Thingtlang naupang tan chuan Aizawl hlut zia hi aw!! Kan sikul zirlaibu ah Aizawl chanchin kan zir a, kan zirlaibu a thuziak tu te lah chu Aizawl hlir kha an ni bawk si a; kan tan chuan New York khawpui nen kan hmuh chak zawng a in ang reng-nilo, New York aiin kan hmu chak zawk Aizawl hi!
 |
| Sherlock Holmes bu kim nen |
Chuti ang teh nuai chuan kan tet lai hun kan hmang chho a. Zaithiam kan ngaihsan leh thuziak thiam, mi thiam eng eng emaw te chu khawvel lo chang kang chho zel hian an thlalak te nen lam min hmuh tir ta a. Hei, PL. Liandinga-kan zirlaibu ah leh Sherlock Holmes bu a tang a ka hmel hriat chu a hmel tak tak-thlalak ah mai nilo a tak ngei in Khatla South ah ka zuk len chilh a nih kha!
 |
| A Library |
A thu ziak vel atang chuan palian pui, dawl kai tha zet zawt leh puithu deuh fu a nih ka lo ring thin a. Chuti ang ni talo chuan pa te ve lam, harhvang zet mai leh duhdan deuh bik nei kha alo ni roh a! Mahse a inlengte tan awlsam taka ngamtlak nghal theih a nih avang erawh chuan a bul a awm a nuam hle!
Cyclostyle-a a chhuah thin Sherlock Holmes bu kha chu kan chhiar ve pha chiah lo a, mahse Press a a chhut hmasak ber erawh kha chu ka pa thingrem hlui tawh tak atang khan kan chhiar ve hman a. Chutih lai chuan kum 10 emaw vel kan ni a. Chuta tang chuan PL Liandinga hming chuan ka rilru a luah chho a; High Sikul ah a thuziah kan zir chho a. BA Mizo ah 'Ás You Like It' tih Shakespeare a ziah a lehlin te kan zir chho ta zel a. Chuti ang chuan hei tun ah a kuhva te chu kan han ei sak ve ta ang hawng hawng a, mumang a lo ni hlauh ang tih ka hlau hnuhnawh thin.
A inchhung a Library te min fan pui a, a lehkhabu kawl zawng zawng hi sum in chantir ila nuai sawm a chuang ngei ang. Heng te kan han hmu ve ta ngawt mai te hi a lawmawm dan hi kan sawifiah zolo a. Zofate rohlu PL Liandinga hi lo dam zel teh se tiin mal ka'n sawm ngawt mai ang nge!
Comments
Post a Comment