ZADENG

Upa LH. Rohmingliana Pathian hla phuah ‘Lal Isua ka neih phawt chuan ka rethei lo ve’ tih hla hi tun hma in ka lo hre ngailo a; a phuahtu Upa LH. Rohmingliana pawh hi ka hre ngailo. Mahse he a hla phuah erawh hi chuan ka thlarau nun hi a chawm em em a; ka tan a dikzia hi ka hre nawn reng thin. 1. Lal Isua ka neih phawt chuan ka rethei lo ve,     Ka mawmawh engkim a nei Lal Isua’n;     Ni tinin Ama’n min pe ka mamawh tinreng,     Engkimah ka tan rin tlak a ni si. A va dik em! Sum leh pai neilo in, Wallet-ah ₹ 100/- chauh pawh ak thin mah ila Lal Isua chuan a hun tak ah ka mamawh chu min lo ngaihtuahsak leh a. Nitin in mualpho lo in ka mamawh diktak chu khawi emaw atangin min ngaihtuahsak zel a. Ka rin ngam phawt chuan ka tan hian a tlanchhe ngailo. Pheikhawk bun tur ka mawh lai takin M.Th zirlai 2 te chuan Pheikhawk leina daih chiah chiah ₹ 1400/- min pe! Lal Isua hi engkim ah ka tan rintlak a va ni chiang em!  ** ...

India ram atang a lo chhuak, a bikin Assam, North East India tanga lo chhuak ‘I have decided to follow Jesus’ tih hla hi Kristiante chuan hrelo kan awm awmlo e. Kum zabi 19-na laihawl a Welsh Missionary te chhungkua chu Lal Isua an rin tlat avangin an that a. Chhungkaw nu ber an thah hnu ah Pa ber chuan Lal Isua hi phatsan thei a niloh zia chu he hla hian a puang chhuak a. India ram thuhriltu ropui Sadhu Sundar Singh in a tih lar hnu ah kum 1959 ah American hymn editor, William Jensen Reynolds chuan siam tha in Assembly Songbook ah a telh a. Pathian thu hriltu ropui Billy Graham chuan a America-ah chawi larin khawvel pumin an lo hriat phah ta a nih kha. He hla ropui zia hi ka ngaihtuah thin a. Hmangaihna ropui zia min hriat chhuah tir a ni. Ka hmangaih em em in min then thut a, ka va han buai teh reng em! Ka rilru a na in ka tap a, a bul a ka awm reng theilo a. Kan inkar siamtha turin hun ka neilo a, kan awm dun thei lo. Chutah chuan Pathian hnen ah tap chungin ka ta...

Thupuan 2:10 - “Thih thlengin rinawmin lo awm rawh; tichuan, nunna lallukhum ka pe ang che” Theological College- a hna kan thawh hian kan zirtirtu te hian mi enzui ngailo a. Kan hna chanpual theuh chu kan thawh that leh chhiat ah a mawhphurtu chu keimahni kan ni a. Kan mawhphurhna min pek theuh ah kan rinawm in mahni pawh inzah ru veng veng thei khawp in hna kan thawk tha em; kan mawhphurhna chu kan kan theihna zawng zawng nen kan hlen chhuak em tih chu mahni ah kan inzawhna a ni thin. Mizoram Kristian ram ah hian Kristian te hian kan hna leh kan mawhphurhna hrang hrang ah hian kan rinawm in kan puitling em tih hi inzawt ta ila, kan chhanna pek chu a inanglo thei hle awm e. Sorkar hna leh NGO a nihna pawimawh tak tak chelhtu te hi Lal Isua din Kohhran ah pawh nihna pawimawh tak tak chelhtu hi a tam zawk kan nih a rinawm a. Kohhran bel miahlo leh inkhawm ngai miahlo hi chu a tlem zawk kan ni ang. Kristianna atanga thlir chuan kan ram hi eirukna leh hlemhletna hrang hran...

