KRISTA TANA DANGLAM NGAM
31th July 2015
Changtute:
1) Muanpuii: KTP Nula fel
2) Zuali: Nula khawlaimi
3) Ruata: Tlangval hawklak, Zuali bialpa
4) Ngura: JE, Office kal peihlo
5) Pu Vena & Pi Mami: Zuali nu leh pa
I
(Muanpuii chuan an in ah hmun a lo phiat a, chutih lai chuan Zuali a lo lut a)
Zuali (Z): Muanpui, kha i awm maw ?
Muanpuii (MP): Aw awm e..(Jeans ha in Zuali a lo lut a)..awi thiannu Zuali chu..kan va in hmu
khat ve....
Z: Awi..Mp..kan inhmukhat tiraw? Kan dinhmun a inang tawhlo lutuk a...nang chu i KTP
ropui si a..keini ve kan fawr nasa lutuk a..nizan kan news i lo hria em?
MP: Awi..thiannu Zuali thin hi a..kan in ang reng a alwm...hre nang..engnge nizan in news?
Z: Awi..ka zak lutuk..i chhungte an awm em?(an pahnih in chair ah an thu dun a)
MP: Aih..hna thawkin an chhuak a....
Z: A that hlauh chu..en teh ni zan chu kan thiannu Mawitei B’Day kan lawm a..Ruata nen kan
kal dun a..a senchi kan inhnem deuh a..ka chatthla a..ka pa te’n min lo lam a...
MP: Aw..a nih tak chu aw...a va pawi thin tak em!
Z: Nia..en teh ka beidawng tawh..ka zak bawk si..ka nun hi ka ning..ka pa te’n khawiah mah ka
chhuah an phallo a..in in ah chiah lo kal an phal a..awi..i nun hi ka awt bik e..
MP: E khai..thian Zual..beidawng mai love..a la tlai lo a nia..i nun siamtha turin i la tlai reng reng
loa nia....tun hma pawhin nula fel tak i ni thin a..bialpa ruihhlo ti thin i neih avang hian i nun a chhe
hlek chuah a nia..insiamtha thei la ka ti ngawt mai!
Z: Nia tiraw? A chang hi chuan ka beidawng lutuk a..intihhlum hial te ka duh thin a sin. (A
hmai a hup a)
MP: (Kuahpah in) Zuali, beidawng reng reng suh..Lal Isua hi i bul ah a wm reng a nia..e takin..zanin
ah KTP inkhawm ah kumpuan ‘KRISTA TANA DANGLAM NGAM’ tih kan Pastor-i’n min zirtir
dawn a..inkhawm ang hmiang..
Z: Awi..ka chak khawp mai..mahse ka zak deuh..bakah ka chhungte’n zan chhuah an phal
tawh dawnlo hrim hrim..
MP: Zak reng reng suh..nakin ah i laawm zawk ang..inkhawm turin ka lo sawm ang che..i chhungte
kan va dil dawn em ni? Tun ah in ah an awm em?
Z: Aw..awm e..ni e..min dilpui la..awi thiannu ka lawm lutuk..ka rilru hah a dam huai mai.
MP: Pathian hnen ah lawmthu kan sawi dawn nia..tirawh i chhungte chu va dil ang hmiang..ei
rawngbawl a la hun lo deuh a..ka hman lai tak a ni lawm.
(An inzui chhuak ta a)
 |
| Muanpuii |
II
(Zuali bialpa Ruata te in: Ruata chu ngui burin chair ah a lo thu a..chutih lai chuan phone khawipahin
JE Ngura a lo lut a)
Ngura JE (JE): Kha..thianpa Ruat..i awm maw? Nizan i score tha hle nimaw?
Ruata (R): Nia..kha..zia lo tak tak ani..Zuali pa te’n zuali an lo hruai leh nghal a..ka zak khawp
mai...
JE: Mahse..a ho em mai..zanin ah kan va leng ang nga..a fel vek mai ang..lo leng la..kan in ah
wifi a tha tawh a..online nileng ila ni mai lawm..(a phone chu a en pah deuh reng a)
R: I office dawn lo a mi a? JE ho hian hna in ngah vaklo ami? I kal khat riau mai..hehe
JE: Kan pu chuan lo kal rawh a tia..mahse ka peihlo..kan nghet tho a, min ban thei chuang lo
a..thlakhatah vawi 4 vel ka kal thin..hlawh lak ni ah nen..haha...tirawh..kan in ah phei ang..
