Skip to main content

Dr Lalteii Cherrie Ddb!!!

Thuziak thiam ka nilo a, ka ziak peih ve hrim hrim a; ka chhiar peih ve fu bawk-Mizo tawnga thuziak chu. Tualchhung Kohhran /YMA Chanchinbu ah te thu ka ziak ve mai mai thin a, kan u Zofa H Chhangte hian Blog siam ve rawh min ti fo a, ka’n siam ve ta rawih a nih kha! ‘Tichuan Mizo Blogger Group (WhatsApp) ah min add a, ka’n awm ve ta ren rawn a. 

Kan Group thar ah chuan hmelhriat ka neilo in an thu khel lah chu Saptawng hlir a ni bawk sia, ka hawi hil ru ang reng hle thin a. An thu kal lam leh haw lam hriat tumin ka phone a JF-a Dictionary chu ka en zauh zauh a, a awmzia ka hriat meuh chuan thildang an lo sawi daih tawh thin a, kei chu ‘cleartor’ ka ni ringawt mai. Chu a chhap ah min add tu Zofa H Chhangte chuan a phone a tibo a, biak zui theih a nih tak loh ah chuan kan Group thar Mizo Blogger Group ah chuan ka arkhawthim-awm ve ta mai mai a. 

Football en ve peih ve tak ka nih avangin ka Arsenal Fan pui Kima Mizohican chu ka hre nghal mai a-Games siamtu a lo ni bawk nen. A dawt ah chuan Inkhel.com hotupa Digi Malt chu ka hre leh a. A rukin an nihna tur awm ang leh an hnathawh tur te ka lo chhui zui ve a. Hriatpuia Pa chu ka ‘ex’ te khua Kolasib a ni tih ka hre leh a. Avena Renthlei chu Group Icon ah a chanchin tlem a awm a vangin IAS tih ka hre ve leh a. Midang chu ka hre tamlo a, nihna leh hna tha tak tak nei vek anni ang tih chu ka ring hlawm a. Mawl tak maia an hnathawh te ka zawh chawt chawt lah bo lo-hre lo miau hek i!

Thla hnih vel ka awm hnu a  thawmhnaw leh sum dawnna lam an sawi tum chuan hmeichhe hming hi a lo lang ve ziah a. Ka’n en chiang a-Lalteii Cherrie Ddb tih hi a lo lang a, engemaw titakin a hming chu a lunglen thlak ru ka ti riau a. Lalteii-tih ka thian nu U nen a hming a in ang em em a, tin Cherrie hi kan tet laia Cherry damdawi-a kawm a Cherry rah sen bawr awm taih thin kha min ti hre chhuak -kum 2000 hmalam  kha! He damdawi Cherry hi keini thingtlang loneitu fapa in ah chuan ei ve phak a nilo a. Damdawi lei a kan kal tum a damdawi zuartu te’n an tih lan zauh zauh leh Shaktimaan film enna tur Tv neipha te in ah chauh khan kan hmu thin a nih kha!

Tin, Ddb khi kum 5-10 kan nih laia PHC a Sentut, Sakawr-ek-hrik adt danna tur a damdawi hming, min jection thinna hming lam tawi kha a ang ka ti em em bawk a. Kum 5-10 kan nih laia kan in-jection rualpui fam changta te, nupui pasal nei a hmun danga awm bo ta te leh hna tha tak tak nei a awm bo tawh te kha min ti hrechhuak uai uai a, kan dinhmun a lo in anglo zung tawh mai. Khatih lai te kha chuan kan thiante nen khan nitin zantin kan awm ho a. Video kan en ho a, meizial bung kha in kungfu pahin kan chhar pah zauh zauh a-kan zu ru tlang dam dam zel a nih kha! 

Chuti ang taka a hming ringawt pawhin ka ngaihtuahna ti hnim thei chu tunge anih tiin Lalteii Cherrie Ddb chu a ruk te in ka’n bel chiang a. A blog link ka dil a-mizdaydreambeliever.blogspot.com a nih thu min hrilh a. Ddb-pawh-Daydreambeliever tihna a lo ni a. A blog ka’n tlawh chuan Doctor degree nei ngat anih thu leh MA English a nih te, Mizoram University-ah  Dean a nih thu te ka’n hre leh ta zel a. Saptawng thiam ka chak ve em em thin a. Tin Mizoram University ah hian MA Mizo zirzawm ve theih te ka chak hle thin a. Tun ah  Miss Dr. Lalteii Cherrie Ddb chu Lecturer a ni tih ka hriat phei chuan ka kal chak zual ang reng hle a. Ka Saptawng thiamloh zawng zawngte hi han zawh kilkelh ka chak ngawt mai. ‘At last’ aiin ‘At length’ hi a tawpkhawk zawk tih chiah ka hre ve a, a dang zawh belh ka chak khawp mai. 