Johana 15:16: “ Nangnin mi thlang lo, keiman ka thlang zawk a che u"  Pathian thu zir ka chak em em lai khan kan zirlai harsat tur zia hi ka ngaihtuahphaklo a, ka hrethiam phak lo hle. Anganwadi-College thleng a English aia Mizo tawng thiam zawk niin Nursery Rhyme pawh “ Are You Sleeping Brother John?” tih chiah Anganwadi kan nih laia ka thiam bak kha thiam lo ka ni a. Sap hla ngat phei chu MLTR leh Bryan Adams te sak kha a ziak en chung in kan sa ve bauh bauh thei a, a thu lah kan lam no-nalhlo in kan lam chang na rawh! Pathian fakna hla Saptawng a ka sak ve hmasak na ber chu kum 2013-a Haflong Assam -a PRESBYTERIAN YOUTH FELLOWSHIP (PYF) 20 th BIENNIAL CONFERENCE kan neih tum a inkhawmna a kan zai kha ani mai a; chupawh a ziak en chung in kan sa a, a thluk kan bel ve meuh kha chuan inkhawmpui kan tiak zan a ni der tawh. Chuti ang taka saptawng thiamlo chu niin mi zing ah phei chuan kan tawng ngamlo hrim hrim a. Haflong ah pawh khan an sermon sawi zawng za...

Kan pian hma ațang a Pathian thu zirna hmun țha ber pawl Aizawl Theological College -ah 8 June 2016 khan Bachelor of Divinity (BD) zir turin Hostel ah ka han invawm lut ve ta rawih a nih kha. Kan zirpui tur mi 25 te chu kim takin Pathian zarah Hostel kan lut kim thei a. Chhungkaw dinhmun in ang lo leh mize hrang hrang, hnam hrang hrang leh 'gender' hrang hrang te kan ni a. Chuti ang chuan BD ni turin Class khat ah kan inchhung khawm a. Sapțawng leh Sap hla chu beng ah a ri zingin ka kâ ațang erawh chuan a chhuak tlem hle mai! Pawl 3 English Poem pawh by heart țha theilo leh Sap Sikul a kal chhuak velo kan nihna chu a lang chiang ta hle mai! Kan țhiante'n British leh American 'aw' phawi țalh in an duh duh an sawi a, Sapțawng a ngawihchawih a ngai hi mi țawngduh hian ka va inhmehlo tak! 'A Greek țawng chuan' ti a Pastor leh Theologian te'n an sawifo chu a Alphabet kan han zir a, a har nghal nak mai!  Greek leh Greece hi History  leh thawn...

A KHUHHAWNNA: Pawl sawmpakhat kan zir kumin ka țhianpa'n Harriet Colney hla sak 'Di Hlui' hi min ngaihthlak tir a, chuta ka țhianpa thil min hrilh chu ka hre reng țhin...ka țhianpa aimahin he hla 'Di Hlui' hi ka ngaithla zing tawh zawk awm e. ENGA TI NGE?     A chang hi chuan khawvel hi kan rin dan ang a nilo fo a, khawvel rindan ang hi kan nilo fo bawk.     Kut invuan rialin duhthu lo sam dun fo tawh țhîn mahila, hunin min liampui a, rokhawlhna leh harsatna hrang hrang avangte hian kan hlimpui em em țhinte hi țahpui vawng vawng a ngai a, kan nuih pui iar iar țhinte kha sulhnu mai an lo nizo tawh țhin a. Kan thunun theihloh thil hian min tlakbuak a, kan hun zawng zawngte hi a danglam zo țhin a ni. A THAR LEH ȚHÎN      Ni e, zanah Thla a han êng rüai a, van dumpawl thiang tak maia arsi eng pheuh pheuh te chuan suangtuahna chu lunglenna-ah a rawn hruai lut a, hlim taka an pahnih té chauha khawvel an lo hman dun tawh te chu nimin ...

