ZADENG

Vawiin ni 30, January 2020 hi Pathian khawngaihnain ka pianchampha vawi 31-na a lo ni ve ta a; hei leh chen damna min petu Pathian hnenah lawmthu ka sawi mawlh mawlh a ni. Ka ṭhianṭha tak tak te’n ka pianchampha min lawmpuina chibai min buk a. Tin, Social Media –Facebook leh WhatsApp kaltlangin lawmpuina chibai min bûk bawk a; heng zawn g zawngah hian in chungah Pathian hmingin lawmthu ka sawi mawlh mawlh e. Kum 30 hun ka hman tawhah hian Pathian leh midangte tan thil ropui leh ṭha, malsawmna thlen thei thiltih pakhatmah ka neilo a. Chuti chung chuan Pathian khawngaihna leh duhsakna hi ka ṭhiante kaltlangin ka dawng nasa em em a; lawmthu sawi mailoh chu tih theih dang reng reng ka neilo. Tukin zing karah Hostel-a ka room ṭhenawm a BD 3rd Year zir mek Ruattluanga’n ( Van Lal Ruattluanga ) ka piancham min lawmpuina atan lehkhabu ṭha tak mai min pe a; a chungah ka lawm hle. Tin, kum 2017 a Presbytery ka kalpui Sawmtei BD 2nd Year ni mek leh Lalboih-a ( Lalboi Vaiphei ) BD 3rd Year ni me...

Kum 1902 khan Adelaide A. Pollard-i chu Africa ramah Missionary nitur a kal a duh a. Mahse Africa ram kal tur chuan pawisa a nei hauhlo mai a. Amah hi November ni 27, kum 1862 a Bloomfield, Davis County, Iowa, USA a piang a ni a. Hetih hun laia USA atanga Africa khawmualpui kal hautak tur zia chu kan chhut thiam awm e. Chutia beidawng taka a awm lai chuan tawngtaina inkhawmna hmun pakhatah kalin nu pakhat hian kan hmalam hun awm dan tur zawng zawng chu keini lo tihdanglam emaw lo siam chawp ve emaw theih a nilo a; kan nun dan tur leh kan hmalam hun chu Lalpa, i thu thu a ni ti a a tawngtai hi a hria a.   Chu thu chuan Pollard-i chu a khawih ta hle mai a. Tichuan Jeremia bung 18:3-6 thu kha ngaihtuah chhuakin a chhiar ta a.   Bel vawtu chuan a kut a hlum awm chu tha a tih ang ang a sawngbawlin bel siamna atan a hmang thin a. A bel siam lai chu a that loh chuan bel vawtu chuan a duh danin bel dang a siam leh mai thin a. Chuti ang chiah chuan Pathian chuan bel vawtu kuta h...

Princeton Theological Seminary, USA atang khuan kum 2019 khan American nula pahnih Bethany Douglas leh Jesicca Cronau   te hi kan College, Durtlangah an lo kal a. Thla thum dawn lai kan bulah hun hmangin Mizote bula awm kha nuam an ti ve em em thin a. Tumkhat chu chhun thingpui kan in laiin Bethany Douglas nen chuan kan titi a. Phur tak maiin an chhungkaw chanchin leh an eizawnna te kha min hrilh a. American ti takah a ‘frank’ khawp mai a, nula kum 31 a upa a nih tawh thu te kha min hrilh hmiah hmiah mai a. Nula senior a nih tawh kha zep emaw thup emaw a tum lemlo niin a lang. Kolasib Government College –ah hian English Lecturer pakhat, nula fel em em mai leh hmeltha ve tak, hleitling tak mai leh zahawm tak- Kohhran-ah pawh inhmang em em mai hi thian ka nei a. Amah chu nula senior ve lam a nih tawh avangin ka fiam fo thin a. Mi rilru zau tak mai a ni a, nula lerh lo leh an chhungkaw ngaipawimawh tak, Kolasib Cable Tv ah te pawh Chanchin Thar chhiar thin a ni a. Tumkhat chu n...

