ZADENG

Ka thlan tirh che khan ka thlang satliah lo che a, kan dam chhung hun hi kan pahnih a Lal Isua tan a hmangzo dun turin ka thlang che tih kha I hriat ka ring. Chuti ang tur chuan kan inbuatsaih sauh sauh a nih kha. Kan hlim dun a ni tiraw? Mahse keimah zawk kha ka dik talo roh a-Lal Isua ai khan ka nun ah I lal a, thu I nei zawk ta tlat a. Chuchu nang min petu Lal Isua khan a lo remtilo tih hi tun ah hian chiang takin ka hria-nangpawhin I hriat kha! Kan inthen hi ka ring ngailo a, I rin bikloh kha. Kan hmalam hun te sawi dun in kan hlim thin zia kha. Zan a tawi a, chhun in min daih ngailo a, kan inhmangaih thu kha nikhat ah vawi 7 aia tam kan sawi dun ziah a nih kha. Mahse, Lal Isua khan hmun a chang tlem tial tial a nih kha tiraw? Ka lungngaih ber lai te, ka hlim ber lai te, ka that ber lai te a ka bul a awm tlat a, thihna kut vawt in min chelh mek lai pawh a ka bul a awm turin ka duh che a, ka thlang che nih kha-chuti ang chiah chuan nangpawh in min thlang a, a zawng zawng in k...

Kum thum lai a liam tawh a, ka tan chuan ni thum liamta ai khan a reilo zawk fo. Ka hmangaih che em? Min hmangaih tih ka hria a, kei erawh tleitîr lungmawl mai kha ka la ni a, Khatih lai khan ka hmangaih che em? Nun bul țan dun a engkim tih dun kha i duh a, kei pawhin chumi chu ka duh a, chuvang chuan ka hmangaih che em? I tân ka rilru a zawhna awm chhâng tur che a ka inpeih meuh chuan i thlarau bâk chan ka nei ta silo! He zawhna hi chhan che ka duh sin-ka hmangaih che em? "Aw" tiin chhâng dâwnlo che ila min hmangaih reng chung a fam i chan hnu a i rauthla hi dâwt ka hrilh theilo ang. Min hnâwl in min hnar nila rilru na thawidam in mi dang ka thlang mahna! Mahse i taksa thihna khân min hmangaihna a thih pui ve silo a, chhâng lêt tur che hian ka inpeih tawh a sin! Ka duh che a, min hmangaih a. Fam i chang a, ka ngâi zual che a, 'Ka hmangaih che' ti a chhân lêt che ka duh a, i lo la hrethei mial a ngem? Dam la, kan awm dun ngei ang. ...

Zan dar 9:12PM a ni a, tun lai hi kan exzam lai a ni. Library ah ka kal a, lehkha zir ka rilru ah a lut thei thlawt lo a, he thu hi ka ziak a ni. A tak ah leh mumangah pawh ka hmulo rei tawh em em che a; tukin zing lam ah khan ka mumangah ka hmu che a. Dawr pakhat atang hian ka chhuak tur hi min lo nghak tlat a, mumang mah nise ka beiseiloh em avang hian tun thlengin mak ka la ti fan-ka mumang kha. Facebook a ka unfriend hnu che hian a hmaa kan thian ni thin te photo/status i like leh like loh en hian ka thiante likers chu ka check fo thin-a zahthlakin a hreawm! I wall check leh tur hian huaisenna ka nei tawhlo a. I laka ka natna hi i tello a dam hlen tur hian ka theihtawp ka chhuah a, ka awm mai mai biklo.  Heti tak hian ka lo hmangaih che hi ka ring lo a, ka hrethiamlo takzet a ni. Ka rilru atang hian reh tawhla ka duh em em a. Min tih rilru natzia te, min hnawl chian zia te a takin ka hria a, ka tuar bawk. Ka beisei tawhlo che a, i chanchin up...

