2 Timothea 4:2a "Thu chu hril rawh; a hun ah te, a hun lovah te pawh bei zêl rawh"
Information Technology țhatna leh sânna khawvel, thalaite leh mi nawlpuiin Social Media kan buaipui a kan âtchilhna khawvel ah kan chêng mek a. Mihring finna a sangin kan theihna, kan thil tih theih a thuk in a ril tawh hle a. Chutih lai mêk chuan he khawvêl changkâng tak hian kan nun a eichhia in mi tamtak te nun beidawnna ah a hruai lût a. Pathian thu aia helam a thil awm kan ngaihven zâwk te hian kan thlarau nun a khawih chhe tel a. Chu chuan kan chhungkua, Kohhran leh mimal a rûn mek a ni. Chuti ang harsatna tâwk, nun beidawng mêk leh chhanchhuah ngai, Pathian awm pawh ringlo te chu engtin nge kan tanpui ang a enge kan mawhphurhna?
Bible châng kan tarlan khi Paul-a'n Rawngbawltu la naupang tak mai Timothe-a a fuihna a ni tih kan hre țheuh awm e. He thu hi ngun taka kan en chuan kan tunlai boruak nen hian a inmil in keini ringtute chuan kan tih makmawh tur niin a lang.
A țawngbul Greek lam ah chuan 'thu chu hril rawh' a tih hi 'ἐπίστηθι (epistēthi), 'Imperative word' a ni a. Chu mi awmzia chu thu hril hi thupek nghet, loh theih loh, kan tih mâkmawh a ni. Chu mai a la nilo a, kan peih châng leh kan rem chan lai, kan phûr lai leh hun rem chang a hril mai tur kan ni lo. A hun (εὐκαίρως- eukairōs-in season) ah te, a hun lo ah (ἀκαίρως-akairōs-out of season) te hril tur kan ni.
Kan bul a harsatna tâwk, Pathian awm ringlo leh nun beidawng, mahni nunna hial pawh lâk duh khawp a awm te hian Lal Isua an hmuh theihna tur chuan kan nun ah Lal Isua hmuh hmasak an duh avangin kan theih tawp chhuah a kan hrilh an ngai. Misual leh piangthar lo ni a kan ngaihte hian nasa takin kan nun dan ah Lal Isua hmel an zawng a ni.
Ruihhlo ngai, Aids vei, Jail tâng mek, Pathian awm pawh ringlo adt hnen a Chanchin Țha hril tur hian keini hi koh leh mawhphurhna pek kan ni a. Chu kan mawhphurhna hlen tur chuan englaipawh a inring tur leh taihmak chhuah reng tur kan ni. A nuam lai leh lângsar lai, a huau huau lai leh a phawvuak ringawt a thu hril tur kan nilo. A hun lo leh remchang lo lai, a hreawm lai ah pawh hril tur kan ni. A nuam leh lang sar chauh a rawngbawltu chu misual kan tih te hian an hmuh hmaih lo a, Setana ti lawm tu mai kan ni.
Chuti ang tak a taihmak chhuah a Kohhran hrang hrang a hruaitu, thu hril tu leh Pastor te chen pawhin, kan beih phawt chuan member hla kan tih fo te hian Lal Isua hi pan duhna leh neih châkna nun an neih phah ngei ngei ang. Chu chuan chhungkua, mimal leh ram pum huap a sualna avanga kan buaina hi a ti tlêm ngei ang.
Pathian thu hril leh rawngbawlna hi status a tan te, eizawnna atan leh zahawmna atan mai a hmang tur kan nihloh zia hi Tirkoh Paula hian a hrechiang hle a, chuti ang nung lo tur chuan Timothe-a leh keini hi thu min pe a, min fuih in min zilh a ni. Theihtawp chhuah a rawngbawl thîn te hi Pathian leh mihring te hian an hai ngailo.
Tûn ah ngat phei chuan khawvel a changkang tawhin in awm tleina tur thil dang a tam tawh em em a. Pathian thu leh thu țha aia mahni mît leh thinlung ît zawng en tur a tam tawh a. Thutak lama beng chhu ngawng tlat an tam tawh em em a. Chumi laka chhanchhuak a nun kawng dik, Lal Isua hen hruai thleng tur chuan tih taktakna nun kan neih a ngai a ni.
Engkim a kan fimkhur a kan rawngbawlna hlen tur a kan beih phawt chuan Pathian in mal min sawmin kan bula Lal Isua la nei ve theilo, nun tuihal mek te leh A awm pawh ringlo hial tute hian Pathian chu an hmuh phah ngei ang. Keimahni ah hian Lal Isua a nun a a lal phawt chuan he kan thil neih hlu tak hi nei ve turin mi kan hruai thei ang. Thu kan sawi thiamlo emaw tawngkam kan thiamlo emaw a ni thei e. Mahse kan hril leh sawi chhan zawk Lal Isua kan neih phawt chuan kan rawngbawlna hian rah tha a chhuah ngei ang.
