ZADENG

Krismas a lo thlen hian Mizote chuan Rokunga(1914-1969)  hlutzia hi kan hre chhuak nawn fo thin a nih hi! Krismas vuakvet ah hla kan sak tam ber chu Rokunga hla te hi an ni tih kan hre theuh ang a. A hla phuah thiam zia leh Zofate tana a hlutzia hi chu kan sawi seng lo ang a; Krismas hla a phuah zinga thalaite sak hlawh ber pakhat chu Kristian Hla Bu no- 117  a ‘Hmanah Kaisar lal lian rengpui’ tih hi a ni ngei ang.   He hla hi ziathiam hrang hrangte pawhin an sa in tunlaiah chuan Zoramchhani sak hi ngaihtlak zin hlawh pawl tak a nih a rinawm. He hla hi Chanchin Tha Luka ziak bung hnihna tir lam behchhan hian a phuah a ni tih kan hre thei awm e. He hla changkhatna a kan hmuh ang hian Kaisara chuan Lal Isua pian dawn lai vel hian chhiarpui a neiin Josepha te chhungkua pawh Bethlehem hming ziakturin a nupui Mari nen chuan an kal a ni tih kan hriat kha. Mahse vanduaithlak takin kualbuk an chan ve takloh vangin Mari chuan ran in tlawm tak mai chu rai teuh chungin a b...

Amah chu nula a ni a, Saptawng chuan 'Miss' a ni.  Miss World emaw, Miss Universe emaw chu sawiloh - heti ang chi ah hian 'Miss' a la ni ngailo hrim hrim! Mahse Zirtirtu a nih avangin a sikul naupangte chuan 'Miss' tiin kartluan in sikul chawlh tihloh ah chuan 'Miss' an ti chamchi a. Sunday ah pawh Sunday Sikul zirtirtu a nih ve avangin 'Miss' tiin an ko bawk. Sikul chawlh te, Inrinni ah te, zanah te hian 'miss' a ni tho bawk -  a chhanchu tuemaw chuan a ngai thei em em a. Zanah te hian a 'miss' thu a hrilh chamchi a. Hunawl a neih hlek chuan tuemaw chuan a 'miss' zia hi awm leh mawi pawh thliar loin, zah pawh dawnloin a 'miss' thu hi a hrilh mawlh mawlh zel.  Sikul a naupangte 'miss' aia nasa hian zan lam leh a hunawl neih ah hian 'miss' a ni zual a. Inrinni chhunah phei chuan 'Real miss' a ni thin. Zing lam darkhat ah pawh a mut chhuak chung chung hi ...

Stephen Hill-a chu American mi, zaithiam leh hla phuah thiam a niin Missouri ah a piang a. Kum 2001 ah khan Christmas: A Time for Joy tih album ah 'Five Little Fingers' tih Krismas hla a sa a. You tube lama kan en chuan Stephen Hill hian he hla hi naupangte bulah sa in mipui tamtakin an thlir a nih kha. He hla mawi tak satu hi 5th August 2012 khan 'heart attack' avangin kum 55 mi chauh niin a boral a ni. Internet lamah te ka theih tawpin ka'n zawng na in he hla thu 'simple' tak leh mawi tak mai hi a phuahtu leh a thluk siamtu hi hriat mai theih a ni tawh lo a. Tichuan tun laia Pathian in a hman em em Mizo Gospel Band - One In Christ te chuan kumin 2018 chhunga an music video parukna an siam ah he hla hi Mizo tawngin Alvin Lalruatfela chuan 'Kutphah te reuh te' tia letling an sa a. You Tube lamah en theihin a awm a. Naupangte leh puitling te tan pawh a ngaithlak nuam tak ni turin mawi takin an sa a ni. He hla phuahtu hi a themthiam hle...

Tirhkoh Paula’n Rom 13:1-7 ah roreltute thu kan awih tur a nih thu min hrilh a. Kan ram hruaitute leh roretute an dik tawkloh pawha an rorelna hnuaia kun tawp mai tura ngaihna hi kristiante zingah tam tak kan awm awm e. Chuti ang a roreltu thalo te pawhin he lai Bible chang hi thur chhuak in tanchhanah an hmang fo thin a. Tirhkoh Paula hian hetih hun laia Rom khua a mite hnena an chunga rolreltute thu awih tura a hrilhna chhan hi kan zirchian erawh chuan roreltu thalo leh sual takte thu a kawi a ngila zawm ngawt tur kan nilo tih kan inhre thei awm e. Paula hian Rom khua mite hnena lehkha a thawn hun lai hi kum AD 85 vel niin Bible zirmi te chuan an ngai deuh ber a. Kan hriat angin Paula hian kan Bible Thuthlung Thar ah hian lehkhathawn 13 zet mai a nei a. Rawngbawla zinchhuakin hmun hrang hrang a tlawh a; lehkha a thawn a ni tih kan hriat kha.    Rom lehkhathawn tur a ziah lai hian hetih hun laia khawvel a khawpui ber Rome hi a la tlawh lo a. Hetih hun laia ram ropui tak...

