Hmeichhe hming a ni a, a hnam hming chu hnam dang tawng nalh tak in a zui bawk. A kut dinglam banrek chu puan varin a tuam a, inchibaina lam a nih avangin a kut na chu dim taka phar chhuakin a chibai a. Mahse a chibaitu chuan a hrechhuak thut a, a kut veilam chuan a chibai leh hnuhnawh a!
Inhmatawnin Biak Inah an thu a, a chang changin amah chibaitu chuan a va en leh zauh thin a, ani pawh chu a chang chuan a lo hawi ve thin a. Hmeichhe hmeltha tak leh nulian tak, thau lam a ni a. A hmai hlai tak leh a mit meng mawi tak te chu amah chibaitu chuan a hmuh hmaih theilo.
Amah chibaitu chuan a hming tawpa a hnam hming, hnam dang tawng awm chu tuemaw hmingah chuan a hre fo tawh a. Mahse a thinlunga chuti anga cham reng tur hnam hming chu a ni ang tih erawh a ring phak lo. Chuti ang rilru pu a inkhawm pawh a nilo a, mahse a ngaihtuahnaah chuan nula kut dinglam ban rek na chu danglam takin a awm nghet nghal hmiah tih erawh a hria.
Missionary niin hmun ralti tak leh khawvel pawhin a hriat khawpa Kristiante an tihduhdahna hmunah chu hmeichhia chu a thawk mek a. Amah chibaitu chuan chu hmun chu kum thum kaltaah khan Missionary hna thawkin a lo awm ve tawh a. Chu hmunah Missionary thawk mek te chuan inkhawmpui neiin Mizoramah hun an hmang a. Missionary a lo nih ve tawhna a nih avangin chu inkhawmpuiah chuan amah chibaitu chu a tel ve a ni.
Hnathawhna hmun lo in ang tawh ta nafam chu an inbe pawp chho a. An rawngbawlna te sawi chhuakin Missionary dang te nen chuan rilru inpawh takin an inkawm a. Pathian ropui zia leh rawngbawl a tul zia te chu chu inkhawmpuiah chuan nasa taka lo langchhuakin hlawhtling takin inkhawmpui chu a tiak a.
Chutia ni hnih chhung hun an hman hnuah chuan phone number te in pe in thla an lak te chu WatsApp-ah an inthawn kual a. Zan dar 10:41pm ah chuan mipa zawk chuan a va be hmasa ta a ni ngei ang-
"I hman deuh hunah, kan la in text dawn nia aw?"
"Ni e, tehreng mai"
" I fel si"
"Naa ka fel loh em kha"
"Engtikahmah kan inhmu tawh kher lo ang"
"Hehe...a hriat hlei nem, kan la inhmu khawm leh mai thei a sin"
"I thian 1 ang lekin min lo ngai ve reng dawn nia"
"Hehe, kan inkawm thin ang chu"
"Thil zawng zawng sawi nan chuan a la fuhlo mai thei a. Nakinah i mutthilh hunah ka lo sawi ang"
"Haha...muthilh hunah kher😅"
"Ka zak ve lawm"
"Timaw?"
"Hriat pawh min hriat ve loh kha!"
"Kha kan inhriat tawh kha, in fel hle mai inthian dun chu"
"Kei chu engmah ka ni ve lo. Ka thianpa kha a fel a"
"In fel ve ve a lawm"
"Ih, i hmel hi ṭha ka ti lutuk a. Ih, ka danglam vek! Mahse ka ngaizawng dawn lo che a. Tihian ka star ve reng ang che'nga, haw suh aw? Ka lerh vang a nilo a nia"
"Ka hmelchhiat em hi...ti zahthlak"
"Ka nunah hian thil hlu tak, ka hriat reng tur tawn te hi tahpui fo mahila - nuam ka ti a. Chutah chuan nangmah hi i tel ve tawh reng dawn a ni. "
"I fel reuh sia kawm i nuam ngawt ang"
"Tihian in kal bo leh daih dawn a...a lunglenthlak dawn takbzet. Mahse a ṭha zawk. I hlutna a zual ngawt ang. Titanic i en thin em?"
"En ve thin e. Tinge?"
"Heti ang vela romantic kha, ka nunah ka tawng tawh ngailo a. Nangmah hian chung zawng zawng chu min neih let tir vek. Zaklo min ti em?"
"Ti lo e"
"Ih maw...i special a ni tawp mai. I ning tawh em?"
"Ninglo e. Ka hrethiam a lawm"
"Zanin pawh rei tak hmuh che ka duh vangin mi rualin ka haw lo a"
"Kan rual khan ilo chhuk ve lo a nih chu"
"In hnungah, i hmuhloh in ka lo kal a lawm. Hmeichhe 1 nen in kal kha."
"Ni maw? I lo kal ve lo a nih chu...midang nen in haw dawn maw ka tia. Ka thiannu nen khan nia, keimah a haw tur ka nia, a lo haw ve leh thut a"
"A pawilo. Chuti ang a manner neilo khawp a umzui che ka ngamlo. Mahse kan inhmu tawh dawn lo a...chuvangin zak lo in ka rilru ka sawi vek a nih hi. I danglam ve em a ni. Heti ang a hmeichhe hlu hi ka nunah ka tawng tawh zen zen ngai lo. Ka dam chhungin ka hre reng tawh ang che"
"Engmah ka nih loh tehlul nen zahthlak zawk a lawm le"
"Engtikahmah kan inhmuh leh pawh ka beisei tawh hran lo a. Kan intawngtaipui fo dawn nia u"
"Kan intawngtaipui tawn fo dawn nia ni e"
Duhna leh hmangaihna hi inhnaihtak leh thil hrang chu a ni teh meuh mai. Mahse 'Love at first sight' chu a awm ta tak tak a ni mahna - a nihna zawng zawng a hriat belh hnuah pawh a rilru kha nghet ta sawt si a!
