lutuk a, Rintei nen kan chatthla a, Venglai Hall kawt ah kan lo muhil a. Tukin zing ah Rintei nu leh pa te’n min lo zawng a. Bazar kal turin min hmu teuh leh nghal a. Ka zak lutuk hi khawiahmah ka chhuak ngamlo. Mi reh lai chuhin hei U Lawma nen hian kan lo pan tawp che a. Nang chu Rintei Nu leh Pa te’n an zah deuh ang che kan tia.
Lawma: Ni e Muanpui..hei Sangzuala hian keini tehlul hi min lo belbul ve a, kan va kalpui dawn em ni?
Muanpuii: Tehreng mai. Nachin lawk ah Rintei lo kal a, tap zawih zawih in a inchhir thu min hrilh a sin. Zanin ah Bazar ah Advance Krismas kan hmang dawn a, lo tel ve turin ka sawm a.
Lawma: A that hlauh chu. Hei Sangzuala pawh hi ka lo sawm a..
Sangzuala: In chung ah ka lawm hle mai. Keini misual, Biakin pawh kal ngailo te min ngaihsak derin in zinga tel turin min sawm duh hi mak ka ti..(A kun deuh ngaih a)
Muanpuii: E khai Sangzual..inthahrungin insit reng reng suh. Engmah kan ni lo a, kan fel hek lo. LaL Isua hi kan zavai tan a lo piang a, kan ta vek ani a. Zan in ah hun hlimawm tak kan hmang dawn u nia.
Lawma: Ni e, Lal Isua hi kan zaivai ta a ni a, inthlahrun loh tur. Tirawh u, Rintei te in ah chuan i va kal ang u. (An inzui chhuak a)

Lawma

                                                                             Lan 5  na

(Rintei te in: Temawia leh Sangsangi chuan sikri an ai dun a)

Sangsangi: Rintei pa, zanin chu ka lawm em mai. Muanpuii leh Lawma te’n Rinte-i hmusit leh gainep hauhlo a Advance Krismas hmang tur an lo sawm mai hi mak ka ti. Kum 5 aia tam Biak in ah pawh a kal tawhlo chu ni si a..
Temawia: Ningawt mai. Chumai bak ah Sangzuala pawh an la sawm ve leh ta zel chu ani si a. Kumin Krismas tal hi chu kan fate hian Krismas hi Lal Isua nen, Lal Isua tan hmang ve se ka ti hle mai.
Sangsangi:  Nu leh pa tamtak pawh hi an fate vang hian an rilru a hah ve tho ang. Heti ang a Thalai hruaitu te’n kan fate min ngaihvensak hi ka lawm takzet a ni. Nizan ah tikhawp khan kan mualpho a ni a, tun ah hmusit leh ngainep miahlo in an zinga tel turin an lo sawm chu ni si a.....Dar engzat nge ni tawh..Rintei te pawh chu an lo bang dawn tawh a ngem? Ka ngaihtuah riau...
Temawia: Dar 10:30pm pel tawh..an lo bang tep ang. Muanpuii leh Lawma’n an lo thlah dawn kha..ka ngaihtuah lo...(Chutih lai mek chuan Rintei te 4 chu an lo lut a)
Sangsangi: Awi..Rinte, Muanpui...inlo bang tawh ani maw? Kan lo sawi mek che u a..a nuam em?
Rintei: Ka nu, a nuam khawp mai. Item nei velo ho zawng zawng pawh mi 10 te te in min ko chho a, Krismas hla min sak tir a..kan sualna leh kan nunhlui an thlir ve lo  sin (a kun a).
Sangzuala: Ni e, Nu Sangsang, Pa Temawi..zanin chu a ropui dangdai khawp mai. Krismas ka lo urlawk tawh zawng zawng ah a la nuam ber a ni..ka hnuk a ulh tlat...(a awm a dawm a, a kun ngaih a)
Temawia: A lawmawm hle mai a. Heti ang hun hlimawm tak in hmang thei hi kan lawm hle mai. Muanpuii leh Lawma zar vek ani e.
Muanpuii: Pa Temawi, nilo e..Lal Isua vang zawk a lawm..kan tan rethei tak leh inngaitlawm takin a lo piang a, chu mi chang tute chu kan zavai in kan ni a sin..Misual, Pastor, Drug leh Zungawl vei, Kohhran Upa pawh ni ila, Lal Isua hi kan ta a ni.
Lawma: Lal Isua hi kan zavai a ta a ni a. Amah nen a Krismas hman hi a hlu ber a, hmanpui turin min sawm reng a ni.
Rintei: Ka nu ka pa, tun ah chuan ka hrechhuak tawh a sin. Lal Isua nen a Krismas hman hi a lo hlu ber  a, a lo nuam ber bawk. Kum 5 chhung kha Lal Isua tello in Krismas ka lo hmang tawh a. Zah, nat leh lunngaihna bak engmah ka hlawh chhuak lo a. Mi hmuhsit leh entleu mai mai ka lo ni. Mahse kumin atang chuan Krismas hi Lal Isua tan chauh, Lal Isua nen chauh ka hmang tawh ang.  
Sangzuala: Lawma, Muanpui, keipawh ka hlim a sin. Zu leh sa, nula nen vawitam Krismas hi ka lo hmang tawh a. Chuchuan zanin a hlimna min pek ang hlimna hi min pe reng reng lo a. Beidawnna leh mahni insitna, chhungte rilru tihhah tu mai ka lo ni zawk a sin..(a ngawi deuh vang vang a)...Urlawk zan a tan a ka sum hman tur dahthat zawng zawngte hi Lal Isua  tan chauh a hman a duh tawh a.  Krismas thawhlawm ah ka thawh vek ang.
Lawma: Amen..A va ropui teh lul em!!

Muanpuii: Krismas neitu Lal Isua chu a va lawm dawn em!!
Temawia: Zanin chu kan boruak ava nuam in kan va lawm em!! Kan inchhung ah Lal Isua a thar in  a lo piang a nih hi. Naktuk zan atang chuan kan chhungkua in kan zaikhawm ziah tawh ang a, Muanpui, Lawma leh Sangzuala te nen hian Lal Isua la nei ve lo te i huikhawm ang u aw???
Lawma, Muanpuii &  Sangzuala: Tehreng mai..
Temawia: Hawh teh u..a lawmawm em mai. Fanu tlanbo lo kir leh kan nei a nih hi. Makpa hual tlanbo lokir leh nen..Rinte, a sir kil ah sawn Sangzuala nen khan va ding ula. Slow Motion in lo tlan phei ula, keiin Sangzuala ka lo kuah ang nga, Rinte nang chu i nu in a lo kuah ang che. Lawma, Muanpui, nangni pawh kha lo hnai ula, kan zavaiin kan inkuah khawm dawn u nia. (Rintei leh Sangzuala chu muang changin a sir kil atang chuan an lo tlanphei a, Rintei chu a nu in a kuah a, Sangzuala chu Temawia’n a kuah a. Chumi zawh chuan an zavaiin dar insiin an inkuah khawm a.. )  
An Zavaiin: Kan lawm e..(An lu an bu a)

Temawia

                                         

Sangsangi

     A TAWP TA