Mizo mipa zaithiam Fam C. Sanga (C. Vanlalsanga) hi Mizo te zingah hian hrelo kawm awm awmlo e. A zaithiam zia leh a hla sak te hi kan hre vek in a rinawm a. Tun hnaiah a hla pakhat ‘Tawnmang Lunglen’ tih chu Music Video in an siam thar a. He hla hi kum 2007 a khan a lo sa tawh a, tun hnaiah Music video an ti chhuak a ni. C. Sanga nupui Pi Mamuani chu he hla video hi ka va dil a, a ni’n phal taka min lo pe a. C. Sanga nen hian a hranin kan inhre lo a, Arsenal Fan ruh tak a ni vet ho tih erawh chu ka hria a, a nupui Pi Mamuani nen erawh hi chuan tun hnuah kan in ralkhat hmelhriat ve a. An pa hla sak chungchang ka zawh te hian tha tak a min lo hrilh thin avangin a chungah ka lawm hle. He hla ‘Tawnmang Lunglen’ hi Lalhmachhuana (L) phuah a niin sawi chawp ngailo in he hla hi kan hre vek awm e. He hla ah hian mumang hlutzia a tarang a. Kan mumang lamah chuan a tak kan neih theihloh te, kan hmuh phak ngailoh te, thihna avanga mual min liamsan tawh te pawh kan hmu in kan be the...

John Francis Wide-a'n kum zabi 18 hun laia Krismas hla a phuah 'O Come, All Ye Faithful' (Ringtu zawng zawngte u) tih hla hi khawvela Kristiante chuan kan hre vek awm e. He hla innghahna Bible chang chu Luka 2:15 na thu hi a niin Mizo te zingah pawh he hla hi a hrelo kan awm lo ang a. Kristian Hla Bu No- 81 na ah awmin Rev. F.W. Savidge-a'n mizo tawngin min lehlin sak a nih kha.  He Kirsmas hla ropui leh lar tak mai hi a tirah chuan Latin tawngin 'Adeste Fideles' ti a ziah a ni a. Tichuan he hla thu hi Portugal ah te, England ah te darh zau zelin Frederick Oakeley-a chuan kum 1845- ah Saptawnga letlingin khawvel pumah tawng hrang hranga lehlin a lo nita a ni.  He hla hian Bethlehem khuaa Lal Isua lo piang chu fak leh chawimawi turin min sawm a. Vantirhkoh te pawh khawvel chhandamtu Lal Isua lo piang chu fak hla sa a chawimawi turin a sawm bawk a  ni. He hla hian Lal Isua kan tana lo piang chu hlim leh lawm taka faka chawimawi turin uar takin min sawm a...

One In Christ Gospel Band hotupa Alvin Lalruatfela'n Gordon Jesen-a Pathian hla phuah 'God is Bigger Than Any Mountain' a lehlin hi kum 2016 ah khan Music Video siam in an sa a nih kha. You Tube lama kan en chuan mi tamtakin he an hla sak nung tak leh mawi tak mai hi an hlawkpui zia kan hmu thei ang. Mizo ṭawng hian Alvin-a hian a letling nalh khawp mai a; Pathian chu engkima engkimah innghahna tlak Pathian a nih zia he hla ah hian kan hmu chiang hle awm e. Mihring kan nih chhungin harsatna leh lungngaihna te hi pumpelh theih a nilo a. Ringtu ṭha tak kan ni emaw misual tak kan ni emaw harsatna hi kan pumpelh theilo a, thihna pawh kan la tawk vek dawn a. Mahse chung zawng zawng chu ringtute tan chuan - Pathian ropui zia puangchhuaktu leh Amah chu inngahna tlak a nih zia ti lang fiah chiang tu a ni. Chung lungngaihna, manganna, thlemna leh lungngaihna vawrtawp kan tawh a kan tawrh lai mek pawh chuan Pathian chu kan harsatna zawng zawnga inngahna tlak a va ni em! I n...

