Ka thlan tirh che khan ka thlang satliah lo che a, kan dam chhung hun hi kan pahnih a Lal Isua tan a hmangzo dun turin ka thlang che tih kha I hriat ka ring. Chuti ang tur chuan kan inbuatsaih sauh sauh a nih kha. Kan hlim dun a ni tiraw?
Mahse keimah zawk kha ka dik talo roh a-Lal Isua ai khan ka nun ah I lal a, thu I nei zawk ta tlat a. Chuchu nang min petu Lal Isua khan a lo remtilo tih hi tun ah hian chiang takin ka hria-nangpawhin I hriat kha!
Kan inthen hi ka ring ngailo a, I rin bikloh kha. Kan hmalam hun te sawi dun in kan hlim thin zia kha. Zan a tawi a, chhun in min daih ngailo a, kan inhmangaih thu kha nikhat ah vawi 7 aia tam kan sawi dun ziah a nih kha. Mahse, Lal Isua khan hmun a chang tlem tial tial a nih kha tiraw?
Ka lungngaih ber lai te, ka hlim ber lai te, ka that ber lai te a ka bul a awm tlat a, thihna kut vawt in min chelh mek lai pawh a ka bul a awm turin ka duh che a, ka thlang che nih kha-chuti ang chiah chuan nangpawh in min thlang a, a zawng zawng in kan inthlang tih ka hria.
Ka tlinlohna zawng zawng te I hria a, ka tha tawklo a, ka tling tawklo I tan-I hriat vek kha. Chuti ang chuan kei pawh in I famkimlohna kha ka hmuh hmai bik lo. Mahse, chung zawng zawng chu hmangaihna vang chauh a inngaidam tawn in kan hmalam kan thlir dun a nih kha- a dik zel tiraw?
Mahse….Lal Isua in hmun a chang lo tlat kha a pawi ta ber chu ni! Bul min tan sak tu kha sir ah ka hnawl palh hlauh mai a-nangmah avang in. Chu chu a lo duh silo a-bul min tan sak tu leh nang min petu hian. Ka natna ngei tur leh Amah bello theilo a min siam turin nang chu min chhuhsak ta nih kha.
Ka pawm vek a, thiamloh I nei lo-engkim hi ka ngaihtuahnawn pawh in ka thiamloh a ni-Lal Isua aia ka thlang che hi ka thiamloh a ni. Nangnen kan nun a inzawm tawhloh hnu a I awm dan hi chu I thu thu a ni a, sawi phak leh sawi theih ka neilo a, keima tih dikloh vek a ni tih hi ka pawm a, ka haw theilo che.
Amah nen a nghet taka bul tan tur a min duh tu Lal Isua hian nangnen thla nga hun min pe a, kum nga lo awm tur a ka awm dan a zir in, a laia Lal Isua nghet taka awm in A tan kan pahnih ngei a A rawng kan bawl dun a nun kan intawm hi ka la beisei fan a ni-mak ka ti a, mak ka ti takzet! He beiseina hi keimah atang a chhuak nge A ropuizia min hmuh tir duh vanga heti ang a min zirtir tih hi ka hre lo. Mahse, zirtir chu min nei ngei a ni-nangmah atang hian.
Beiseina atthlak, suangtuahna lungmawl mai pawh lo nise ka vui lo e. Nangmah vang hian Lal Isua hi ka hnaih leh zual phah a, ka mamawh engkim min pek zia te, a hmangaihna ka hnawl-A tan a nat tur zia te hi ka hriatthiam phah a, ka va lawm em-I chung ah hian! Nangmah vanga ka thahna, ka atna leh natna phena malsawmna ka dawn hi min hmuhpui la-min lawmpui ve tho in ka la ring che sin!
I kut vuan a, ka bula ding a-I hlim lai ber leh lungngaih lai ber pawh a I tan a hmangaihna nen a lo ding chhuak tur ka nih theihna tur in nang ka hmangaihna aia thuk a Lal Isua ka hmangaih hmasak hi ka tan a ngai tlat a ni. Ni e, lo va kal la, hlim takin I hun lo va hmang rawh. I lo let ta ngailo nih pawhin Lal Isua ka la nei tal dawn a-ka mal dawn lo.
