Skip to main content

KRISTIANNA LEH NGILNEIHNA

Marka 16:15-  "Khawvel zawng zawngah kal u la, thil siam zawng zawng hnenah chuan Chanchin Țha hi hril rawh u."

Mizo Kristiante hi Pathian thu duh tak leh sawi peih tak kan ni a. Pawl emaw thil tih khawmna ah pawh Pathian thu nen a hunserh hmang a hun țan țhin kan ni a, a lawmawm hle. He kan Bible chang tarlan hi kan hre vekin a rinawm a, Lal Isua thupek ropui ber leh Kristian zawng zawng te'n kan tihtur leh mawhphurhna lianber a ni bawk tiila kan sawi sual awmlo e.

Chanchin Țha hril tur a tih kan nihna leh mawhphurhna hi keimahni țheuh ah a in anglo in kan theihna leh kan thiamna pawh a inchenlo zung a, chuti ang a mawhphurhna hrang hrang kan neih zing a mitin in kan rawngbawlna tur a kan mawhphurhna pakhat-Ngilneihna hi sawi ka duh a; a bîk takin Ran leh Nungcha te chungah Kristian te'n kan mawhphurhna leh rawngbawlna tur hi thlur bing ta ila.

Mizo te hi kan pipu te ațangin Sa ei duh tak hnam kan ni a. Sa kap thei Pasalțha te pawhin ngaihsan an hlawh na ngiang mai. Ram lam a Thangchhuah thei khawp a Pasalțha te phei chu an thih hnu khawvel thleng khan chanțha an chang a nih kha-kan pipu te nun hlui ah khan. Kristian kan nih hnu ah pawh daivah leh thangkam te kan la chîng tho a nih kha.

Bible kan en chuan Marka 16:15-na a "Thilsiam zawng zawng" a tih khi a țawngbul lam Greek ah chuan "Ktisis" tih a ni a. Chu chu Sapțawng chuan-the act of founding, creation etc a ni a. JF-a Dictionary ah chuan 'Creation' chu 'thilsiam, lei leh van thil' tiin a inziak a. Chuti nih chuan kan mihringpui te chung ah chauh nilo thil nung dang-ran leh ramsa zawng zawngte chung ah pawh Chanchin Țha hril chu kan mawhphurhna a ni. Thilsiam dang te chu țawngka in Chanchin Țha kan hrilh theilo a, kan tihtheih dan chu ngilneihna leh khawngaihna hmang a enkawl leh ngaihsak hi a ni.

Lal Isua thupek zawm Kristian kan nih a nungcha dangte hnen a Chanchin Țha kan hril dawn chuan khawngaihna leh lainatna an chung ah kan lan tir tur a ni. Ui sa dawr a ui talh țhin te'n Motor hnung a buara a hreawm taka khung ram pawn ațang a Ui kan phurh luh te hi Siamtu Pathian tan chuan ngaihdam an harsat ka ring. Khawngaihna leh lainatna tel miahlo a sum duh vang ringawt a Ui sa zuar a, rawng tak vawhlum țhinte hian kan thlarau nun i bihchiang ang u. India Dan pui pawhin Ui sa hi ei loh tur a tih zing ah a telh a, Kristian- Pathian nung bia te'n Ram pawn ațang a danlo a ui kan phur lut țuk țuk te hi Ringlomi te hian min ngaihnep phah hle a ngem?

Pathian in khawvel a hrem a Tui a tih let lai khan Nova te chhungkaw bak ah Ran leh Nungcha te kha an mahni chi awm dan zel in nupa tuak khatin Lawng ah khan a tir lut a nih kha. Tin, Pathian in Mosia kaltlang a Israel fate Dan leh Hrai a pek pawh khan an ran vulh te pawh Chawlhni ah hna thawh a phal lo a. Tin, an hmelma sebawngpa/nu pawh a bo chuan a neitu hnen a hruaihaw ngei turin thu a pe a nih kha. (Exodus 23: 4&5) Chuti ang khawp a Ran 'care' kan Pathian hian Ar insual tir a sum tak tak inchawi te hi a lawm in a rinawmloh. Chuvangin kan nawm maka Ran chung ah kan khawsak hi Pathian thu awihlohna lian tak, Chanchin Țha kan hrilh lohna a ni a, kan in enfiah angai hle.