  Aizawl West II Presbytery vawi - 4 hmanga Tanhril Vengthar Kohhrana kan kal tumin Luangmual Vengthlang Kohhran Zaipawl te chuan Rev. Remlalfaka, MTC a ziritirtu ni mek Pathian hla phuah ‘Silfaina’ tih kha an lo sa a. He hla hi Mizoram Synod Choir te pawhin nalh takin an sa a ni tih kan hriat kha. Luangmal Vengthlang Kohhran Zaipawlte sak chuan ka rilru a hneh thar em avaangin he thu hi ka ziak a ni.   Rev. Remlafaka Pathian hla phuah leh siam thiam zia te, Pathianin a hman zia te chu sawi ngailo kan hriatsa vek a ni a. He hla ‘Silfiana’ tih pawh hi chang 2 chauh a ni na in Mizoram pumah a lar chhuak a, mi tamtak thlarau nun chawmtu hla tha leh ropui tak a nih kha.   Ngun taka kan ngaihtuah chuan Lal Isua thisen hlut zia hi a mak in a ropui tawlh tawlh a. He thisen hlu tak mai hi ram tina puangchhuak a, a hlut zia hi la hre velo te hnenah sawi mawlh mawlh tur kan nih zia he hla phuahtu hian a hmu chiang hle a. Thisen satliah nilo in thiltihtheihna, chatuana n...

“Bible kan chhiarin Pathianin min bia a, kan tawngtaiin Pathian kan bia” an lo thin a, a dik hle. Pathian rawngbawltu hlawhtling tak tak, khawvel pum huap pawh a Pathianin a hman te hi tawngtai nasa leh Bible chhiar nasa te an ni. Mary Ann Pepper Kidder-i chuan tawngtai pawimawhzia hi a hmuchiangin kum 1876 ah khan tawngtai theihnghilhlo tur a min fuihna hla tha tak mai   ‘Did You Think to Pray?’ chu a lo phuah tawh a. A thluk hi William Oscar Perkins chuan a siamsak a ni. He hla hi khawvel pumah a lar a. Mizo tawngin Rev. Lal Rinmawia, Mizoram Synod Moderator te pawh lo ni tawh chuan min lehlinsakin Vohbik in nung leh nalh takin an sa a nih kha. Vohbik ziathiam zia leh an rawngbawlna te chu sawi ngailo in kan hre vek awm e. He hla changkhatna hi Sam 5:3-a Davida tawngtaina behchhan in bul tan a ni a. Tawngtai hi vanram nen a kan inzawmna tur a thil pawimawh ber a ni a. Chuvangin zing kan thawh veleh tawngtaia Pathian hnena inkawltirin bul kan tur a ni tiin min fui...

Lirthei khalhtu Driver pawimawh zia hi khualzin te, lirthei a chuang ṭhinte chuan kan hre chiang hle awm e. Kan Driver a zirin him takin kan tum rang kan thleng thei a, chetsualna rapthlak tak tawkin kan boral phah thei bawk tih kan hriat kha.  Tuna kan khawvel hman mek, sual kawng zawh mai theih tur a kawng awlsam leh mâm em em ah hian tu nge kan nun hi kaihruaia he kan khualzinna khawvel ah hian Driver atan kan hman mek?  Ṭhalaite zingah kan nun kaihruaia driver puiber a kan hman chu Mobile Phone hi a ni tiila kan sawi sual awmlo e. Ṭhalai chauh nilo in nu leh pa leh upa te ho pawhin kan driver atan hian phone hi kan hmang nasa hle. Kan phone chuan khawvel changkang ber ber leh tunlai ber ber ah min zinpui a. Thil thar tam tak kan tawngin kan neih phah a, hlimna leh lawmna pawh min thlen ṭhin. Chutih rual chuan harsatna, lungngaihna leh manganna kawngah pawh min kalpui a. Chutih hunah chuan kawngṭha zawk leh kan nun tuihal rehna tur ah min kalpui theilo a, bei...

Politician te hi i ngaisanglo emaw, Politics hrim hrim hi i ngaihvenlo pawh a ni thei a. Mahse mihring kan nih chhung chuan ram rorelna – politics hi kan pumpelh theilo. Ram inrelbawlna chuan nghawng tam tak a nei a. Nang leh kei pawh hi min nghawng a, kan ram politics hian kan rinna - sakhua thlengin a nghawng a ni tih hi thudik a ni. Ram hruaitu kan thlanchhuahte a zirin kan ram hmasawnna chu a innghat a ni tih hi chu kan hre vek a. Kan rama Sorkarna lo siam tawh thin te leh a siam mek te’n kan ramah hmasawnna an thlen dan pawh Politics ngaihven a piangte hian kan hre chiang awm e. Kan ram hruaitute an duhkhawp lohna te, an that tawklohna leh kan beidawnna te pawh vawi tamtak kan au chhuahpuiin kan ti lang thin. Hriatthiam harsa ta ber chu mitha leh rintlak nia kan hriat kan thlang duh leh silo hi a ni. Kan ram hruaitu tur te hi Kohhran Upa inthlan anga mi fel leh tha kan thlang chhuak duh leh tlat lo hi enge chhan nita ang? Candidate zingah hian mi tha leh fel tak tak te aw...

