Skip to main content

Khawvel lawm nan a lo kal a


Khawvela Krismas hla lar ber hi eng nge ni ang tiin inzawt ta ila; rei ngaihtuah buai ngai loin ‘Khawvel lawm nan a lo kal a’ (Joy to the World) tih hla Isaac Watts-a a phuah hi a ni ngei ang. He hla hi khawvelah sa thiamlo kan awmin a rinawmloh a; keini Mizo te pawhin –naupang atanga puitling thlengin kan sa thiam vek awm e.

He Krismas hla ropui tak mai hi Isaac Watts leh Lowell Manson te vanga lo piang chhuak a ni a. Kum 1719 ah khan he hla phuahtu Isaac Watts hi Abney Estate, London-a thingkung pakhat hnuaia a thut lain Sam 98 –na thu behchhanin khawvela Krismas hla ropui ber pawl ‘Khawvel lawm nan a lo kal a’ (Joy to the world) tih hi a phuah a. Chutih lai chuan Isaac Watts hi tleirawl a la ni a, a hla phuah chu Biak In a han sak a tan chuan an iai deuh a. A pa chuan fuihin chu aia tha zawk a phuah tha turin a fuih a. Isacc Watts chuan a pa thu zawmin kum hnih hnuah chuan kar tin hla a phuah thei ta hial a, khawvel pumah a hla phuah te chu mi ngainat rawn a lo nita a ni.

Tichuan kum za dawn a vei hnuah Boston a Music zirtirtu Lowell Manson chuan Isaac Watts hla phuah te chu lakhawmin a buin a chhuah a. Tichuan khawvel pumah he hla kan sawi mek ‘Khawvel lawm nan a lo kal a’ (Joy to the World) tih pawh hi a lo lar chhuak ta a; a thluk pawh hi Lowell Manson a siam a ni nghe nghe. Mizo tawngin Rev. Khawnghinga’n (L) min lehlin sak a, Kristian Hla Bu no 79 –naah awmin Krismas lo thlen a piangin khawvel leh Mizote pawhin kan hla sak zin ber pawl a lo nita a ni.

Image result for joy to the world song history

He hlaa kan hmuh ang hian Lal Isua Krista chu khawvelah keini mihring; sual a tlu leh chatuana boral mai tur chu Pathian a nihna leh a ropuina zawng zawngte hlip thlain; mahni leh mahni intitlawmin mihring lo piangin kan tan chatuan chhandamna hna thawk turin (Kenotic Mission) a lo kal a. Chuti ang taka Lal ropui- keini tana lo kal chu Lei hian lo lawm a phu a; kan thinlungah hmun kianin Amah fakin lei leh van hi hlim taka zai turin min sawm a nih kha.

Khawvelin remna leh muanna, lawmna a neih theih naturin Lal Isua chuan ro a rel a. Chuti ang taka Lal ropui – khawvel leh mi zawng zawng chhandamna (Holistic Mission ) tura lo kal a chu mihringte chauh nilo – thilsiam dang zawng zawng zawng te pawh hian nasa taka fak tur leh lawmthu sawi a zai mawlh mawlh turin min sawm a ni.

Mi zawng zawng – mi sual leh mi tha, mi ngo leh mi dum, hnam chitin rengte pawh ang khata enin; khawngaihna leh thutak a khatin kan tan ro a rel a. Kan tan a theihna zawng zawng hlan zoin keini hnam chi hrang hrang te pawhin chu chhandamna kan lo chan phah a. Tumah thleihbik leh tihbik neilo a hmangaihna nena kan tana roreltu - min chhandamtu Lal Isua hmangaihna thuk leh ropui chu a makin a hlu lutuk a,  mak tiin kan sawi fiah zolo a ni.

Chuvang chuan nang leh kei hian Lal Isua kan tana lo piang hi hlim leh lawm taka fak mawlh mawlh mai tur kan nih zia hi hre nawnin Krismas hlim taka hmang turin inbuatsaih ang aw?

Khawvel lawm nan alo kal a
Khawvel lawm nan alo kal a
Leiin a lal lawm se;
Thinlung tinin hmun lo kian se,
Lei leh van zai rawh se (2)
Van leh khawvelte zai rawh se.

Khawvel lawm nan ro a rel a,
Miten zaiin fak se;
Tlang leh phai leh luite pawhin,
An lawm hla nawn rawh se (2)
Nawn rawh se, an lawm hla chu.