Information Technology țhatna leh sânna khawvel, thalaite leh mi nawlpuiin Social Media kan buaipui a kan âtchilhna khawvel ah kan chêng mek a. Mihring finna a sangin kan theihna, kan thil tih theih a thuk in a ril tawh hle a. Chutih lai mêk chuan he khawvêl changkâng tak hian kan nun a eichhia in mi tamtak te nun beidawnna ah a hruai lût a. Pathian thu aia helam a thil awm kan ngaihven zâwk te hian kan thlarau nun a khawih chhe tel a. Chu chuan kan chhungkua, Kohhran leh mimal a rûn mek a ni. Chuti ang harsatna tâwk, nun beidawng mêk leh chhanchhuah ngai, Pathian awm pawh ringlo te chu engtin nge kan tanpui ang a enge kan mawhphurhna?
Bible châng kan tarlan khi Paul-a'n Rawngbawltu la naupang tak mai Timothe-a a fuihna a ni tih kan hre țheuh awm e. He thu hi ngun taka kan en chuan kan tunlai boruak nen hian a inmil in keini ringtute chuan kan tih makmawh tur niin a lang.
A țawngbul Greek lam ah chuan 'thu chu hril rawh' a tih hi 'ἐπίστηθι (epistēthi), 'Imperative word' a ni a. Chu mi awmzia chu thu hril hi thupek nghet, loh theih loh, kan tih mâkmawh a ni. Chu mai a la nilo a, kan peih châng leh kan rem chan lai, kan phûr lai leh hun rem chang a hril mai tur kan ni lo. A hun (εὐκαίρως- eukairōs-in season) ah te, a hun lo ah (ἀκαίρως-akairōs-out of season) te hril tur kan ni.
Kan bul a harsatna tâwk, Pathian awm ringlo leh nun beidawng, mahni nunna hial pawh lâk duh khawp a awm te hian Lal Isua an hmuh theihna tur chuan kan nun ah Lal Isua hmuh hmasak an duh avangin kan theih tawp chhuah a kan hrilh an ngai. Misual leh piangthar lo ni a kan ngaihte hian nasa takin kan nun dan ah Lal Isua hmel an zawng a ni.
Ruihhlo ngai, Aids vei, Jail tâng mek, Pathian awm pawh ringlo adt hnen a Chanchin Țha hril tur hian keini hi koh leh mawhphurhna pek kan ni a. Chu kan mawhphurhna hlen tur chuan englaipawh a inring tur leh taihmak chhuah reng tur kan ni. A nuam lai leh lângsar lai, a huau huau lai leh a phawvuak ringawt a thu hril tur kan nilo. A hun lo leh remchang lo lai, a hreawm lai ah pawh hril tur kan ni. A nuam leh lang sar chauh a rawngbawltu chu misual kan tih te hian an hmuh hmaih lo a, Setana ti lawm tu mai kan ni.
Chuti ang tak a taihmak chhuah a Kohhran hrang hrang a hruaitu, thu hril tu leh Pastor te chen pawhin, kan beih phawt chuan member hla kan tih fo te hian Lal Isua hi pan duhna leh neih châkna nun an neih phah ngei ngei ang. Chu chuan chhungkua, mimal leh ram pum huap a sualna avanga kan buaina hi a ti tlêm ngei ang.
Pathian thu hril leh rawngbawlna hi status a tan te, eizawnna atan leh zahawmna atan mai a hmang tur kan nihloh zia hi Tirkoh Paula hian a hrechiang hle a, chuti ang nung lo tur chuan Timothe-a leh keini hi thu min pe a, min fuih in min zilh a ni. Theihtawp chhuah a rawngbawl thîn te hi Pathian leh mihring te hian an hai ngailo.
Tûn ah ngat phei chuan khawvel a changkang tawhin in awm tleina tur thil dang a tam tawh em em a. Pathian thu leh thu țha aia mahni mît leh thinlung ît zawng en tur a tam tawh a. Thutak lama beng chhu ngawng tlat an tam tawh em em a. Chumi laka chhanchhuak a nun kawng dik, Lal Isua hen hruai thleng tur chuan tih taktakna nun kan neih a ngai a ni.
Engkim a kan fimkhur a kan rawngbawlna hlen tur a kan beih phawt chuan Pathian in mal min sawmin kan bula Lal Isua la nei ve theilo, nun tuihal mek te leh A awm pawh ringlo hial tute hian Pathian chu an hmuh phah ngei ang. Keimahni ah hian Lal Isua a nun a a lal phawt chuan he kan thil neih hlu tak hi nei ve turin mi kan hruai thei ang. Thu kan sawi thiamlo emaw tawngkam kan thiamlo emaw a ni thei e. Mahse kan hril leh sawi chhan zawk Lal Isua kan neih phawt chuan kan rawngbawlna hian rah tha a chhuah ngei ang.
Comments
Post a Comment