A chanchin dang chu ka zawh belh ngam tawh lo a. Mizo nula (Nu??) chhuanawm, MA English ngat a nih ka hriat erawh hi chuan ka ngaisang a, ka lo chhuang ru hle a. Doctor Degree nei ngat a ni zui a, a zahawm hle ang tih ka hria. A blog a thuziah MA (English) “ zir ve hrim hrim hi” tih phei chu ngaihnawm ka ti hle-ka chhiar thiam chhun Mizotawng a ziah ani bawk a! 
Dr. Cherrie L. Chhangte
A Facebook Profile name chu ka dil ngam lo a, WhatsApp-a photo dah hi ka’n dah tel ang nga, min hau em lo’ng chu maw? Vanlal Rochana, Muantea Lal, Thara Tlau adt te hi mi fel tak anni tih ka hria a, an chanchin ka zawt ngam lo. Mizo Blogger a mi chhuanawm tak tak te bul a ka lo awm ve hi ka lawm takzet a, a mawl ber leh a nep ber nimah ila Mizo tawnga Arsenal chungchang an sawi phawt chuan Kima Mizohican nen kan tang rual zel ang-Pathian zara kan dam chuan!!

Comments

Post a Comment

Popular posts from this blog

Lal Isua Hmangaihna

Ramhlun North Pastor Bial Zaipawl in kum 2013 a an sak Lal Isua hmangaihna tih hla, T. Laldintluanga phuah hi tun lai ah hrelo kan vang hle awm e. He hla hi Zaithiam hrang hrang te pawhin an sa a. Lal Isua hmangaihna hi kan tan a tawkin engkima engkimah a rintlak zia puanchhuahna ropui tak a ni tih kan hre awm e.     He hla phuahtu T. Laldintluanga, Ramhlun North hi tunah hian Synod Choir (2018-2020) Conductor ni mek a ni a. He hla a phuah dan chanchin hi ka va zawt a, PDF in min lo pe thlap a, a chung ah ka lawm hle.  “He hla hi kum 2013 a ka phuah a ni a, heng hunlai hian a bikin thalaite ah mahni intihlum te, ruihhlo avanga thihna te, thih thut thutna ang chi kha a tam em em a, ka phak tawkin ka vei ve hle a ni. Chung ka thalai pui sual in a tihbuai mek, mahni intihhlum duhna hial nei, nun beidawnga tap mek te pawh chu Lal Isua hmangaihna hian a nghak reng ni hian ka hria a. Emau kawnga khualzin pahnih ten an khawhar hnem tura Lal Isua an sawm khan an va hlawhchham lo
Post a Comment
Read more

BEISEINA NUNG

I Petera 1:3-9 A chunga kan tarlan Bible châng innghahna hi Petera te hun laia Asia Minor-a Kohhran țhang chak em em mai te chungchang lehkha a thawn ațangin a ni a. Helai 1:3-9 ah hian Pathian khawngaihnain Lal Isua tiha thawhnlehna hian beiseina nung min neih tir thu leh chu Lal Isua thiha thawhlehna chu kan chhandamna-chatuan nunna kan neih theihna tur a nih thu Petera hian min hrilh a. Beiseina hi keini ringtute chauh ni lo mi zawng zawng hian kan neih hi a pawimawh em em a. Beiseina hi mi rethei te chaw an ti hial țhin a ni. Miin beiseina a neih tawh loh chuan nun hlutna hi a hre tawh țhin lo a. Mi lar, zaithiam, Celeb etc pawh nise amah ah beiseina a awm loh chuan mahni intihhlum mai hi a thlang țhin. Hmanni lawk ah Linkin Park band-a an Vocalist Chester Bennington-a pawh inawkhluma an hmuh kha! Khang te kha a larin khawvelin an hriat nen-beiseina a neih tawh loh vang a ni ngei ang- a nunna kha amahin a inlak hial ni! Chuvangin beiseina neih pawimawh zia hi kan sawi
7 comments
Read more

Phurrit a bo ta Kalvariah

Rev. John M. Moore a chu Kirkintilloch, Dunbartonshire, Scotland ah September 1, kum 1925 khan a lo piangin Pathian tihmi tak chhungkua atanga lo seilianin kum 16 a upa a nihin a paingthar a.    Glasgow, Scotland ah rawngbawlna/ministry zirin chu   lai vel kohhranah chuan rawng a bawl thin a. North America lamah a pem hmain nupui Esther Marr neiin Ontario, Canada-ah Baptist Pastor leh thurihtu ropui tak a ni a, November 2, kum 2017 khan a boral a. Rev. Moore hi Pathian hla phuah thiam tak mai a ni a, hla 150 chuang zet phuahin chung zingah chuan Mizote pawhin kan hriat lar em em ‘Phurrit a bo ta Kalvariah’(Burdens Are Lifted at Calvary) tih kum 1952 a a phuah hi khawvel deng chhuak khawpa a sulhnu a ni. He hla hi Mizo tawngin Rev. Lalrinmawia chuan mawi tak maiin min lehlin sakin tun hnaiah One in Christ te chuan mawi tak maiin an sa a nih kha. He a hla phuah mawi tak mai leh ringtute tana innghahna tlak Lal Isua a nih zia heti hian Rev. Moore chuan a sawi a- “Glas
3 comments
Read more