Khawngaih leh thutakin ro a rel,
Hnamte an lo ding chhuak;
A felna ropui tak mai chu,
A hmangaihna hlu chu (2)
Mak an ti, a hmangaihna chu.

Comments

Post a Comment

Popular posts from this blog

Lal Isua Hmangaihna

Ramhlun North Pastor Bial Zaipawl in kum 2013 a an sak Lal Isua hmangaihna tih hla, T. Laldintluanga phuah hi tun lai ah hrelo kan vang hle awm e. He hla hi Zaithiam hrang hrang te pawhin an sa a. Lal Isua hmangaihna hi kan tan a tawkin engkima engkimah a rintlak zia puanchhuahna ropui tak a ni tih kan hre awm e.     He hla phuahtu T. Laldintluanga, Ramhlun North hi tunah hian Synod Choir (2018-2020) Conductor ni mek a ni a. He hla a phuah dan chanchin hi ka va zawt a, PDF in min lo pe thlap a, a chung ah ka lawm hle.  “He hla hi kum 2013 a ka phuah a ni a, heng hunlai hian a bikin thalaite ah mahni intihlum te, ruihhlo avanga thihna te, thih thut thutna ang chi kha a tam em em a, ka phak tawkin ka vei ve hle a ni. Chung ka thalai pui sual in a tihbuai mek, mahni intihhlum duhna hial nei, nun beidawnga tap mek te pawh chu Lal Isua hmangaihna hian a nghak reng ni hian ka hria a. Emau kawnga khualzin pahnih ten an khawhar hnem tura Lal Isua an sawm khan an va hlawhchham lo
Post a Comment
Read more

BEISEINA NUNG

I Petera 1:3-9 A chunga kan tarlan Bible châng innghahna hi Petera te hun laia Asia Minor-a Kohhran țhang chak em em mai te chungchang lehkha a thawn ațangin a ni a. Helai 1:3-9 ah hian Pathian khawngaihnain Lal Isua tiha thawhnlehna hian beiseina nung min neih tir thu leh chu Lal Isua thiha thawhlehna chu kan chhandamna-chatuan nunna kan neih theihna tur a nih thu Petera hian min hrilh a. Beiseina hi keini ringtute chauh ni lo mi zawng zawng hian kan neih hi a pawimawh em em a. Beiseina hi mi rethei te chaw an ti hial țhin a ni. Miin beiseina a neih tawh loh chuan nun hlutna hi a hre tawh țhin lo a. Mi lar, zaithiam, Celeb etc pawh nise amah ah beiseina a awm loh chuan mahni intihhlum mai hi a thlang țhin. Hmanni lawk ah Linkin Park band-a an Vocalist Chester Bennington-a pawh inawkhluma an hmuh kha! Khang te kha a larin khawvelin an hriat nen-beiseina a neih tawh loh vang a ni ngei ang- a nunna kha amahin a inlak hial ni! Chuvangin beiseina neih pawimawh zia hi kan sawi
7 comments
Read more

Phurrit a bo ta Kalvariah

Rev. John M. Moore a chu Kirkintilloch, Dunbartonshire, Scotland ah September 1, kum 1925 khan a lo piangin Pathian tihmi tak chhungkua atanga lo seilianin kum 16 a upa a nihin a paingthar a.    Glasgow, Scotland ah rawngbawlna/ministry zirin chu   lai vel kohhranah chuan rawng a bawl thin a. North America lamah a pem hmain nupui Esther Marr neiin Ontario, Canada-ah Baptist Pastor leh thurihtu ropui tak a ni a, November 2, kum 2017 khan a boral a. Rev. Moore hi Pathian hla phuah thiam tak mai a ni a, hla 150 chuang zet phuahin chung zingah chuan Mizote pawhin kan hriat lar em em ‘Phurrit a bo ta Kalvariah’(Burdens Are Lifted at Calvary) tih kum 1952 a a phuah hi khawvel deng chhuak khawpa a sulhnu a ni. He hla hi Mizo tawngin Rev. Lalrinmawia chuan mawi tak maiin min lehlin sakin tun hnaiah One in Christ te chuan mawi tak maiin an sa a nih kha. He a hla phuah mawi tak mai leh ringtute tana innghahna tlak Lal Isua a nih zia heti hian Rev. Moore chuan a sawi a- “Glas
3 comments
Read more