Eden huan ata tawh Hmeichhia hi an pawimawhin an tello chuan mipa hi an awmtheilo a ni ngei ang-Pathian pawhin Adam-a kawppui awm mi atan khan mipa nilo in hmeichhia Evi a siam a nih kha! Han ngainepin han hnuaichhiah viau dawn mahila an tello chuan Mipa hi an awm thei hauh lo a. Hmeichhe tello chuan khawvel hi a awm theilo a. Pathian pawhin a fapa Lal Isua pianna tur khan Hmeichhia-Mari kha a zuk thlang tho a nih kha!
Engemaw ti zawng tak chuan an 'fair' em em a; State Bank ah te hian han kal ila Accountant te an lo ni a. Hming 'sign' ngaise an en chikin an khirkhiap em em a, a diklhlel deuh a nih chuan an 'sign' duh thak lo! An hnathawh a pawimawh viau phei chuan biak an huphurhawm em em a, an induh larh thin. Hmeichhia mai mai ti a han namnul ngawt kha an har em em a, an tang khawng tlat thin.
College-ah Lecturer te an han ni a, an khirhin an duh strict em em a. Zirlai naupangte entawn leh incheina over deuh te chu an tim zek a, an hlau thei hle. Khawtlang ah Hruaitu leh Hotu te an ni a, an rorel a firfiak in an lu an zo halh halh thin hle. Mipa rawlthar deuh te tan phei chuan biak an huphurhawm in an zahawm em em thin.
Chutih rual chiah chuan an fate leh an mahni hamțhatna tur ah chuan tlem diklo deuh pawh nise an ngaihsam leh em em lawi a. A titheitu chu mipa a nih ngat phei chuan thiam takin an han nawr heuh heuh a-Val hi Lengi tawn ah tui ang kan nem leh duai duai thin! Tuikhur leh Tui point ah te an chan ai midangin an lak an hmuh theih em em lai hian an mahni chanai tur chu a interest nen lam an rut fai hreh miahlo! Hmeiche fair leh fair hi an indawr hlei thei meuhlo!
An mahni hrethiam thei tu apiang mihring hi an ngaina a, chutih rual chuan an duh duh a an tihkawitheih mipa chu pasal an duh mang lo-a duh chhun pawhin an bawi bet nge nge thin! Heti teh nuai hian hriatthiam harsa mahse mipa te ta tur a lo piang hi an ni miau si a, en liam ve mai mai teh ang u. Mahse in enliam tir ve miiahloh tur-mipa chu!
Mipa te chuan hmangaih kan nei dawn anih chuan hmeichhia tho hi kan hmangaih tur te an nisi a. Khawnghe, dimdawi deuh in i han enkawl ila, an pawn deuh dawn ah induh leh seuh zel ila. 'Tichuan damchhung ni chu kan hmang zo ve thei mai awm e!!!!
Comments
Post a Comment