Central Kristian Thalai Pawl (CKTP) General Conference vawi 58-na, February 27-March 1, 2020- chhunga Serchhip a neih tura an theme song ‘Felna hriamhrei kan ni si’ tih hla Mizoram Synod Choir (2018-2020) te’n mawi tak maia an sak hi kan ngaithla fur tawh hlawm ang a. Hla thothang tha leh mi cho phur tak mai hla a ni a; Kings & Prophets kut chhuak niin Video hi Asanga Dosel kut chhuak niin minute 3 leh second 25 a sei a ni a. Mizoram Synod Choir te hian an sa nung nalh hle a nih kha.   He hla mawi leh ropui tak mai, thalaite min cho phur thei leh min fuihtu tha ni bawk phuahtu hi LP. Lalhlimpuia (LP. Mapuia)  niin Ramhlun North ah chengin nupui a nei tawh a, fa pathum an nei tawh bawk a. He la mawi leh ropui tak mai a phuah dan hi phone-ah ka va zawt a; phur takin min lo hrilh a- ka lawm hle. “He hla hi ‘Theme Song’ tur a nih angin ka huphurh ve khawp mai a. CKTP lama kan hotute’n kumin Conference-a kan thupui tur chu ‘Felna Hriamhrei’ tih Rom 6:13 be...

Kum 2008-a American Christian Drama Film 'Fireproof' hi Mizote hian kan en fur tawh ang a. Mizotawng pawhin Pachuau Pictures (LPS 11) te hian an letling a nih kha. He film hi nupa inkarah zirtir tha tak mai nei niin America ramah pawh beisei aia sang a film hlawhtling a ni a. Stephen Kendrick ziah niin  Best Feature Film award   dawng pha hial a ni a.    September 26, 2008 ah tichhuah a ni a; sum tamtak la lutin kum 2008 chhunga Kristian film/drama tichhuah hlawhtling ber a ni nghe nghe.  America ramah khuan nupa chungchang a buaina hi an harsatna lian ber a ni a. Nupa inthen an tamin chhungkaw kehchhia hi tam tak an awm a. Kristiante zingah pawh he harsatna hian bu a khuar nghet em em mai a. Chung nupa inkar harsatna chinfel dan film tha tak chu a nih vang te pawh a ni ang e - Fireproof hian hlawhtlinna nasa tak mai a chan.  He film -a a changtupa ber  Caleb-a (Kirk Cameron) hi Fire Department ah Captain niin nupui  Catherine Holt...

“Chutiang bawkin in eng chu mi mit hmuhin eng rawh se; chutichuan, in thiltih thatte an hmu ang a, in Pa vana mi an chawimawi thei ang.” – Matthaia 5:16. Pathian khawngaihnain kum thar, kum 2020 kan lo thleng leh ta a; kum thar chibai vek u le.  Kum hlui kal taah khan kan hunte kan duhthusam ang takin kan hmang zo thei kher lo mai thei. Mihring kan nih angin tlinglo leh sualin a luahkhah kan ni a. Chuvang chuan mi dangte pawisawi leh keimahni ngei pawh inchhir vawng vawng khawpa hun hman te pawh kum hlui lamah kan nei ang. Chung zawng zawngte chu kan siamtha thei tawhlo a; kum tharah erawh chuan kan tihsual te siam tha tur leh mi dangte tana malsawmna niturin kan inbuatsaih thei tih erawh hre rengin kum bul atanga tan la turin kan insawm nghal  a ni.  A chunga Pathian thu kan tarlan Chanchin Tha Matthaia ziak bung 5:16 thu khi kan hre vek awm e. Matthaia ziak bung 5 thu hrim hrim hi – Kristian nive lo te pawhin an chhiar nasat leh mihring te nun dan tur ...