Marka 16:15-   "Khawvel zawng zawngah kal u la, thil siam zawng zawng hnenah chuan Chanchin Țha hi hril rawh u." Mizo Kristiante hi Pathian thu duh tak leh sawi peih tak kan ni a. Pawl emaw thil tih khawmna ah pawh Pathian thu nen a hunserh hmang a hun țan țhin kan ni a, a lawmawm hle. He kan Bible chang tarlan hi kan hre vekin a rinawm a, Lal Isua thupek ropui ber leh Kristian zawng zawng te'n kan tihtur leh mawhphurhna lianber a ni bawk tiila kan sawi sual awmlo e. Chanchin Țha hril tur a tih kan nihna leh mawhphurhna hi keimahni țheuh ah a in anglo in kan theihna leh kan thiamna pawh a inchenlo zung a, chuti ang a mawhphurhna hrang hrang kan neih zing a mitin in kan rawngbawlna tur a kan mawhphurhna pakhat-Ngilneihna hi sawi ka duh a; a bîk takin Ran leh Nungcha te chungah Kristian te'n kan mawhphurhna leh rawngbawlna tur hi thlur bing ta ila. Mizo te hi kan pipu te ațangin Sa ei duh tak hnam kan ni a. Sa kap thei Pasalțha te pawhin ngaihsan an hlawh ...

Thufingte 12:10a - " Mi fel chuan a ran nunna a engto a " Mizo te hi ran ngaina tak hnam kan ni a. Kan pi leh pute ațang tawhin ran kan vulh a, chutih rual erawh chuan sa ei duh tak hnam kan ni bawk. Kan pipute hun ah phei chuan Sa kap thei Pasalțha te kan ngaisang hle a nih kha. Tin, kan kut a hleiin Sava leh Thehlei lam chi te han perh leh han kutthakhnawih hrat tak hnam kan ni bawk. Primary kan zir lai chuan kan zirtirtu te'n Vai ram ah chuan nungcha an tam thu leh an tihnat veloh thu te min hrilh fo a. Zawng leh rannung dangte hi khawlaiah an tlat thu min hrilh fo țhin. Mizoram ah erawh chuan kan khawlai leh kawtthler vel ah nungcha te an vang tawhin an ral ți zo tawh tih chu phatrual a awm awmlo e. Tin, hnamdangte'n an ei ngai em em loh Ui hi kan ei in kan sa tui tih pawl tak a ni bawk a. Mi tamtak chuan hmangaih leh duat taka an vulh laiin a țhente erawh chuan Zu nena nawmchenna atan a sa an ei fo thung. Tin, țhenkhat chuan an hlau êm êm a, a ...

BA ka zirzawh hun hun ah BD hi zir ve ngei ka tum ruh hle a, harsatna neuh neuh tâwk chungin Pathian khawngaihna in BA ka'n zirzo a; ATC ah BD Entrance ka ve pe ve ta nih kha. Pathian thu a ka duh ber Sam 37:05 -na- a Sapțawng nen lam a ka lo vawn ve chu ka innghahna atan hmangin beiseina sâng tak nen kum 2014 khan ATC ah ka va intreview ve a, mahse ka tling lo. Ka rilru a nã ang reng viau a, mahse tih theih dang engmah ka neihloh avangin 2014 June thla ațangin Odisha ah tlinglo takin Missionary in ka kal a. BD zir ka duhna chu rilru ah a thih theih tlatloh avangin kum 2015 kum tir ah BD chu Entrance ka ve pe leh a. Beiseina sang leh zual nen ka tlin ngei ringin ka bei a, mahse Personal Interview ah bawk chuan ka tla leh a, ka beidawng kher mai!!! Ka beidawngin ka ngaihtuahna a vak thui êm êm a, ka zak bawk. Min duhsaktu te'n min hnem pahin titawhlo turin min ti bawk. Ka rilru a nã hle a, min hnem thiam an awm meuh lo. Keimah in ngawi rengin ka tuar a, Sumo a...