(Ruata leh Ngura chu an inzui chhuak ta a)
III
(Inkhawm turin Zuali leh Muanpuii chu biak in pan nin an kal mek a)
Z: Awi Mp, kei chu ka zak deuh e..nizan lawk ah khati khawp khan kan hmingchhia a, miin
min nuihzat ngawt ang..
MP: Zak reng reng suh. Tuman an nuih lo ang che..an nuih che pawhin Lal Isua’n a nuih zat lo
che tih hre reng la..i lam ka tang tlat dawn alawm..
Z: Awi..a thlamuanthlak thin e..(chutih lai chuan Ruata leh Ngura chu Zuali te in lam pan in
an lo kal mek a..Zuali leh Muanpuii te 2 an hmu chu mak an ti deuh a)
R: Awhaw..Zuali chu khawnge i kal dawn? In in ah ngaihdam dil tur a lo kal kan tum deuh a..
Z: Nia hei U ruat, zanin chu inkhawm ka lo tum deuh a (Zah hmel takin hnuailam a melh a).
JE: In zahawm dun hle mai a...
MP: Nia hei Zuali hian inkhawm a chak a..ka va sawm a..lo kal ve mai ula..kan Pastor in KTP
kumpuan ‘KRISTA TANA DANGLAM NGAM’ tih a sawi dawn a sin.
Z: Ni e..U Ruat, U Ngur, hawh u, i inkhawm ang u...inkhawm ban ah kan in ah thingpui kan in
dawn nia..
JE: Kan Pastor hi thu a sawi rei viau lo ang maw? (A lu a hiat pah a)
R: Kan Pastor chu a tawng a rang a, a sawi zo hma riau zel an ti.
MP: Tirawh u..dar ari tep..i kal ang u..
(Ruata leh Ngura chuan peihlo hmel deuhin an zui ve ta hnak hnak a....)
IV
(Zuali te In: Zuali nu leh pa Pu Vena leh Pi Mami te an lo lang a)
Pu Vena (V): Zuali nu, Zuali te inkhawm pawh chu an va bang har ve maw le..ka ngaihtuah riau
a ni.
Pi Mami (M): Ni e..mahse Muanpuii a tel a..ka ngaih a tha. Zuali hi chu aw..Muanpuii te ang a
nula fel tak hi nive se ka va ti thin tak em aw..
V: Ningawt mai..a tleirawl tirh te pawh khan a fel teh lul nen..ngaihzawng an nei chho a..an
nun an hloh vek a, a pawi ngawt mai..
(Chutih lai chuan Zuali te pali chu an lo lut a..A nu leh pa chuan mak an lo ti deuh hlek a)
Z: Ka nu ka pa..kan lo bang tawh a..hei U Ruata leh U Ngura te pawh an lo inkhawm ve a.
V: A va lawmawm ve..lo thu rawh u. Inhlawkpui maw?
Z: Awi ka nu ka pa, ka hlawkpui tak zet. Zanin chu KTP kumpuan Krista tana danglam
ngam tih kan Pastor in a sawi a..ka nun a hneh lutuk a..ka mittui a tla hial a sin! Zan in a tang
chuan Krista tana danglam ka tum tawh.
M: Mami..a va lawmawm em em ve le!
R: Ka pu Ven, Ka pi Mam, keipawh ka hlawkpui a sin..ka chhungte thawhchhuah sa ringawtin ka
online a, ruihhlo ka ti thin bawk a. Mahse zanin atang chuan Krista tan chauh ka nun hi hman ka
tum tawh a sin. Naktuk pawh inhlawhfakna tur ka nei tawh.
V: A va han lawmawm teh lul em! Lalpa chu fakin awm rawh se.
JE: Keipawh han sawi tak ah chuan, ka rilru ahneh khawp mai. Pathian in hna thatak min pe
a...mahse Ofiice te ka kal tha peih lo a..zanin kan thusawi ka ngaihthlak atang khan ka inhmuchuak
a..ka zak em em bawk a. Naktuka tang chuan rinawm takin ka hna ah ka kal tawh ang.
M: A va lawmawm em..Muanpui, i zarah i thian te hi an danglam zo ta vek anih hi.
MP: Nilo e Nu Mam..Krista vanga danglam an ni zawk a sin..zanin chu kan lawm takzet a ni..
V: Tirawh u..lawmthu sawiin i tawngtai ang u..a lawmawm em mai..Zanin chu Krista vanga
danglam ngam fanu fapa ka nei che u hi ka va lawm em!
(An vaiin an thingthi a..a tawp ta!)
Comments
Post a Comment