Ira Forest Stanphill chu ni 14 February, kum 1914-ah khan Bellview, New Mexico-ah Andrew Crittenton Stanphill leh Maggie Flora Engler Stanphill te inkarah a lo piang a. An chhungkua-in  Coffeyville, Kansas -ah chengin kum 12 a upa a nihin High Sikul a zo a. Chillicothe (Missouri) Junior College atanga Graduate a zawh hnu lawk- kum 22 chauh a upa a nihin rawngbawl turin a inpe a.  Kum 1939, April ni 28-ah Southern Missouri District Council, Assemblies of God Kohhran chuan Pastor niturin a nemnghet a; a dam chhung hun hi rawngbawlnain a hmang zo a ni.  A dam chhung hian America leh khawvel ram hrang hrang 40 chuangah rawngbawlna a nei a; Pathian hla 500 chuang zet a phuah bawk a ni.  April ni 23, 1939 ah Zelma Lowson nupuiah neiin a nupui hi rimawi lam thiam tak niin piano a tum thiam em em a; fapa Ray-a neiin an chhungkua hian rawngbawlna/crusade te neiin an zinkual nasa em em thin a. Thusawi chauh niloin zai an thiam bawk a; chuti ang chuan Radio leh T...

Pathian khawngaihnain kum 2016 atangin Aizawl Theological College-ah Bachelor of Divinity (BD) hi ka zir ve tan a. Kan sikul kalchhuahna te-in a zir ve em em lo a; chuvangin saptawng hi ka thiamlo hle a- ka thiamlo hlen dawn ta bawk a ni. Tunah hian kum 2020 April thlaah kan zirzo tawh dawn a; he kum 4 chhung hian ka thiante hian tisa lam leh thlarau lamah nasa takin min tanpui a, an chungah ka lawmin Pathian hmingin lawmthu ka sawi tak meuh meuh a ni.  Mihring kan nih chhungin thian bik leh ngainat bik hi kan nei lo theilo a. Lal Isua meuh pawh kha mihring famkim a nih avangin khawvela a lo kal chhung khan Peter-a, Jakob-a leh Johan-a te kha a zirtir dangte ai khan a ngainat bik thu kha Chanchin Tha Matthaia ziak 17:1 ah khan kan hmu a. Chuvangin keipawhin Pathian thu ka zirchhunga ka nuna mi pawimawh bikte hi inthlahrung lutukloin ka sawi chhuak dawn a; mi dangte pawhin min hriatthiam ngei ka beisei.  1. Rev. Lalchawiliana Varte: Ani hi Cachar Hill Tribe (CHT) Syn...

Thang thar Mizo zaithiamte zingah Lancy Remlalhruaii hi tunge a nih tih inhrilh nawn kan ngai awmlo e.  He Serchhip nula aw ngaihno bei em em mai ziathiam zia hi Mizo mipuite pawhin kan hriat chian niin kan ngaihzawn rawn a ni pawh tiila thu kan uar lutuk awm lo e. Amah te reuh hi hmeichhe mize zawi awi reuh tak, 'cute' tak mai leh induhlo tak mai a ni a. Kum 2016 -ah khan Kawrthah-ah MZP in Assembly an neih tumin in pakhatah kan thleng ho a. Chuta tang chuan kan inhmelhriat chho ve a; biak a nuamin nula fel leh inngaitlawm tak leh Pathian tih mi tak a ni tih hi keima mimal pawhin ka hre chiang ve hle a ni.   Lancy-i hian kumin 2019 -ah hian a vawikhatna atan Krismas hla, VLF Ralte phuah ' Krismas Hlimten' tih chu ni 7 December 2019 khan a tichhuak a. He hla hi You Tube-ah entheihin a awm a;  chang thum leh thunawn nei hla niin minute 4 leh second 35 a sei niin Vintage Recording kut chhuak niin Music video hi Elisian Sailo kut hnu a ni a. A music video ...

