THILPEK-HINDU LEH KRISTIAN TE

Vawiin ni 28th December, kum 2015-a Thawtanni  hnuhnungber ah kan hotute nen Rudangia, Kandhamal Dist. Odisha ah kan kal a. Pitar leh putar, mahni chauh a awm te hnen ah blanket man tlawm te te kan pe a, an lawm zia kha thu in a sawifah zolo a, an mittui a tla hial a nih kha!

Rudangia khua hi in 200 vel niin kum 2008-2009 ah khan Hindu ho te’n Kristian te in leh lo an halsak teuh a, mitamtak nun chan in an ‘martar’ a. A khaw pumpui hal tumin an thawk chhuak a, mahse Vantirhkoh ngunhnam kengin Rudangia chu a ven tlat avangin Hindu ho chuan an bei zui ngamlo a, an let san ta ani.

He khua hi za ah za chuan ringtu an nilo a, ringlomi tamtak an awm ve bawk a. CNI Kohhran an ni a, Biakin pakhat a awm a. Pitar leh putar-an tu leh fate’n an enkawl loh tamtak an awm a. A bik takin Hindu ho hi an tu leh fate’n an ngaihsaklo zual a. An in sak-a bang hlum; a chung di/rangva ah chuan rethei takin an cheng a. A then phei chuan Electric an neilo a; an ranvulh kel leh bawngte nen an inchiahpiah nuaih a. Pindan hran pawh neilo in chhuatah an mu mai a, mutbu tha pawh an nei meuhlo-a rethei tak tak te chuan.

A tlangpuiin Kristian chhungkua te erawh chu rethei ve mahse an vua leh vang te’n an gaihsak em em a. An in leh lo pawh a changkang zawk a, thianghlimna kawngah pawh ringlo mi aiin hma an sawn bawk. Concrete in nei tha tak tak te pawh an awm ve tho a, chutih rualin an in sak reng reng hi tukverh an hawn ve ngai loh avngin a thim em em a, chhun ah pawha  thim khup a. fur lai phei chuan ruahsurin an ran ek thli a len a, a rim chhe hle thin. Damlo an neihin chhuat ah mut bu chhe tak nen an mu tawp thin a, an lainatawm hle a ni.

Chuti ang teh nuai a khawsa an nih avang chuan kan hotute nen Blanket cheng 300 man lek chu chhungkaw 10 te kan va pe a. Pawisa kan ngah lemlo a, kan neih ang chhun chhun kan thawhkhawm a ni a.  A then chu Hindu te an ni a, Kristian te pawh kan pe bawk. An lawm em em a, kan tawngtaina tam ber chu heng kan thilpek hi Lal Isua vanga ti kan nih tih an hriat a, Lal Isua la neilo te’n Lal Isua an lo neih theih nan a ni a. Lal Isua nei tawh pawh in an malsawm dawn chu Pathian vang chauh a ni tih an hriat a, an thenawm ringlo te’n Lal Isua vang a dawng anni tih an hriat hi a ni. Pathian chu mi harsa leh rethei te ngaihsaktu, enkawltu a nih zia hi a tak ngei a hmu a, tawng a, hria a, Amah neitu nitur in kan duh em em a ni. Chuvangin thilpek hmangin kan theihtawk tlemte hmangin Chacnhin Tha kan hrilh a, kan tawngtaisak zel a, nangni pawhin min lo tawngtaipui ang che u.

Khang kan puan pan te pek hmang khan a petu Lal Isua chu an lo neih a, chatuan nunna an neih theih nan min lo tawngtaipui ang che. Keini a petu mihringte hi langsar tur kan nilo a, a petu diktak Lal Isua chu tunge a nih an hriat theih nan ringlomi te hi min lo tawngtaipui ang che. Ringtute pawhin Lal Isua chu nghet taka an zui zel theih nan min tawngtaipui bawk ang che.

Kan tawngtai a

“ Lalpa, kan theihtawk hi a beitham hle a, heng kan pi leh pu te hnen ah hian kan thilpek tlawmte hmang hian lo inpuangchhuak la, nangmah an lo neih phah hial na tur in mal min sawmsak ang che. He kan puan pek an sin a piang hian nang chu an sin tel a, an taksa vawt tak an tuam lum rual in an thlarau nun vawt leh chau tak chu I fapa Lal Isua Krista hmanga an tuam lum  theih nan pui ang che. 

Nang chu an mahni hmangaihtu, an nun theih nan I fapa Lal Isua nunna petu i nihzia te hriattir mawlh ang che. I chatuan vanram buatsaih chu an tan ngei anih zia hi hriattir la; milem be tawhlo a nangmah Pathian nunga ngei chu an lo rin che a, an biak che an lo neih theih nan che an thinlung mit tivar mawlh ang che; Lal Isua hmingin kan dil a che”

Amen!