Skip to main content

Krismas Hlimten

Thang thar Mizo zaithiamte zingah Lancy Remlalhruaii hi tunge a nih tih inhrilh nawn kan ngai awmlo e.  He Serchhip nula aw ngaihno bei em em mai ziathiam zia hi Mizo mipuite pawhin kan hriat chian niin kan ngaihzawn rawn a ni pawh tiila thu kan uar lutuk awm lo e.

Amah te reuh hi hmeichhe mize zawi awi reuh tak, 'cute' tak mai leh induhlo tak mai a ni a. Kum 2016 -ah khan Kawrthah-ah MZP in Assembly an neih tumin in pakhatah kan thleng ho a. Chuta tang chuan kan inhmelhriat chho ve a; biak a nuamin nula fel leh inngaitlawm tak leh Pathian tih mi tak a ni tih hi keima mimal pawhin ka hre chiang ve hle a ni.  


Lancy-i hian kumin 2019 -ah hian a vawikhatna atan Krismas hla, VLF Ralte phuah 'Krismas Hlimten' tih chu ni 7 December 2019 khan a tichhuak a. He hla hi You Tube-ah entheihin a awm a;  chang thum leh thunawn nei hla niin minute 4 leh second 35 a sei niin Vintage Recording kut chhuak niin Music video hi Elisian Sailo kut hnu a ni a. A music video a fiah fel faiin a 'simple' a; Lancy-a aw tham no mawi tak nen a inchawihin en a man hla hle. 

He hlaah hian Thlasik boruak zan boruak vawt thiang tak mai hnuaia Krismas lo thleng tur chu urlawk paha thiante ho nen hlim taka han zai a chakawm zia he hla phuahtu hian min hrilh a. Krismas hun hlimawm tak chu mahni khawlamah chhungte nen a hman kan duh thin avangin kan thiante nen tlang hrang hrangah kan in lam panin kan han haw darh sang sang a. Chuvang chuan he Krismas hun hlimawm tak mai hmangtu- tlang hrang hrang a kan chhungkhat te leh kan thiante chu an ngaihawmin hlim leh lawm taka Krismas lo hmang tuirn he hla phuahtu hian duhskna a hlan a. Khuanu malsawmna changin dam tak a inhmuh khawm a; hlim leh lawm taka hun hmang ho leh turin leh Krismas hlim tak a hmang turin min chah mawlh mawlh a ni.

He hla lo ngaithlatu zawng zawngte Krismas hlimtakin le...

Krismas Hlimten
Phuahtu:VLF Ralte
Satu: Lancy Remlalhruaii

Sikni eng mawi a lo her chhuak a
Zan dai fim leh thlasik boruak thiang karah 
Lenrual lungduh zawngte nen 
Zai tin vawr a len ka nuam e.

Aw ka ngai rual duh zawng te
Tuanna tlang a dang zo ta
Mahni run ngeiah Kirsmas hmang turin
Lam tluang chhuiin k/an liam si

He ni ropui a lo thlen  hianin
Tlang tin mual tin a leng chhungkat unau te
Ngaih a zual thinlaiah an cham e
Krismas hlimte'n lo hmang r'u aw

Hun leh ni lo her liam zelin
Khuanu zarah damte'n tawn leh ni zawng 
A lo la herchhuak ve leh ngei ang
Khuanu malsawmin lo dam r'u aw

Krismas hlimten lo hmang ru aw

Comments

Post a Comment

Popular posts from this blog

Lal Isua Hmangaihna

Ramhlun North Pastor Bial Zaipawl in kum 2013 a an sak Lal Isua hmangaihna tih hla, T. Laldintluanga phuah hi tun lai ah hrelo kan vang hle awm e. He hla hi Zaithiam hrang hrang te pawhin an sa a. Lal Isua hmangaihna hi kan tan a tawkin engkima engkimah a rintlak zia puanchhuahna ropui tak a ni tih kan hre awm e.     He hla phuahtu T. Laldintluanga, Ramhlun North hi tunah hian Synod Choir (2018-2020) Conductor ni mek a ni a. He hla a phuah dan chanchin hi ka va zawt a, PDF in min lo pe thlap a, a chung ah ka lawm hle.  “He hla hi kum 2013 a ka phuah a ni a, heng hunlai hian a bikin thalaite ah mahni intihlum te, ruihhlo avanga thihna te, thih thut thutna ang chi kha a tam em em a, ka phak tawkin ka vei ve hle a ni. Chung ka thalai pui sual in a tihbuai mek, mahni intihhlum duhna hial nei, nun beidawnga tap mek te pawh chu Lal Isua hmangaihna hian a nghak reng ni hian ka hria a. Emau kawnga khualzin pahnih ten an khawhar hnem tura Lal Isua an sawm khan an va hlawhchham lo
Post a Comment
Read more

BEISEINA NUNG

I Petera 1:3-9 A chunga kan tarlan Bible châng innghahna hi Petera te hun laia Asia Minor-a Kohhran țhang chak em em mai te chungchang lehkha a thawn ațangin a ni a. Helai 1:3-9 ah hian Pathian khawngaihnain Lal Isua tiha thawhnlehna hian beiseina nung min neih tir thu leh chu Lal Isua thiha thawhlehna chu kan chhandamna-chatuan nunna kan neih theihna tur a nih thu Petera hian min hrilh a. Beiseina hi keini ringtute chauh ni lo mi zawng zawng hian kan neih hi a pawimawh em em a. Beiseina hi mi rethei te chaw an ti hial țhin a ni. Miin beiseina a neih tawh loh chuan nun hlutna hi a hre tawh țhin lo a. Mi lar, zaithiam, Celeb etc pawh nise amah ah beiseina a awm loh chuan mahni intihhlum mai hi a thlang țhin. Hmanni lawk ah Linkin Park band-a an Vocalist Chester Bennington-a pawh inawkhluma an hmuh kha! Khang te kha a larin khawvelin an hriat nen-beiseina a neih tawh loh vang a ni ngei ang- a nunna kha amahin a inlak hial ni! Chuvangin beiseina neih pawimawh zia hi kan sawi
7 comments
Read more

Phurrit a bo ta Kalvariah

Rev. John M. Moore a chu Kirkintilloch, Dunbartonshire, Scotland ah September 1, kum 1925 khan a lo piangin Pathian tihmi tak chhungkua atanga lo seilianin kum 16 a upa a nihin a paingthar a.    Glasgow, Scotland ah rawngbawlna/ministry zirin chu   lai vel kohhranah chuan rawng a bawl thin a. North America lamah a pem hmain nupui Esther Marr neiin Ontario, Canada-ah Baptist Pastor leh thurihtu ropui tak a ni a, November 2, kum 2017 khan a boral a. Rev. Moore hi Pathian hla phuah thiam tak mai a ni a, hla 150 chuang zet phuahin chung zingah chuan Mizote pawhin kan hriat lar em em ‘Phurrit a bo ta Kalvariah’(Burdens Are Lifted at Calvary) tih kum 1952 a a phuah hi khawvel deng chhuak khawpa a sulhnu a ni. He hla hi Mizo tawngin Rev. Lalrinmawia chuan mawi tak maiin min lehlin sakin tun hnaiah One in Christ te chuan mawi tak maiin an sa a nih kha. He a hla phuah mawi tak mai leh ringtute tana innghahna tlak Lal Isua a nih zia heti hian Rev. Moore chuan a sawi a- “Glas
3 comments
Read more