Pastor, KȚP, ȚKP SAY, PYD, Upa adt leh Kohhran kutke ber ni si hian Thilsiam dangte hian kan nun ah Lal Isua hmel an hmu angem? Rom 8: 19-22 ah Pathian fate lo lanna an nghahhlelh zia kan hmu a. Keini Kristian Inkhawm taima tak leh Sunday Sikul kaikim țhap țhap țhinte hi Rannung te hian Pathian fa ah min ngai angem? Pathian in khawvel a siam tirh a a en khan 'țha a ti hle a' tih an ni a. A enkawl tur a awm keini Kristiante hian kan ran vulh te leh thilsiam dangte nunna hi kan engto em le? Mifel tak ni a kan inhriat lai hian thilsiam dangte hian eng angin nge min ngaih? "Mi fel chuan a ran nuna a engto a" (Thufingte 12:10a)

Lal Isua thupek pawimawh ber Chanchin Țha hril a Missionary ni turin ram pawn leh chhung ah i kal chhuak theilo a ni thei e. Mahse thilsiam zawng zawng hnen a Chanchin Țha hril tur chuan i lainatna leh khawngaihna kha ran leh nungcha te chunga i lan tir khan Pa lung a awi em em a. Missionary ropui tak i ni tih inhria ang che.

Comments

Post a Comment

Popular posts from this blog

Lal Isua Hmangaihna

Ramhlun North Pastor Bial Zaipawl in kum 2013 a an sak Lal Isua hmangaihna tih hla, T. Laldintluanga phuah hi tun lai ah hrelo kan vang hle awm e. He hla hi Zaithiam hrang hrang te pawhin an sa a. Lal Isua hmangaihna hi kan tan a tawkin engkima engkimah a rintlak zia puanchhuahna ropui tak a ni tih kan hre awm e.     He hla phuahtu T. Laldintluanga, Ramhlun North hi tunah hian Synod Choir (2018-2020) Conductor ni mek a ni a. He hla a phuah dan chanchin hi ka va zawt a, PDF in min lo pe thlap a, a chung ah ka lawm hle.  “He hla hi kum 2013 a ka phuah a ni a, heng hunlai hian a bikin thalaite ah mahni intihlum te, ruihhlo avanga thihna te, thih thut thutna ang chi kha a tam em em a, ka phak tawkin ka vei ve hle a ni. Chung ka thalai pui sual in a tihbuai mek, mahni intihhlum duhna hial nei, nun beidawnga tap mek te pawh chu Lal Isua hmangaihna hian a nghak reng ni hian ka hria a. Emau kawnga khualzin pahnih ten an khawhar hnem tura Lal Isua an sawm khan an va hlawhchham lo
Post a Comment
Read more

BEISEINA NUNG

I Petera 1:3-9 A chunga kan tarlan Bible châng innghahna hi Petera te hun laia Asia Minor-a Kohhran țhang chak em em mai te chungchang lehkha a thawn ațangin a ni a. Helai 1:3-9 ah hian Pathian khawngaihnain Lal Isua tiha thawhnlehna hian beiseina nung min neih tir thu leh chu Lal Isua thiha thawhlehna chu kan chhandamna-chatuan nunna kan neih theihna tur a nih thu Petera hian min hrilh a. Beiseina hi keini ringtute chauh ni lo mi zawng zawng hian kan neih hi a pawimawh em em a. Beiseina hi mi rethei te chaw an ti hial țhin a ni. Miin beiseina a neih tawh loh chuan nun hlutna hi a hre tawh țhin lo a. Mi lar, zaithiam, Celeb etc pawh nise amah ah beiseina a awm loh chuan mahni intihhlum mai hi a thlang țhin. Hmanni lawk ah Linkin Park band-a an Vocalist Chester Bennington-a pawh inawkhluma an hmuh kha! Khang te kha a larin khawvelin an hriat nen-beiseina a neih tawh loh vang a ni ngei ang- a nunna kha amahin a inlak hial ni! Chuvangin beiseina neih pawimawh zia hi kan sawi
7 comments
Read more

Phurrit a bo ta Kalvariah

Rev. John M. Moore a chu Kirkintilloch, Dunbartonshire, Scotland ah September 1, kum 1925 khan a lo piangin Pathian tihmi tak chhungkua atanga lo seilianin kum 16 a upa a nihin a paingthar a.    Glasgow, Scotland ah rawngbawlna/ministry zirin chu   lai vel kohhranah chuan rawng a bawl thin a. North America lamah a pem hmain nupui Esther Marr neiin Ontario, Canada-ah Baptist Pastor leh thurihtu ropui tak a ni a, November 2, kum 2017 khan a boral a. Rev. Moore hi Pathian hla phuah thiam tak mai a ni a, hla 150 chuang zet phuahin chung zingah chuan Mizote pawhin kan hriat lar em em ‘Phurrit a bo ta Kalvariah’(Burdens Are Lifted at Calvary) tih kum 1952 a a phuah hi khawvel deng chhuak khawpa a sulhnu a ni. He hla hi Mizo tawngin Rev. Lalrinmawia chuan mawi tak maiin min lehlin sakin tun hnaiah One in Christ te chuan mawi tak maiin an sa a nih kha. He a hla phuah mawi tak mai leh ringtute tana innghahna tlak Lal Isua a nih zia heti hian Rev. Moore chuan a sawi a- “Glas
3 comments
Read more