Kum 1886 a din tawh Arsenal FC hi kei chuan kum 2007 ah chauh khan ka tan ve a. Chupawh ka putea fapa leh kan te ber hian Arsenal an tan em avangin Football en ka tui chilh ve duh ka tih khan Arsenal tan tur in min ti a, ka tan ta a nih kha.  Thierry Henry chu ka player tan chhan a ni takna in kum 2007 chho vel ah hi chuan a vanglai a pel titih tawh a, a inhliam reng bawk nen a inkhel ka en mumallo a-Tv kan neilo bawk nen. Tichuan kum 2007 atanh chuan ka tan ta bur a, la tan reilo hle mahila tun ah chuan a fan ruhkawl ka ni ve ta reng mai. Arsenal tan a, chhimlam mi nih a, Synod nih bawk a ZNP han nih zui ngat phei hi chu kan te 'quit' a, mahse kan ruh hle thung! Arsenal FC leh ka mizia hi a inang ka ti thin hle a. Beiseiawm tak leh tihfuh tum a a tha ber ni thin hian a hun tak ah kan zuzi a, mi beisei kan phalo a, mi nuizat tawk vel chiah in kan puitling teuh hle thin. Khawvel a club ropui ber ber Barcelona FC te pawh kan tukzal a, chutih rual chuan Man Utd in 8...

Zirna lama MA Political Science zirchhuah chu sawiloh, A AW B chhiar thiam ngawr ngawr vang a ziak leh chhiar thiam sawih sawih kei Thingtlang Pa hian Politics ka hriat dan ka ziak ve duh a. Ka hriat dan leh hmuh dan hi khawii University mahin an zirlaite Thesis ah an la dawnglo a nga, lehkhabu rawn pakhatmah a awmlo bawk. Inthlanpui kan hmachhawn dawn apiang in Politics hian lohtheiloh in kan khaw thingtlang kilkhawr ber ah pawh thawm a nei ziah a. A thawm mai nilo in Politics khel thin-politician ni mek te, MLA ni mek leh nihve tum te chuan kan khaw kilkhawr tak leh kan in chhe ve tak ah Politician an nih theih nan kan ‘vote’ min lo dil a. Chu kan vote hmang chuan Ram hruaitu an nih theih dan tur te, keini mi rethei tak tak, thingtlang pa mawl ve tak tak te chu kan changkan ve theih dan tur te, eizawnna tha tak kan neih theih dan tur te, retheihna laka ata min chhanchuah dan tur te min hrilh a. Chu tluka chanchin tha leh lawmawm a awmloh chu tiin beisei takin kan vote kan l...

Zan tir a ni a, ruah a tla cherh cherh a. Hritlang-awmna tan chuan chhuahvah a chakawmloh khawp ang. Lehkhabu dahna chhuar bula perek a inbang Nihliap-thlehtheih chu ka la a. Hun engemaw chen ruah a sur tawhloh avang leh ruah sur nikhua pawh a nihliap keng peihlo tak mai ka nih avang in chu Nihliap pawh chu ka khum chhuak khat hle a. Hun engemawti chen ka khum tawhloh hnu a ka’n lek chhuak chuan ka lung a ti leng hle a.  Ka lunglen chhan zawk tak erawh hi chu he Nihliap hi ka rilru luah rengtu-ka hmangaih em em ta ni. Khawi dawr atanga a lei nge, engtik a mi nge tih leh tute nge he nihliap hian a lo zawn tawh ang tih lam chu ka ngaihtuah lo. A thar a ni tawhlo a, hmeichhe tan a khawlaia khum chhuah tlak a nih meuh tawhloh avangin a hluihlawn tawh a nih ka ring a. Chutia Nihliap chuang tlai reng awm ta chu an in a ka kal tum in a Ni (aunt) chuan ka khum hawn atan min pe a, ka pe let leh talo a nih kha.    He Nihliap neitu hmaah hian ka kehchhe vek a; ka nihna l...

Vawiin hi February ni 14 a ni a; Valentine's Day a ni. A awmzia sawifiah ngailo kan hriat kha. Vawiin thleng a ka la hmangaih che hi i rin ka ring tawh lo-tiila ka nêp êm a; min ngainep tak chungin ka hmangaih cheu che i la ring mai thei-ni e, ka nep a, ka la hmangaih cheu che a ni. Ka hmangaih che vang hian ka â a, tun a he thu ka ziak leh pawh hi ä ka intiin nêp ka inti ngawih ngawih a, mahse ka hmangaih che ni. Ka hmangaih zia che hi i bul ah ka sawi thei tawh lo a, awmzia a awmlo a, ka țhiante bul ah ka sawi thei tawh lo. A chhan chu hmuhsit leh ngaihnep ka ni tawh a, kei ngei pawh hian keimah hi ka inngainep a ni-heti kau hian maw ka lo hmangaih che? I lak ah khan ka lo innghat ve tak tak a, ka nupui tur atan ka duh che avangin nangmah lo hi hmangaih dang ka neih leh ka ring tawhlo a, a zawng zawngin ka lo inpe hman a ni. Min tihlawmna leh tihhlimna aia nasa in min ti țap a, min ti beidawng a, min tichhe vek a sin! Ka nun ah hian midang, nangmah thlâk zo hi ...