Thlawhna in anni chu vairam lamah an thlawk thla ang a, khawvel awm chhung pawhin an inhmu leh tawh kher lo mai thei. Mahse amah chibaitu rilru ah chuan a awm reng tawh dawn a. A hnam hming a hriat chhuang te chuan a rilruah a thar nawn awn awn ang a.
A chan ve phakloh tur leh a lung tileng thlawn mai tura a ni tih hre mahse, a tak taka a pawm a tul chiah chuan tlemin a mit chu a hnâm hlek a. Thinlung zawng zawng a tawngtaipui fo chu a tihtheih sang ber a ni tih a hre reng ang.
"I hman deuh hunah, kan la in text dawn nia aw?"
"Ni e, tehreng mai"
" I fel si"
"Naa ka fel loh em kha"
"Engtikahmah kan inhmu tawh kher lo ang"
"Hehe...a hriat hlei nem, kan la inhmu khawm leh mai thei a sin"
"I thian 1 ang lekin min lo ngai ve reng dawn nia"
"Hehe, kan inkawm thin ang chu"
"Thil zawng zawng sawi nan chuan a la fuhlo mai thei a. Nakinah i mutthilh hunah ka lo sawi ang"
"Haha...muthilh hunah kher😅"
"Ka zak ve lawm"
"Timaw?"
"Hriat pawh min hriat ve loh kha!"
"Kha kan inhriat tawh kha, in fel hle mai inthian dun chu"
"Kei chu engmah ka ni ve lo. Ka thianpa kha a fel a"
"In fel ve ve a lawm"
"Ih, i hmel hi ṭha ka ti lutuk a. Ih, ka danglam vek! Mahse ka ngaizawng dawn lo che a. Tihian ka star ve reng ang che'nga, haw suh aw? Ka lerh vang a nilo a nia"
"Ka hmelchhiat em hi...ti zahthlak"
"Ka nunah hian thil hlu tak, ka hriat reng tur tawn te hi tahpui fo mahila - nuam ka ti a. Chutah chuan nangmah hi i tel ve tawh reng dawn a ni. "
"I fel reuh sia kawm i nuam ngawt ang"
"Tihian in kal bo leh daih dawn a...a lunglenthlak dawn takbzet. Mahse a ṭha zawk. I hlutna a zual ngawt ang. Titanic i en thin em?"
"En ve thin e. Tinge?"
"Heti ang vela romantic kha, ka nunah ka tawng tawh ngailo a. Nangmah hian chung zawng zawng chu min neih let tir vek. Zaklo min ti em?"
"Ti lo e"
"Ih maw...i special a ni tawp mai. I ning tawh em?"
"Ninglo e. Ka hrethiam a lawm"
"Zanin pawh rei tak hmuh che ka duh vangin mi rualin ka haw lo a"
"Kan rual khan ilo chhuk ve lo a nih chu"
"In hnungah, i hmuhloh in ka lo kal a lawm. Hmeichhe 1 nen in kal kha."
"Ni maw? I lo kal ve lo a nih chu...midang nen in haw dawn maw ka tia. Ka thiannu nen khan nia, keimah a haw tur ka nia, a lo haw ve leh thut a"
"A pawilo. Chuti ang a manner neilo khawp a umzui che ka ngamlo. Mahse kan inhmu tawh dawn lo a...chuvangin zak lo in ka rilru ka sawi vek a nih hi. I danglam ve em a ni. Heti ang a hmeichhe hlu hi ka nunah ka tawng tawh zen zen ngai lo. Ka dam chhungin ka hre reng tawh ang che"
"Engmah ka nih loh tehlul nen zahthlak zawk a lawm le"
"Engtikahmah kan inhmuh leh pawh ka beisei tawh hran lo a. Kan intawngtaipui fo dawn nia u"
"Kan intawngtaipui tawn fo dawn nia ni e"
Duhna leh hmangaihna hi inhnaihtak leh thil hrang chu a ni teh meuh mai. Mahse 'Love at first sight' chu a awm ta tak tak a ni mahna - a nihna zawng zawng a hriat belh hnuah pawh a rilru kha nghet ta sawt si a!
Thlawhna in anni chu vairam lamah an thlawk thla ang a, khawvel awm chhung pawhin an inhmu leh tawh kher lo mai thei. Mahse amah chibaitu rilru ah chuan a awm reng tawh dawn a. A hnam hming a hriat chhuang te chuan a rilruah a thar nawn awn awn ang a.
A chan ve phakloh tur leh a lung tileng thlawn mai tura a ni tih hre mahse, a tak taka a pawm a tul chiah chuan tlemin a mit chu a hnâm hlek a. Thinlung zawng zawng a tawngtaipui fo chu a tihtheih sang ber a ni tih a hre reng ang.
Comments
Post a Comment