Matthaia 28:19- " Chutichuan kal ula, hnam tina mi zirtirahte siam ula, Pa leh Fapa leh Thlarau Thianghlim hmingah chuan baptis u la. Thu ka pek zawng zawng che u pawm turin zirtir rawh u."
He thupek hi Lal Isua'n Van a lawn chhoh dawn a a zirtirte hnen a a thupek a ni a, a pawimawhzia chu thu leh hla in kan puang senglo a, a taka nunpui a thihpui mi tamtak an awm tawh a, an la awm zel bawk ang.
 |
| Pi Pradhana Pradhan-i in kawt |
He thlalak kan hmuh hi thingtlang khaw pakhat Samonbadi, Kandhamal District Odisha (Orissa) a nu pakhat Pi Pardhana Pradhan-i a ni a, Kan hmuh ang hian a hmeltha hauh lo a, a ha hmai 2 hi a bal a. Hlim taka a nuih phei chuan a habal avang hian a hmelchhe sawt zawk emaw tih tur a ni. Fa hmeichhe nuapang pakhat a nei a, A pasal Kamanjini Pradhan-a hian hmun hran ah hnathawkin nitin a chhuah bosan thin.
A hmel en hian Cream tha leh man to a inchulh ngailo tih a hriat a. A vun hian Lotion a dawng ngailo ang tih a hriat bawk. 'Oriflame' i hria em ti ila, eitur emaw inhlawhfakna tur company hming emaw a tih ngei a rinawm. 'Avon' phei chu zawt ila, a buai tulh tulh ang nga, Lip Gloss chu enge nih a eng a hman tur nge a hriat ka ringlo.
Hmeichhe pheikhawk sang-man to leh tha pui pui hming zawt ta ila, Sanskrit Tawng emaw Hindi Paka tak in kan bia emaw a ti ang tih a hlauhawm a. Ke artui leh ke sir vel tih mam-na damdawi ai chuan Ringlomi te pathian hming a hre hnem zawk ang. Washing Machine hi a mumang ah pawh a la hmuh a rinawmloh a, Facebook leh WhatsApp hi enge a nih a hriat hlauh chuan nu vengva tak a ni ngei ang. Hmeltha hlutna leh hmeltha nih nawmzia hi a hre ngailo ang a, chuti ang tur chuan in uluk, awm awl, eitui leh facial te a ngai tih phei chu New York khawpui a hriatloh tlukin a hre lo ang.
Mahse, engkim neitu Lal Isua mit ah chuan-mi pawimawh, Lal Isua helhkham, mutmu pawh tuah thalo a a ngaihven ruk a ni tlat-Hahmai bal Pi Pradhana Pardahan-i hi! Van mipui chhiar senloh te'n nitin zan tin a an en thlak, an ngaihven leh lawmna belhchhah tu atana an beisei san ber a ni tlat! Van mipui te lawmna belhchhah theitu tur a an hual lawk a ni. Enga ti maw??
Eng dang nilo e-a pasal duhtak, a hmangaih em em Pu Kamajini Pradhan hi Ringlo mi a ni tlat a. Zan tin Lal Isua a neih theih nan a tawngtai thin a sin! A va ropui em!! Lapa chu fakin awm rawh se! Nitinin a pasal chuan biang a thlantui farin a tan leh a fanu tan hna a thawk a. Khawthim hnu ah a lo haw thin a, a chau thin ngawt ang. A pasal chu a tan chuan a tling zo in, thlamuanna a va ni em! Mahse Lal Isua a la neih ve tlat loh avangin a pasal tan chuan zantin Lal Isua hnen ah a tawngtai thin a ni, Chu chu Lal Isua chuan a hre khiau a, a ngaihven tlat a, hmeichhe hmeltha ber a ni tlat-Lal Isua leh Van mipuite tan chuan!
 |
| Thuthlung Thar Bu kan pe |
An in awmna kawt thler kan kal lai chuan hlim taka min la au a min lo hui in, inthlahrung leh insit tak chung siin an in a tawngtai tuirn min sawm a. An chhungkaw chanchin te min hrilh a, tichuan theihtawp in Pathian hnen ah kan tawngtaisak a. An chhungkua a Lal Isua an neih hlan a nghakhlel in, nasa taka tawngtaipui tur in min chah a. Nangpawh in he Pi Pradhana Pardhan-i leh a pasal Pu Kamajini Pradhan-a tan hian lo tawngtai ve tur in kan sawm a che. Hmeichhe dinhmun hniam zia leh an awm nem zia te theihnghilhlo in, an tan i tawngtaipui ang aw?
Lal Isua thupek zawmtu, a thu mai nilo-a tak a nitin zan tin nunpui a thawk mek a, hmeithai thawhlawm kha a tam ber a ni titu chuan-hahmai bal, mi rethei leh nu mawl tak Pi Pradhana Pardhan-i hi hmeltha a ti ber ang tih chiangtakin kan hre si a!
Comments
Post a Comment