Khawvel a Pathian thu ziak chhiar hlawh leh internet a zawn hlawh ber chu Johana 3:16 -na hi a ni e an ti a. Chuta tang ngawt pawh chuan Hmangaihna hi mihring leh nunna nei zawng zawng te hian kan duhin kan damchhan ber pakhat a ni tiila kan sawi sual awm lo e. Min siamtu Pathian meuh pawh hi hmangaihna ah hi chuan a tuiral a, Vantirhkoh chhiarsen loh te’n thlem mahse a hmangaih Mihringte tan chuan mihring ah lo changin Chatuan Nunna min pe a nih hi. Tun lai thalaite hian hmangaihna hi enge ni a kan hriat a engtin nge kan nunpui ve le? Kan nu leh pa, pi leh pute hun lai ang kha chuan tun lai thalaite  hian hmangaihna hi kan la lungrun tawhlo em tih hi zawhna awm thei leh chhana dik pek har tak a ni ang. Tun hma chuan khawkhat nilo inngaizawng te chu an inhmu khat em em a, lehkhathawn kha a hlu em em thin. Tun ah chuan WhatsApp leh Messenger te hmangin kan thlalak te nen lam kan inthawn thei tawh a. WhatsApp an update hnu phei hi chuan Internet 4G ngat phei chuan 'video ’...

2 Timothea 4:2a "Thu chu hril rawh; a hun ah te, a hun lovah te pawh bei zêl rawh" Information Technology țhatna leh sânna khawvel, thalaite leh mi nawlpuiin Social Media kan buaipui a kan âtchilhna khawvel ah kan chêng mek a. Mihring finna a sangin kan theihna, kan thil tih theih a thuk in a ril tawh hle a. Chutih lai mêk chuan he khawvêl changkâng tak hian kan nun a eichhia in mi tamtak te nun beidawnna ah a hruai lût a. Pathian thu aia helam a thil awm kan ngaihven zâwk te hian kan thlarau nun a khawih chhe tel a. Chu chuan kan chhungkua, Kohhran leh mimal a rûn mek a ni. Chuti ang harsatna tâwk, nun beidawng mêk leh chhanchhuah ngai, Pathian awm pawh ringlo te chu engtin nge kan tanpui ang a enge kan mawhphurhna? Bible châng kan tarlan khi Paul-a'n Rawngbawltu la naupang tak mai Timothe-a a fuihna a ni tih kan hre țheuh awm e. He thu hi ngun taka kan en chuan kan tunlai boruak nen hian a inmil in keini ringtute chuan kan tih makmawh tur niin a lang. A țawngbul...

Vawiin ni 30 January 2017 hi ka pianchampha vawi 28-na a lo ni ta reng mai a, Lalpa, ka va lawm em! Kum 27 pumhlum tehmeuh min hruai chhung hian i duhdan a awm hi ka nei lo ang tih chiang takin ka hria a, min ngaidam ang che.  Hmangaihna leh dawhtheihna nen min hruai a, ka mamawh engkim min pe a; dîl nachang ka hriat loh te nen lam a thlawn in min pe a, Lalpa ka va lawm em! I hmaah hian sawi tur leh chhuan tur engmah ka neilo a; khawngaihtakin ka bosan loh nâ'n che ka ban ah min kai tlat la. A țûl chuan a hnuh in min hnûk la, khawngaihtakin ka bosan che phal suh ang che. Ka hmalam hun, ka nun zawng zawng leh ka engkim hi i tân hmanzawh ka duh a, mahse ka mihring duhna leh theihna chuan a tlin dawn lo. Chuvangin nangmah zâwkin min  kai la, min hruai la, min kalsan suh ang che. Ka tling lo a, ka sual a, ka chunga i țhatna, zahngaihna, khawngaihna leh hmangaihna hi ka dam chhung hian ka rûl zo dawn lo che. Chuvangin nangmah zâwkin min țanpui la, min chelh t...

Ka beidawn ber lai leh ka thinlung kehchhiat lai ber khan ka tawng che a, Vawiin ah i hnen ah ka lo kal a, ka hlim em em a sin. Nun beidawng leh thihna kawng zawh mai duh khawp a ka awm lai khan, Dawh thei takin ka tan i lo awm reng a, ka va lawm em! Heti mai ka ni-engmah i hma ah hian chhuan tur ka neilo-i hriat kha! Ka tan chauh hian i awm reng thei ang em? Ka thinlung keh chhe vek hi hmangaihna leh dawhtheihna nen, Min tuam dam sak thei ang em? Engkim hi Pathian kut nise tiraw? Min hmangaih tak tak thei ang em-dam chhung a tan? Hmangaih che ka duh a, ka tum mek a, ka hmangaih mek che.