Eden huan ata tawh Hmeichhia hi an pawimawhin an tello chuan mipa hi an awmtheilo a ni ngei ang-Pathian pawhin Adam -a kawppui awm mi atan khan mipa nilo in hmeichhia Evi a siam a nih kha! Han ngainepin han hnuaichhiah viau dawn mahila an tello chuan Mipa hi an awm thei hauh lo a. Hmeichhe tello chuan khawvel hi a awm theilo a. Pathian pawhin a fapa Lal Isua pianna tur khan Hmeichhia -Mari kha a zuk thlang tho a nih kha! Engemaw ti zawng tak chuan an 'fair' em em a; State Bank ah te hian han kal ila Accountant te an lo ni a. Hming 'sign' ngaise an en chikin an khirkhiap em em a, a diklhlel deuh a nih chuan an 'sign' duh thak lo! An hnathawh a pawimawh viau phei chuan biak an huphurhawm em em a, an induh larh thin. Hmeichhia mai mai ti a han namnul ngawt kha an har em em a, an tang khawng tlat thin.  College -ah Lecturer te an han ni a, an khirhin an duh strict em em a. Zirlai naupangte entawn leh incheina over deuh te chu an tim zek a, an...

Thingtlang naupang tan chuan Aizawl  hlut zia hi aw!! Kan sikul zirlaibu ah Aizawl chanchin kan zir a, kan zirlaibu a thuziak tu te lah chu Aizawl hlir kha an ni bawk si a; kan tan chuan New York khawpui nen kan hmuh chak zawng a in ang reng-nilo, New York aiin kan hmu chak zawk Aizawl hi! Sherlock Holmes bu kim nen Chuti  ang teh nuai chuan kan tet lai hun kan hmang chho a. Zaithiam kan ngaihsan leh thuziak thiam, mi thiam eng eng emaw te chu khawvel lo chang kang chho zel hian an thlalak te nen lam min hmuh tir ta a. Hei, PL. Liandinga -kan zirlaibu ah leh Sherlock Holmes bu a tang a ka hmel hriat chu a hmel tak tak-thlalak ah mai nilo a tak ngei in Khatla South ah ka zuk len chilh a nih kha! A Library A thu ziak vel atang chuan palian pui, dawl kai tha zet zawt leh puithu deuh fu a nih ka lo ring thin a. Chuti ang ni talo chuan pa te ve lam, harhvang zet mai leh duhdan deuh bik nei kha  alo ni roh a! Mahse a inlengte tan awlsam taka ngamt...

Mi fate chuan Airport hi vawi tamtak an hmu tawh ang a; a bikin Kolkatta Airport ngat phei hi chu Zofa-pawisa nei țențawn tan chuan thingtlang pa Aizawl hmuh aia tam an hmu tawh ang chu! Chuti ang teh nuai chuan kan hmuh zin leh zinloh chu a inchen lo zung dawn a, kan hmuh ve dan han sawi ve tawp mai teh ang. Engtik kum a an sak leh din nge tih vel chu ka sawi dawn lo a, internet ah en tur a awm teuh tho ang. Taxi in Kolkatta Airport ka pan a, hnamtin chitin hi an lo awm teuh a. Zing dar 7:00am lek nimahse mihring an tam tawh hle a. Hmeltha tak tak leh class hmel tak tak an awm teuh a, hmeltha lemlo te pawh an awm. Kei ang thingtlang pa ro ve tak, ro ti belhchhah tur zawng a sam sen deuh thur hi chu ka hmu lo-ka awmna ah chuan. Hnam hrang hrang- Sap, Vai hnam tha leh chhia, Mizo leh Chakma te nen lam kan awm a. Lengpui Airport pan tur te thutna chu an la hawnloh avang chuan ka thu mai mai a. Mi nungchang vel chu ka thlir kual mai mai a; an incheina leh an khawsak...