ZADENG

Kum 2009 a BA ka'n kal thut kha chu, thawmhnaw lam ah khan ka va han pachhe ve tak e aw! Uniform kan hak lai kha chuan kan pawisa neih tur zat hi tuman min hriatsak ngailo kha a nia, College kan kal chiah chu, kan thawmhnaw ațang khan ₹50/- kan aklo tih kha a lang chiang khawp mai! Thawhmnaw țha mumal kha kan lo nei mai silo, Sunday Kamis-ka neih țhat ber pawl nen te khan class ka'n kal ta a nih kha-ka smart mah mah!! Sunday Dress-kamis ban tlawn nen a kal reng chi a ni silo a. T-shirt hak tur mumal ka neilo nen-₹99/- dawr a mi a pâwl kha ka lei a, ka han ha ve a, mahse thla hnih ah chuan a nghawng a var vek! Kawr lam kha chu ka buai lo a kekawr zawk kha a ni buaithlak ta em em chu. Jeans ₹850/-  man kha 2008 Krismas dawn ah ka pute a'n min leisak a, chu chauh chu hak tur ka nei a. 1st Year BA ka kal chhung khan ka ha ta a-ka va han zak ve țhin tak! Bethsy-i te nen khan kan in classmate țhin a, zaithiam ka tih zia kha hrilh duh mah ila ka ngam lo- a fan a...

Kum 2007 a pawl 11 ka zir kum atang in Football en hi ka tui chilh ve chauh a. Ka pute a fapa hian Arsenal a tan avangin ka tan ve ta nghal ngawt a. Tin, Henry kha a lar ve bawk nen, Henry vang chuan kan tan ve a. Mahse Henry inkhel pawh chu ka hmu hman mang lo a, Barcelona Fc lam ah min liamsan ta daih a nih kha!  Ka classmate Lunglei Salem veng tleitiri chuan Manchester United a tan a. Tin, Tim Cahill, Everton player kha a 'star' thin thu min hrilh thin. Vawikhat chu class kan bang hma a, kan thiannu te in College Veng ah kan leng a. Kan titi na lamah Football sawi kaiin, Arensal chu an champion dawn loh thu leh Manchester United chu an champion dawn thu ka thiannu chuan a rawn sawi pang pang a. Kei Arsenal Fan ruhkawl chuan kan champion dawn thu in ka chhang let nghal a. A ni chuan Arsenal- Sa rep ho in champ' lo ang -tiin min tham lo leh hle a. Khatih laia Arsenal player ho kha sarep ang maia dum- Eboue, Diaby, Adebayor etc vel kha an ni lah tak a! Fiamthu ti...

KHAWVEL CHEN DAN THA     -Rinfela Zadeng G. Udayagiri, Odisha  (Zobawk Vengthlang Branch) Thuhriltu 11:9,10:-   “ Thalaite u, in that lai chen ula, in la naupan viau lai hian hlim rawh u; in thinlung duh zawng chu zawm ula, in mitin a hmuh chak zawng nen chuan; amaherawhchu, chungah chuan Pathian in ro a rel dawn tih hre reng ang che u” T HALAITE KHAWVEL Khawvel hmasawnna leh changkanna lo thang zel hi nuamti tak leh hlima tak a chen a, a nawmna tak tak pawh pha tu chu kum upa lam tawh te nilo in keini thalaite hi kan ni tih kan hre theuh awm e. Keini Kristian Thalaite pawh hi khawvel chen tur kan ni a, kan chen pawh Pathian in a phal a ni tih Thuhriltu 11:9,11 ah chiang takin kan hmu a. Mahse, Pathian in kan chungah ro a rel dawn tih kan hriat reng erawh a ngai. Kan thalaipui khawvel nawmchen na in a hruai mek te hi engtin nge kan chhanchhuah ang? Kristian Thalaite’n khawvel kan chen dan tur chu enge nita ang?  LAL ISUA TELLO IN ...

