Kum 2009 a BA ka'n kal thut kha chu, thawmhnaw lam ah khan ka va han pachhe ve tak e aw! Uniform kan hak lai kha chuan kan pawisa neih tur zat hi tuman min hriatsak ngailo kha a nia, College kan kal chiah chu, kan thawmhnaw ațang khan ₹50/- kan aklo tih kha a lang chiang khawp mai!
Thawhmnaw țha mumal kha kan lo nei mai silo, Sunday Kamis-ka neih țhat ber pawl nen te khan class ka'n kal ta a nih kha-ka smart mah mah!! Sunday Dress-kamis ban tlawn nen a kal reng chi a ni silo a. T-shirt hak tur mumal ka neilo nen-₹99/- dawr a mi a pâwl kha ka lei a, ka han ha ve a, mahse thla hnih ah chuan a nghawng a var vek!
Kawr lam kha chu ka buai lo a kekawr zawk kha a ni buaithlak ta em em chu. Jeans ₹850/- man kha 2008 Krismas dawn ah ka pute a'n min leisak a, chu chauh chu hak tur ka nei a. 1st Year BA ka kal chhung khan ka ha ta a-ka va han zak ve țhin tak! Bethsy-i te nen khan kan in classmate țhin a, zaithiam ka tih zia kha hrilh duh mah ila ka ngam lo- a fan a tan pawh ka tlâwm deuh mah mah a ni!!
Kan țhiante kha chuan a chhuak thar ber ber chi kha nitin in an inbel a. Thawmhnaw nei mumal lo, lehkha thiam em em chuang silo kha kan ni a, kan ngaihsanawmloh ve ngawt mai! Kumtawp Scho' kha lak lâwk theih se, kekawr hak thum tal lei kha ka mamawh a nia, a theih bîk siloh, Jeans kekawr pakhat chauh chuan 1st Year BA chu ka tlingtla ve ta a,tuman min star lo kha a âwm ngawih ngawih! Khatih lai a ka țhiante-Dingi leh Rinchhana te han fel țhinzia kha-an țhian pa te-ro chhe ve tak kha min hnar ngai miahlo a, an chung a ka lawm avang hian ka mittui a tla nawn fo țhin .
creativite tha khawp mai, ka chhiar tawh tlatin ka hre leh si a
ReplyDeleteKan crusade a..ka online hleithei lo
Deletehaha lecturer inih hunah jeans kekawr 3 min leisak thei tihna
ReplyDeleteTehreng mai. Mahse MA ka zirlo a...haha
ReplyDelete