Kristian Hla Bu kan hman mek a Krismas hla phuahtu la dam kan neih te zinga pakhat C. Lalkhawliana Krismas hla ‘Kum sul liam hnu kan nun ngaih lai tho leh thin’ tih hla hi Mizote zingah hian sa thiamlo kan awm awmlo e.   Krismas lo thlen apiangin Zofate hla sak zin pawl leh kan rilrem zawk taka Krismas min ngaihtuah tir theitu hla kan neih hlu ber pawl a mi a ni tih kan hre theuh awm e.   C. Lalkhawliana hi Mizote tan thu leh hla lamah mikhual a nilo a; hla chi hrang hrang 40 vel zet a phuah a; a ‘poetry’ phuah pakhat ‘Taitesena’ tih pawh kha kum 2009 velah khan BA Mizo Honors ah kan zir thin nghe nghe a nih kha. Amah hi kum 1937, July ni 4 –ah Reiek-ah lo piangin tunah hian Aizawl Chanmari-ah a cheng mek a. Pathian zara hriselna tha tak nei zel tur leh min dam pui zel turin duhsakna sang ber kan hlan a ni. ‘Kum sul liam hnu kan nun ngaih lai tho leh thin’ tih hla, Kristian Hla Bu no-121 a awm hi Krismas hun hlut zia leh hunpui pawimawh; kan nun hlui leh kan vanglai...

Khawvela Krismas hla lar ber hi eng nge ni ang tiin inzawt ta ila; rei ngaihtuah buai ngai loin ‘Khawvel lawm nan a lo kal a’ (Joy to the World) tih hla Isaac Watts-a a phuah hi a ni ngei ang. He hla hi khawvelah sa thiamlo kan awmin a rinawmloh a; keini Mizo te pawhin –naupang atanga puitling thlengin kan sa thiam vek awm e. He Krismas hla ropui tak mai hi Isaac Watts leh Lowell Manson te vanga lo piang chhuak a ni a. Kum 1719 ah khan he hla phuahtu Isaac Watts hi Abney Estate, London-a thingkung pakhat hnuaia a thut lain Sam 98 –na thu behchhanin khawvela Krismas hla ropui ber pawl ‘Khawvel lawm nan a lo kal a’ (Joy to the world) tih hi a phuah a. Chutih lai chuan Isaac Watts hi tleirawl a la ni a, a hla phuah chu Biak In a han sak a tan chuan an iai deuh a. A pa chuan fuihin chu aia tha zawk a phuah tha turin a fuih a. Isacc Watts chuan a pa thu zawmin kum hnih hnuah chuan kar tin hla a phuah thei ta hial a, khawvel pumah a hla phuah te chu mi ngainat rawn a lo nita a ni. ...

Ni 2, November 2019 tlai lam dar 5:00pm khan One in Christ te chuan Krismas Music Video ‘Lawmna Ropui’ tih hla chu an tichhuak a. He hla hi The Happy Goodman ho hla ‘Unspeakable Joy’ tih Alvin Lalruatfela’n a lehlin a ni a; Hebron Pictures kutchhuak niin a music video hi You Tube lamah en theihin a awmin a fiah fai tha hle bawk. https://www.youtube.com/watch?v=nluy4TjVzcc   He hla hi minute 2 leh second 36 a sei a niin chang 2 a sei, thunawn nei hla a ni a. He hla chang hnih lekah hian Pathian hmangaihna leh A thutiam ropui ber – keini mihring te chhandama kan awm theihna tura Pathian fapa mal neih chhun Lal Isua Krista chu Mari fa niturin a lo pian thu leh chu nausen lo piang chuan lawmna leh hlimna ropui tak a lo thlen a. Van Angel rualte pawhin lawm taka hla sa in Lal Isua lo piang chu an lawm a.   A ni chuan Eden huana sual vanga chatuana kan thihna tur chu a hneh thu leh chatuan nunna kan neih thu he hlaah hian chiang takin a lang a. Chuti ang taka thilt...