Nula tlangval kan nih a mi ang kan nih chuan 'ngaihzawng' tih thumal hian kan nun leh rilru ah hmun laili ber a chang lo theilo a. Kan lerh vang emaw kan ngaihven bîk vang emaw nilo, amah maia Adama awm kha ṭha tilo tu remruatna la kal zel kha a ni tih kan hre awm e. Mihring kan in an loh avangin ngaihzawng kan neihna kawng pawh a in ang lo a. Ṭhenkhat chuan an la lem lo a, ṭhenkhat erawh chuan an rilru zawng zawng an pe a, chhiatpuia thihpui ta hial pawh kan awm hi.  Tuna kan sawi tur chu mi nun laklawh lai tak va ngaihzawn chungchang a ni a. Heta kan sawi turah hian lêr tak, ngaihzawng kawp chîng te erawh kan sawi tello. Tuna kan sawi tur chu mi tamtak harsatna tawh ṭhin chungchang a ni.  Mi tute emaw kan duhthusam tak kan tawng a, kan bêm a, kan inngaizawng ṭhin. Mahse a chhan mumal awmlo leh an mahni lam rilru inpeih tawklohna avang te in kan inṭhen a lo ngai a, keimahni lamah a zawng zawng a kan lo inpumpêk hman tawh si avang in kan na ṭhin a nih kha. Mahni ...

I still remember when I first met Sangla Jamir in our College, Aizawl on June 2017. She came from Dimapur, Nagaland. She is a chubby and inncocent lady.  She is studying Master of Theology (Religion Deparment) in our College. She was born on 15 May.  When I first met Asang, I reallized my ex-girl friend those who damn me! I really love her so much and I try to forget many times. But, when I saw Asang, I remember again my ex-gril friend! In the month of June 2017, I and Asang and 4 of our friends were sitting together in our hostel mess table during the whole month of June. The more I see Asang the more I remember my ex-girlfriend! She was also the supporter of Chelsea FC as like as my ex- grilfriend! We have Social work on every Thursday afternoon. We are separated in different groups. Sometime I and Asang were working together in same group. As usuallly the ladies distributed water for men in their respective groups and Asang also distributed water for u...

Mizo te zîngah Vanneihtluanga hre lo hi kan lo awm palh a ni pawhin kan tam hauhlo ang. Amah kan hriatna ber chu a thuziah thiam em em vang a nih kha. Tun hnu ah Lengzêm chanchinbu thlakip a a tihchhuah hnuah hian kan hre chiang leh zual awm e.  Thuziak lamah chuan Mizo fate zîngah a thiam ber pawl a ni tih hi kan pawm vek ang a. Ka sawi duh zawk tak chu hla phuah a thiam em em zawk hi a ni. Thuziah ang em em chuan hla lamah a kuthnu hi a tam lo a ni maithei a, mahse a hla phuah te erawh hi chuan Mizoram hi a deng chhuak tih chu kan hre awm e. H. Lalmuankimi'n 'Damna kim' tih a sak te kha a hun laiin hrelo kan awm awmlo e. Tin tun hnaiah One In Christ te'n an sak 'A hmangaihna a lo ni' tih pawh hi mi tamtak chuan kan ngaithla tawh awm e. He hla hi a phuah dan leh a phuah hun te Vanneihtluanga hi ka va zawt in min lo hrilh a, a chungah ka lawm hle. "Aizawl Chanmari Kohhran Hmeichhia-in kum 2000-ah, Drama ziak turin min sawm a, musical drama ka ph...

Pathian tel lo hian mihringte hi engmah lo mai kan nih zia hi a hrechiang apiang te chuan Pathian hi an fak a. He khawvel harsatna leh lungngaihna zawng zawng laka min chhan chhuak thei tu chu Pathian chauh a nih zia hrechiang apiang te chuan bang loin an fak mawlh mawlh mai a ni. Mihring kan niha khawvela kan awm chhung hian eng ang mi pawh ni ila harsatna leh buaina te hi kan pumpelh thei dawn lo a. Lungngaihna leh thihna te hi kan tawh ngei ngei tur an ni. Chung harsatna te chu mihring tana tawrhthiam rual loh, ṭahna leh lungngaihna vawrtawp min thlentu pawh nise Pathian nei tu te chuan Amah rin chhanin an tuar chhuak a, harsatna thuk ber karah pawh Pathian chu an fakin an chhuang zawk a ni. Chumai ni loin misual boral tur hi van khua leh tui nihna min pe a ni tih hriain chu hmun chu an thlir tlat a. Pathian hmangaihna thuk zia chu an hmuh hmaih ngaivlo a ni.  Chuti ang nun, harsatna leh lungngaihna karah pawh Pathian neih tlat hlut zia hmuchiang em em t...