ORISSA- KANDHAMAL-A KRISTIANTE MATAR-NA

Kan hriat fo tawh angin Orissa (Odisha hi a hming thar ni mahse, Orissa hi a lar zawk a, kan ziak zel mai ang) a Kandhamal Distirct ah hian kum 2008-2010 ah Kristiante tihduhdahna rapthlak tak a thleng anih kha. (Kum 1999 a Graham Stein te pafa an that atang khan mi hriat an hlawh hle a nih kha.) Hetah hian mi tamtak in nunna an chan a. In leh lo, sum leh pai leh biak in tamtak an chan a nih kha. Khawvel in he thil thleng hi a hria in, keini Mizo te pawhin an mahni pual hian kan tawngtai a nih kha.

Hetah hian thlalak nen kan unau te tawrhna hmun kan tarlang a. I lo chhiar a i lo hlawkpui ngei kan beisei a, Lal Isua tan hian rinawm taka awm i tum tlat ang u.

Ni 17 November 2015 khan Cuttack a awm Rev. R. Lalvulluaia@Mavula Ralte Mizoram Synod Pastor te nen Kristiante tawrhna hmun kan fang a, rilru an khawih hlawm hle a. A hnuai a kan hmuh hi kum 2008-a Ringlo mite'n Roman Catholic Hmeichhia (Nun) an sawisakna a ni a.


Nun an sawiksakna in ah Rev. Mavula , kei leh tun a he hmun enkawltu

Hetah hian 'Nun' hi nasa taka sawisa in he buliding hi hal chhiat vek a ni a. Tichuan an Temple-ah hruaiin an pawngsual zui a ni. He Building hi an Temple tangin Kilometer-chanve vel a ni. A hmun hi Konjamedi, Kandhamal Dist a ni.

He Temple ah hian Nun chu hruaiin an pawngsual zui a ni

Tin, helai a kan hmuh hi Kristian te Sai chetna hmun a ni a.

Sai chetna hmun ah Rev Mavula nen @ Gadari

Hmun hnih ah che in In nasa takin a tichhia a ni. Tin, hmun pakhat ah hian Ringtue in a zuah a, hmun pakhat ah erawh hi chuan Biak in leh in pakhat chiah a zuah thu min lo hrilh ani.

Kan hnunga Biak In khi Sai chuan a zuah tlat mai!

Tin, helai hi kan hriat fo tawh angin Rudangia, Vantirhkoh lo inlarna khua kha a ni a. He tlang kan hmuh ah hian Vantirhkoh chu he khaw veng tur hian a lo inlan a, he khaw hal ral vek tumtu te chuan an hlau em em a, engmah ti ngamlo in an kir leh vek niin min hrilh.

Vantrihkoh inlarna tlang @ Rudangia

Tin he lungpui hi Nutling, fa nei tawh an chehhlumna hmun a ni a. Lal Isua i phatsan loh chuan kan that ang che ti a vawi thum vel lai an vau chung pawhin Lal Isua chu phatsan duhlon a thihpui thak ani! A va ropui em!!! Lalpa chu fakin awm rawh se!!

Ringtu Nutling an chehhlumna @ Rudangia

Comments

Lal Isua Hmangaihna

Ramhlun North Pastor Bial Zaipawl in kum 2013 a an sak Lal Isua hmangaihna tih hla, T. Laldintluanga phuah hi tun lai ah hrelo kan vang hle awm e. He hla hi Zaithiam hrang hrang te pawhin an sa a. Lal Isua hmangaihna hi kan tan a tawkin engkima engkimah a rintlak zia puanchhuahna ropui tak a ni tih kan hre awm e. He hla phuahtu T. Laldintluanga, Ramhlun North hi tunah hian Synod Choir (2018-2020) Conductor ni mek a ni a. He hla a phuah dan chanchin hi ka va zawt a, PDF in min lo pe thlap a, a chung ah ka lawm hle. “He hla hi kum 2013 a ka phuah a ni a, heng hunlai hian a bikin thalaite ah mahni intihlum te, ruihhlo avanga thihna te, thih thut thutna ang chi kha a tam em em a, ka phak tawkin ka vei ve hle a ni. Chung ka thalai pui sual in a tihbuai mek, mahni intihhlum duhna hial nei, nun beidawnga tap mek te pawh chu Lal Isua hmangaihna hian a nghak reng ni hian ka hria a. Emau kawnga khualzin pahnih ten an khawhar hnem tura Lal Isua an sawm khan an va...

BEISEINA NUNG

I Petera 1:3-9 A chunga kan tarlan Bible châng innghahna hi Petera te hun laia Asia Minor-a Kohhran țhang chak em em mai te chungchang lehkha a thawn ațangin a ni a. Helai 1:3-9 ah hian Pathian khawngaihnain Lal Isua tiha thawhnlehna hian beiseina nung min neih tir thu leh chu Lal Isua thiha thawhlehna chu kan chhandamna-chatuan nunna kan neih theihna tur a nih thu Petera hian min hrilh a. Beiseina hi keini ringtute chauh ni lo mi zawng zawng hian kan neih hi a pawimawh em em a. Beiseina hi mi rethei te chaw an ti hial țhin a ni. Miin beiseina a neih tawh loh chuan nun hlutna hi a hre tawh țhin lo a. Mi lar, zaithiam, Celeb etc pawh nise amah ah beiseina a awm loh chuan mahni intihhlum mai hi a thlang țhin. Hmanni lawk ah Linkin Park band-a an Vocalist Chester Bennington-a pawh inawkhluma an hmuh kha! Khang te kha a larin khawvelin an hriat nen-beiseina a neih tawh loh vang a ni ngei ang- a nunna kha amahin a inlak hial ni! Chuvangin beiseina neih pawimawh zia hi kan sawi ...

Lal Isua chaknaa innghatin

Kristian Hla Bu Number 149-na kan keu chuan khawvela Pathian hla ropui ber pawl; Edgar Lewis leh William W. Rock te phuah 'Lal Isua chaknaa innghatin' (Just lean upon the arms of Jesus) tih kan hmu a. He hla hi Mizotawngin Ch. Pasena leh Zakunga te'n min lehlin sak a, Zofate zingah he hla hi sam thiamlo kan awm awmlo e. He hla phuahtu zinga pakhat William W. Rock-a chanchin hi han hriat zui em em tur a awmlo a. Edgar Lewis-a erawh hi chu February ni 8, 1865 ah Yates City, Illinois ah a piangin a laiah hming chu Lewis Edgar Jones a ni a. Hla thluk a siam emaw, a phuah emaw hian Edgar Lewis, Lewis Edgar tih emaw Mary Slater ti te in hming lem a hmang thin. Moody Bible Institute-ah Pathian thu a zirzawh hnuin Young Men’s Christian Association, Davenport , Iowa; Fort Worth , Texas ah leh Santa Barbara, California ah te a thawk thin. September 1, 1936 khan Santa Barbara , California ah a boral a; Santa Barbara Cemetery ,...

ZADENG

Search This Blog