LAL ISUA KA NEIH PHAWT CHUAN KA RETHEI LO VE

Upa LH. Rohmingliana Pathian hla phuah ‘Lal Isua ka neih phawt chuan ka rethei lo ve’ tih hla hi tun hma in ka lo hre ngailo a; a phuahtu Upa LH. Rohmingliana pawh hi ka hre ngailo. Mahse he a hla phuah erawh hi chuan ka thlarau nun hi a chawm em em a; ka tan a dikzia hi ka hre nawn reng thin.

1. Lal Isua ka neih phawt chuan ka rethei lo ve,

    Ka mawmawh engkim a nei Lal Isua’n;

    Ni tinin Ama’n min pe ka mamawh tinreng,

    Engkimah ka tan rin tlak a ni si.

A va dik em! Sum leh pai neilo in, Wallet-ah ₹ 100/- chauh pawh ak thin mah ila Lal Isua chuan a hun tak ah ka mamawh chu min lo ngaihtuahsak leh a. Nitin in mualpho lo in ka mamawh diktak chu khawi emaw atangin min ngaihtuahsak zel a. Ka rin ngam phawt chuan ka tan hian a tlanchhe ngailo. Pheikhawk bun tur ka mawh lai takin M.Th zirlai 2 te chuan Pheikhawk leina daih chiah chiah ₹ 1400/- min pe! Lal Isua hi engkim ah ka tan rintlak a va ni chiang em!

 ** Lal Isua ka neih phawt chuan ka rethei lo ve,

    Englaipawhin Aman min awmpui si;

   Lal Isua ka neih phawt chuan ka rethei lo ve,

  Lal Isua ka tan engkim a ni.

Lal Isua ka neihloh chuan engmah ka nilo a. Amah aia dah pawimawh zawk leh ngaih ven zawk ka neih te chuan lungngaihna leh tahna ah min thlen a, ka lungngaiin engkim hi ka chan vek niin ka in hre thin. Mahse Lal Isua chauh ka neih erawh chuan ka tan engkim min pe a, ka tan a awm reng a, ka mamawh chhanna dik tak a ni.

 2. Lei hausakna sum leh pai leh ropuinate,

    Nei lovin retheiin lang mahila;

   Lal Isua ka neih phawt chuan ka rethei lo ve,

  Ka mamawh engkim a nei Lal Isua’n.

Hei pawh hi a va han dik teh lul em! Thla a thar in a hlui emaw pawh nise sum leh pai dawn tur kan nei hran lo. Ka hnen ah sum leh pai lo lut lo in rethei takin awm mahila Lal Isua hnen ah ka tawngtai a; Amah ka auh phawt chuan Pathian ram Ip a thawhtur sum chu khawia mi emaw min pe leh zel-ka mawmawh engkim a nei Lal Isua’n! Ka va vannei in ka va lawm em! Tumahin ka neihloh an hrelo a, ka mualpho ngailo-ka mamawh engkim neitu Lal Isua’n a hun takah min pek zel avang in.

3. Lal Isua ka neih phawt chuan ka rethei lo ve,

   Engkimah ka tan rintlak a ni si;

  Ka thlarau tan nunna ka taksa tan damna,

 Engkimah ka tan engkim a ni si.

Ni e, Amah ka neih phawt chuan ka rethei lo. Ka taksa mawmawh leh ka rilru natna zawng zawng te a hria a, ka nun a chauh a ka beidawn  em em lai pawhin a hnen a ka tawngtai chuan min lo chhang vat a, ka taksa leh rilru natna zawng zawng te min lak bo sak in thlamuangtak in ka awm theih phah a. Engkim ka mawmawh-dilna chang ka hriatloh te nen lam min pe in ka tan a engkim neitu-ka hausakna leh ka innghahna a va ni teh lul em!