Sam 37:05- " I awm dan tur chu Lalpa chungah nghat la; Amah chu ring la, aman a ti vek ang"
Chu mipa naupang chu rethei in cher chhe ve hle mah se, Amah siamtu Pathian chuan a hre reng a. Chhungkaw hausa lo tak anni tih pawh a hailo a. A nu leh pa, a pi leh pu te atang pawhin Sakhawmi tak an nilo tih pawh hria. Sikul tha leh changkang tak ah a kal ve phaklo tih pawh a hre reng a, Nursery Rhyme pawh Anganwadi a " Are You Sleeping Brother John?" tih a zir bak a thiamlo tih pawh a hria. Zantin A hnenah lawmthu sawiin tawngtailo mah se, a hmangaihna leh khawngaihna chuan chu mipa naupang chu a chelh tlat a, a mamawh engkim a pe thin-an chhungkaw tan.
Nu leh pa te'n thewihtawp chhuah a sikul an kal tirna chu Pathian chuan-Ama tan thahnem ngailo in, sual lam ah tluksan mahse-hriatreng saklo in a ngaidam a. A malsawm a, College hial a zo ve a nih kha. College a kallai pawh in, A ni chuan a khawngaih a, Kohhran Committee kaltlangin Kohhran Thalai hruaitu ah a ruat a nih kha. Mahse a rawngbawlpui te leh a rawngbawlsak Pathian rilru chu vawitam a tina a nih kha! Mahse kan thiltih ang zel a thungrul nghallo Pathian chuan a ngaidam zel a nih kha. A va ropui em! Lalpa chu fakin awm rawhse.
Chu mipa thinlung a Pastor nih duh tlatna rilru chu Pathian chuan a hriat sak reng a. A hnen ah pawh vawitam a lo dil thin a, a ngaithla reng-A beng a ngawng silo a! Chumai a nilo, a dil hma pawhin a duh chu a hriatsak daih tawh si a. Chuti ang chuan Theological College-ah Pastor nih tum in Bachelor of Divinity zir tumin Entrance Exam te pawh a tive ta a nih kha-mahse a hlawhtling mai lo! Mihring taka beiseina nen a tih chu a zuai a, a beidawn hnu ah chuan a Bible chang duh ber, a Saptawng nen lam a a By Heart ve thlap chu a taka nunpui a ngai tih a hre tan ta!
Mihring taka a beiseina te, tlingzo ve ni a a inhriatna te, hmelhriat a neih a rinchhan te, a innghahrukna te chu Pathian chuan a pheh sak vek a. Amah chauh ring turin a 'train' ta anih kha! Thu mai a Sam 37:05 duh thin khan, a tak a nunpui dawn meuh chuan, a harsa a tiin hahthlak a ti hle! Mahse Pathian mi ruat, a hriakthih, a rawngbawltu ni tur chuan Amah ah chuah innghah angaih zia a hriatphah a, he rawngbawl hna hlut zia chu a thinglung chuan reh tawh ngailo turin Pathian chuan a hriattir duh zawk a lo ni si!
Khawnge a hruai dawn a, enge zirtir a, tuah nge ruat a tum tih hrelo a zui mai chu a tihtur ani tih a lo inhre ta . A duhber Pastor chu a ni dawn em, nge thildang ah zawk a ruat dawn tih chu a hrelo a, a ngaihtuah thiam tawh lo. A chunga rorel tu zui mai chu a tihtur a ni. A mah hruaitu, amah zirtirtu Pathian chuan a awmdan tur chu Amah a rin chuan, Amah ngeiin a tih sak vek dawn tih chiang taka hre turin a innghat ta tawp mai a ni!
Pathian ropui zia chu, kan beidawn tawp ah, kan hlawhchham a pan tur kan hriatloh a belh tur kan baihvai lai taka Amah a kan tlukluh tawp a, kan inghah chiah hian a lo lang thin! Amah ngeiin min tiam a, mi hrilh a, min tih sakngei dawn si a-
" I awm dan tur chu Lalpa chungah nghat la; Amah chu ring la, aman a ti vek ang"
Sam 37:05
Comments
Post a Comment