Hmangaihna ah hian - min hnawl tawh chung a beisena nen a nghah reng hi kan tih tur nge kan kalsan ve zawk ang? Hmangaihna a nih miau avangin - kan hmangaih laka rilru danglam pu ve lo a hmangaih reng hi kan tihtur leh hmangaihna chu a ni em? Hnawl, kalsan, ngaihnep a nih tawh avang in beiseina nen a lo nghah reng hi - hmangaihna nge nepna? Kalsan a thiehnghilh hmak a let tawh miahloh hi hmangihtu in a hmangaih a chan tak laka - a rilru put tur a ni em?  Hmangaihna chu mi pahnih te inzawm tirtu a ni a - amah chauh chuan a famkim thei lo. A muang a, a nep ngei mai...mahse a kal liam mek a ni - hmangaih reng chung che in.     

Lo be leh tur che in ka rilru a la awm reng Mahse țahna leh natna mai ka hlawh leh dawn tih ka hria. Kei chu ka la awm reng a, Ka la ngai reng. Hun nei dûn leh turin ka nawr theilo che, I duh chuan keimah in ka la awm reng. Inchhîr turin ka beiseilo che a, Ka hmangaih takzet vang zawk che in ka la awm. Engtikah emaw chuan ka bo hlen ngei ang, Ka bo mêk a ni. Ka hmangaih i ni.

Nang chuan min hnawl a, min kalsan hlen tawh tih ka hria, Kei chuan ka la hmangaih reng che Theihnghilh che ka tum a, min tih natna leh min ngaihnepna zawng zawng te ka ngaihtuah a, Mahse ka la hmangaih cheu che. I tan chuan mi hlui, nun hlui leh kir tawhlohna tur ka ni ang tih ka hria, Ka tan chuan ka hmangaih i ni reng. Beisei tawhloh che ka tum a, theihnghilh che ka tum țhîn, Mahse ka va hmangaih si che êm! Engtikah emaw chuan ka hmangaihna che thûk zia leh tlawm zia hi i la hrethiam mahna, Chutih hun ah chuan hmangaih reng tur che a la awm ka duh ngei ang. Phat ka tum a, zêp ka tum a, kalsan hlen che ka tum, Mahse ka hmangaih che.

Ka reh hmak hian ka thinlung ah i ri ring em em a sin. Ngai miahlo ang che a ka awm hian ka ngai takzet che a sin. Ka lo biakloh che hian ka thinlung chhungril ber chuan a be mawlh mawlh che a sin. Ka hmangaih talo che maw i tih lai hian ka hmangaih deuh deuh zawk che a sin. I laka ka chaklohna ni a i hriat hi i chakna tur atan ka tih a ni a sin. Ka kalsan loh chhan che hi i tan chauh a ni a sin. I tan ka awm reng a sin. Ka hmangaih che a sin. -LAL ISUA.

Keimah : I nep lutuk! Ka thinlung : Nia...sawi tur ka hre lo! Mahse ka hmangaih a ni. Keimah : Hmangaihna ah pawh hian a lutuk chu a tha ngailo. Ka thinlung : Chuti'n ramri ka kham ngawt thei hlei hnem. Ka hmangaih miau a! Keimah : Rilru zawng zawng hi pek ngawt tur a nilo. Englaipawhin mi hrang, inlaichinna neilo inni tih hi hriat reng tur. Ka thinlung : Ring manglo, ringhlel ru chungin ka hmangaih thiam lo. A zawng zawng ka pe lawm. Keimah : Tun lai ah chuti ang rilru an pu ngailo. Boruak chhiat thut phawh a ngaihnep hlawhloh nan mi dang a 'spare' neih tur. Ka thinlung : Hmangaihna ah hian boruak chhiat, spare, ngaihnep hlauh tih vel a awm ve lo. Keimah : I a hle a nih chu. I ngaihzawng te'n an then a piang che in nep tiin an ngainep zui ngei ang che. Ka thinlung : Kei chuan ka ngaizawng lo, ka hmangaih a ni. Ka hmangaih takzet a ni. Keimah : Chu chiah chu lawm i at na leh nep na. An then che a, an kalsa...