Lirthei khalhtu Driver pawimawh zia hi khualzin te, lirthei a chuang ṭhinte chuan kan hre chiang hle awm e. Kan Driver a zirin him takin kan tum rang kan thleng thei a, chetsualna rapthlak tak tawkin kan boral phah thei bawk tih kan hriat kha.
Tuna kan khawvel hman mek, sual kawng zawh mai theih tur a kawng awlsam leh mâm em em ah hian tu nge kan nun hi kaihruaia he kan khualzinna khawvel ah hian Driver atan kan hman mek?
Ṭhalaite zingah kan nun kaihruaia driver puiber a kan hman chu Mobile Phone hi a ni tiila kan sawi sual awmlo e. Ṭhalai chauh nilo in nu leh pa leh upa te ho pawhin kan driver atan hian phone hi kan hmang nasa hle.
Kan phone chuan khawvel changkang ber ber leh tunlai ber ber ah min zinpui a. Thil thar tam tak kan tawngin kan neih phah a, hlimna leh lawmna pawh min thlen ṭhin. Chutih rual chuan harsatna, lungngaihna leh manganna kawngah pawh min kalpui a. Chutih hunah chuan kawngṭha zawk leh kan nun tuihal rehna tur ah min kalpui theilo a, beidawnna in kan khat ṭhin.
Kan phone chuan khawvel changkang ber ber leh tunlai ber ber ah min zinpui a. Thil thar tam tak kan tawngin kan neih phah a, hlimna leh lawmna pawh min thlen ṭhin. Chutih rual chuan harsatna, lungngaihna leh manganna kawngah pawh min kalpui a. Chutih hunah chuan kawngṭha zawk leh kan nun tuihal rehna tur ah min kalpui theilo a, beidawnna in kan khat ṭhin.
Ngaihzawngte hi ṭhalaite zingah chuan kan nun kaihruaitu leh kan driver rinpui ber a ni fo bawk. Hlimna leh lawmna tamtak chu min thlen ngei a, mahse harsatna leh buaina pumpelh theihlohna khawvelah hian kan driver -kan ngaihzawngte hian thlamuanna famkim erawh min pe theilo tih chu a hrechiang ber tute kan ni.
Sum leh pai hi mi zawng zawng deuh thaw in mihring kan nih chhunga khawvel a kan innghahna, kan nun driver rintlak ber ah kan hmang in kan ngai a ni tih hi thudik a ni. Sum leh pai chuan damna, hriselna leh khawvela thil awmte hi min neihtir theih deuh vek a ni tih chu kan hrechiang hle. Mahse amah chauh hi kan driver atan kan rin chuan thlamuanna leh lawmna famkim, kan nun tuihalna tak tak hi min pe zolo tih a hrechiang ber tute kan ni.
A chunga kan sawi te bakah thil dang tamtak pawh kan nun innghahna, kan driver atana hman hi tamtak kan nei a nih kha. Mahse chungte chuan kan duh ber leh kan lungawina famkim ah min thlen zo reng reng an awm lo tih kan hria.
Lal Isua hi i nun zawng zawng khaltu Driver atan i hmang tawh em? Ani tluka rintlak leh ṭha hi khawvelah leh a piah lam ramah pawh an awmlo a sin! Ani hi kan nun kaihruaitu, kan nitin nun zinkawng ah driver atan i hmang chhin ang hmiang? Engtiang taka rintlak leh ṭha nge a nih i fiah tehreng ang.
Amah Lal Isua ngeiin khawvel ram dang nilo Pathian ram leh a felna chu zawng hmasa zawk tur leh chumi chu kan dah hmasak phawt chuan kan mamawh dang zawng zawng hi min pek bakah min la belh dawn thu min hrilh a nih kha (Matthaia 6:33). Amah ngei hi ni kan driver diktak tur chu.
Kan ngaihzawng, kan phone leh sum leh pai te chuan min kalbo san hun te, min phatsan hun te an nei a. Nun beidawng ngawih ngawiha kan awm lai te in hmalam pan turin kan driver ah an ṭang theilo a. A chang phei chuan chung harsatna zawng zawngah chuan kan nun hi min khalh luh sak zawk a nih kha.
Lal Isua erawh chu i beidawn lai ber leh kal leh ngaihna i hriat tawhloh hunah chiah driver rintlak leh dik, i dam chhung leh chatuan thlenga i mawmawh diktak pe theitu che a nih zia i hria ang. Amah chu ring tawp la, i nuna tel ve tur leh i khualzinpui tura a duh te pawh Isua kutah dah tawp ang che.
Driver rintlak Lal Isua hian i tan rinawmtakin i nun hi a khalh sak ang che nga. Lungngaihna, beidawnna leh thihna hial i tawh hunah pawh i tan a awm zel ang a. Chatuan a i tan a buatsaih van ram hruaithleng tur che in i driver ni turin a nghak reng che a ni. Lal Isua hi kan nun zawng zawng khalh tu ni tlat rawh se.
Comments
Post a Comment