KRISTA TANA DANGLAM NGAM 31th July 2015 Changtute:  1) Muanpuii: KTP Nula fel 2) Zuali: Nula khawlaimi 3) Ruata: Tlangval hawklak, Zuali bialpa 4) Ngura: JE, Office kal peihlo 5) Pu Vena & Pi Mami: Zuali nu leh pa I (Muanpuii chuan an in ah hmun a lo phiat a, chutih lai chuan Zuali a lo lut a) Zuali (Z): Muanpui, kha i awm maw ? Muanpuii (MP): Aw awm e..(Jeans ha in Zuali a lo lut a)..awi thiannu Zuali chu..kan va in hmu khat ve.... Z: Awi..Mp..kan inhmukhat tiraw? Kan dinhmun a inang tawhlo lutuk a...nang chu i KTP ropui si a..keini ve kan fawr nasa lutuk a..nizan kan news i lo hria em? MP: Awi..thiannu Zuali thin hi a..kan in ang reng a alwm...hre nang..engnge nizan in news? Z: Awi..ka zak lutuk..i chhungte an awm em?(an pahnih in chair ah an thu dun a) MP: Aih..hna thawkin an chhuak a.... Z: A that hlauh chu..en teh ni zan chu kan thiannu Mawitei B’Day kan lawm a..Ruata nen kan kal dun a..a senchi kan inhnem deuh a..ka ...

FACEBOOK LEH KTP  -Rinfela Zadeng  Zobawk Vengthlang Branch  II Timothea 4: 5 - Nang erawh chu engkimah fimkhur la, hreawm tuar la, Chanchin Tha hriltu lam hna thawk la, i rawngbawlna kha hlen rawh.  Facebook khawvel  Kristian Thalai Pawl zingah hian Facebook(FB)  hrelo leh hmang ngailo hi kan tam a rinawmloh a, chuvangin sawifiah kual lo mai ila. Tuna kan kh awvel hman hman mek, a bikin thalaite`n hun kan khawhralna tam ber chu FB hi a ni tiila kan tisual tam awm lo e. Rawngbawlna, Chanchin Thar leh thu leh hla inthawn nan te kan hmang a, a tangkai zawnga kan hman chuan tun lai khawvelah chuan thil hlu leh tangkaiber pawl a ni tih kan hre theuh awm e. Keini KTP te hian engtin nge FB kan hman ve thin? Hnathawhloh phah nan leh zing thawh tlai phan nan kan hmang thin em?  Eng nge ka Like thin?  Ka Home ah ka lut a, Notification tam tak ka neih te ka`n en thla dan dan a, milem leh tlalak, thu leh hla te ka hmu a, ch...

I DAM TAWH E  (Fam Tv. R. Lalrintluanga, Executive Committee Member, Literature Sub-Committee, Group YMA Zobawk pualin)  -Rinfela Zadeng  Eng vang nge?  Mihring kan lo pian chhuah hian kan hmalam huna kan thil tawn tur zawng zawng te hi-chiang sa leh kan chanvo ni ngei gei tur hi pakhatmah a awm lo a, kan thawhrimna leh kan taihmakna avangin nihna leh  chanvo ropui tak tak te chu kan hlawh chhuak thei. Kan duhloh ber leh kan pumpelh theih hauh loh, mihring kan nih chhunga kan paltlang ngei ngei tur chu-Thihna hi ani. He thihna hian kan chungah ro a rel tawh chuan, hriatthiam a har a, puhmawh tur leh chhuanlam tur kan zawng fo thin. Siamtu Pathian hnenah ‘Eng vang nge?’ tiin zawhna kan zawt a, kan hrethiamlo a, kan tap lo theilo thin.  Nang Pawh  Nang ngei paw`n hmachhawp tamtak I la nei a, khawtlang leh kohhran-ah rawngbawlna tur tamtak I la neih mek laiin min kalsan ta mai si a. Keini hi I tello a awm thei tawh tur ah min ...

THIANTE  -Rinfela Zadeng  *** An hmeltha emaw mi ngo an ni emaw, kawr nalhlo tak tak an ha thin emaw, kan mangan lai ber leh kan unau pianpui ni reng thin, min phatsan ngailo tu, min hmangaih reng thin tu, thilthlawnpek kan dawn hlu ber chu-Thiante...  NGAIHZAWNGTE  Kan rilru chhungril ber tha kan tih em em, zan mut hmun a kan ngaihtuah zui vawng vawng , mumangah hmu ila kan tih em em mahse kan hmuh theih siloh hun te a lo thleng a, a buaithlak thin ngawt mai.  Zan dar 6:30 a lo ri a, kan lo duh ruk ve ngawih ngawih te In a len ve ngei kan duh. Thiante kan han sawm a, lut hmasa zawk tur a reife kan han inhnawn hnu-ah thiante nge nge chuan a changtupa chan zawk min han pe a, kan tan zah leh mualpho huamin kan `duh-i’ te kawngkhar min kik sak ta kauh kauh thin..thiante hlut zia hi aw..  SUM LEH PAI  College kan kal a Bus kan chuan te hian chhungte`n bus fare daih pawisa min han pe a. Kan chhungte hian an ‘economy’ vang ai mah...

