Kan pian hma ațang a Pathian thu zirna hmun țha ber pawl Aizawl Theological College-ah 8 June 2016 khan Bachelor of Divinity (BD) zir turin Hostel ah ka han invawm lut ve ta rawih a nih kha.
Kan zirpui tur mi 25 te chu kim takin Pathian zarah Hostel kan lut kim thei a. Chhungkaw dinhmun in ang lo leh mize hrang hrang, hnam hrang hrang leh 'gender' hrang hrang te kan ni a. Chuti ang chuan BD ni turin Class khat ah kan inchhung khawm a.
Sapțawng leh Sap hla chu beng ah a ri zingin ka kâ ațang erawh chuan a chhuak tlem hle mai! Pawl 3 English Poem pawh by heart țha theilo leh Sap Sikul a kal chhuak velo kan nihna chu a lang chiang ta hle mai! Kan țhiante'n British leh American 'aw' phawi țalh in an duh duh an sawi a, Sapțawng a ngawihchawih a ngai hi mi țawngduh hian ka va inhmehlo tak!
'A Greek țawng chuan' ti a Pastor leh Theologian te'n an sawifo chu a Alphabet kan han zir a, a har nghal nak mai! Greek leh Greece hi History leh thawnthu lam ah bak ka hre tam lo a. EURO 2004 ah an Champion thu ka hria a, mifing tak tak leh Philosopher ropui tak tak te BC hun laiin an neih thu ka hre țhin.
Bible - Thuthlung Thar ziahna atan a an hman an țawng leh hawrrawp chu kan han zir dawn țan a, kan hriat lar em em Alpha leh Omega in kar ah chuan hawrrawp har pui pui leh ziah dan tur mak deuh deuh a awm ta nuk a. Alpha leh Omega bak ah Delta hi ka hre leh hlauh-Delta Force Games ațangin.
Theology lam te kan han zir dawn țan a. Engtak ang i maw? Ka zirpui tur țhiante nen kan awm khawm tel tel a, Senior leh kan aia zir sangte chu kan kawm ngam hrih meuhlo. Zah tak leh an thusawi awih taka nun chu kan tihtur hmasa ber a ni hrih.
Inhmuam up ka tum ve tawh teh lul nen ka mize diktak chu lo chhuak leh in fiamthu han thawh tam pawl ka ni leh a. Mahse hei hi ka hria-ka mizia hi a siamtu Pathian siam a ni a. A mi siam ang taka nun chhuah hi ka tihtur a ni. A mi siamloh ang a ngawichawi lem chan tum vel hi a dik lo😂😂😂😂 !
Heti mai hi ka ni, i theih tawp in min lo țawngțaipui ang che.
Comments
Post a Comment