THALAITE LEH KAN HMALAM HUN    ~Rinfela Zadeng   *** Tun atanga kum 5 lo awm leh tur ah hian eng nge kan nih ang? Ropuina, zahawmna leh hlawhtlinna te hi khawiah nge a awm a, tute ta tur nge?  Facebook leh  ‘Survival of the Fittest’  (A ruh no no chhuak ah) khawvel a kan chen mek lai hian, mi ang nive tur hian nang leh kei hian eng nge kan lo tih ve thin? Kan bula mite`n chak tka hma an sawn lai hian kan dinhmun hi kan bihchian a, kan inenfiah fo a tul awm e.  Eng nge ka tih dawn?  Zirlai kan ni emaw, zirna chawlhsan tawh emaw pawh kan ni thei. Engpawhchu lo ni ila , ‘Eng nge ka tih dawn?’ -tih chhanna mumal taka kan pek hian kan hmalam hun thui tak a hril a ni tih kan hre theuh awm e. Tihtur hriatloh leh tihtur neihloh tluka retheihna awlsam hi khawvelah a awm lo tih kan hria. Kan mimal nun, kan khawtlang leh kohhran thleng in, tihtur hrelo leh tihtur neilo te hian min tithuanawp a, beisei an tibo thin....

ANNI LEH KEINI                 -Rinfela Zadêng G. Udayagiri, Kandhamal  ** Kan pian hmain kan kum aia tam fe hmun danga awm an awm teuh a, kei zawng " Thil kan hmuh leh hriatte hi sawi lovin kan awm thei lo" (Tirh 4:20)**   Rêl  :  Rêl ah a man tlâwmber chi ' Sleeper Class' ah kan chuang a, thutna changlo tamtak an awm a, Mizo taka thutna inken a awm  lo a, inpawh tlâng taka han titî tumah an awm lo.Kan chhukna tur kan hre lo a. Kan thutna pindan a thu ve, kan chhukna a chhuk ve tûr tho chuan,  "Chhuk a hun dawn e"  tih min hrilh miah lo in a tho nulh a, min chhuk san hmak a. Kan chhukna tûr hmun kan thleng tih kan hriat meuh chuan Rêl a lo tlan tan leh tawh a, Rêl tlân laiin kan zuangthlâ ta a nih kha! Heta tanga ka hriat chhuah tâk chu:  Induhsak, inpawh, intanpuitawn lo hlut zia hi a ni. Hawh u, Mizo te hian midang tanpui i uar sauh sauh ang u. Zirla...

                                  I   Ni e..kan têt lai te chuan zirtâwp zan ah Star  Movies a Friday Fury a chhuah kan nghakhlel a,  Krismas kha kan nghak fan fan-thawmhnaw thar  kan neih dawn a vangin!                                    II  Kan lerh vang nilo in Siamtu min siam dan reng a  nih vang zawkin 'Star' te kan nei chho a, an aw mawi tak te kan beng ah a châm a. Khawilai ah inhmu ila-kan han lái ta tlat țhin a! Zan mut hmun ah kan suangtuah leh vang vang si!                                  III Zing a lo ni a, hlo thlo turin kan han feh a, nang chu in lam ah hna i lo thawk a, enge i tih ang nga tunge i lo ngaihtuah mêk ang tihngawt ngaihtuah in hlo thlaw...

Kum 2001 a pawl sarih ka zir lai  kha, ka ngaihtuah lêt leh hian a  hahthlak ka tiin ka nuih a za a, ka  zak nawn fo țhin!  Chhungte’n pawl nga kan zir lai  ațangin, hmalam hun hisap ran in  uniform kha lian hek hawk, pawl 7  kan nih theng a daih tur min țhui sak  a, hmalam hun an thlîr thiam vang  nilo in retheihna vang zawk in  uniform kum thum daih tur min  leisak a nih chu! Naupang nungchang țha leh țuan  fum tak nilo ta nafam chuan kan  uniform chu kan tâl chulin kan ha  phuai hle a. A mawng leh a khûp te  chu a bel tlul ta mai!  Chuti ang chuan kum 3 kan han ha , kum thum na, pawl 7 ka zir kum ah  chuan a mawng chu a țet ta tlat  mai! Pawl 5 ah khan ka star ruk deuh mai a awm leh nghal a, ka rilru  a va hah em! Ka chhungte hnen ațangin form  kekawr thar chu beisei chi a nilo a,  engtin nge ni ang? Ka pa ka hrilh a,  a țhuina lang theilo tur berin min...