Kan awm dun lo hlen ta a nih pawhin ka vui lo. Ka hmangaih zia che hi engtikah emaw chuan I lo hrechhuak ve leh mial mai thei a, mahse kei aia hmangaih tu che an awm tih hi theihnghilh ngai suh-chu chu Lal Isua a ni. Kei ni inhmangaihna chu tawp chin nei, natna leh tahna kengtel, beidawnna leh thinrimna, inhuatna keng tel te a nih nuai kha!
Lal Isua hmangaihna chu kan hnawl nasat poh leh a thuk a, kan hmangaih let zawh poh leh min hmangaihna a nghet thung a nih kha. Kan kalsan hlat poh leh min hmangaihna chu a zualin min zawng a, kan lo chhan let ve hun a nghak reng a. Kan chhan let hun a chatuana A hmangaih kan nih tawhna turin chatuan nunna min pe hial a nih hi.
Mahse keimah zawk kha ka dik talo roh a-Lal Isua ai khan ka nun ah I lal a, thu I nei zawk ta tlat a. Chuchu nang min petu Lal Isua khan a lo remtilo tih hi tun ah hian chiang takin ka hria-nangpawhin I hriat kha!
Kan inthen hi ka ring ngailo a, I rin bikloh kha. Kan hmalam hun te sawi dun in kan hlim thin zia kha. Zan a tawi a, chhun in min daih ngailo a, kan inhmangaih thu kha nikhat ah vawi 7 aia tam kan sawi dun ziah a nih kha. Mahse, Lal Isua khan hmun a chang tlem tial tial a nih kha tiraw?
Ka lungngaih ber lai te, ka hlim ber lai te, ka that ber lai te a ka bul a awm tlat a, thihna kut vawt in min chelh mek lai pawh a ka bul a awm turin ka duh che a, ka thlang che nih kha-chuti ang chiah chuan nangpawh in min thlang a, a zawng zawng in kan inthlang tih ka hria.
Ka tlinlohna zawng zawng te I hria a, ka tha tawklo a, ka tling tawklo I tan-I hriat vek kha. Chuti ang chuan kei pawh in I famkimlohna kha ka hmuh hmai bik lo. Mahse, chung zawng zawng chu hmangaihna vang chauh a inngaidam tawn in kan hmalam kan thlir dun a nih kha- a dik zel tiraw?
Mahse….Lal Isua in hmun a chang lo tlat kha a pawi ta ber chu ni! Bul min tan sak tu kha sir ah ka hnawl palh hlauh mai a-nangmah avang in. Chu chu a lo duh silo a-bul min tan sak tu leh nang min petu hian. Ka natna ngei tur leh Amah bello theilo a min siam turin nang chu min chhuhsak ta nih kha.
Ka pawm vek a, thiamloh I nei lo-engkim hi ka ngaihtuahnawn pawh in ka thiamloh a ni-Lal Isua aia ka thlang che hi ka thiamloh a ni. Nangnen kan nun a inzawm tawhloh hnu a I awm dan hi chu I thu thu a ni a, sawi phak leh sawi theih ka neilo a, keima tih dikloh vek a ni tih hi ka pawm a, ka haw theilo che.
Amah nen a nghet taka bul tan tur a min duh tu Lal Isua hian nangnen thla nga hun min pe a, kum nga lo awm tur a ka awm dan a zir in, a laia Lal Isua nghet taka awm in A tan kan pahnih ngei a A rawng kan bawl dun a nun kan intawm hi ka la beisei fan a ni-mak ka ti a, mak ka ti takzet! He beiseina hi keimah atang a chhuak nge A ropuizia min hmuh tir duh vanga heti ang a min zirtir tih hi ka hre lo. Mahse, zirtir chu min nei ngei a ni-nangmah atang hian.
Beiseina atthlak, suangtuahna lungmawl mai pawh lo nise ka vui lo e. Nangmah vang hian Lal Isua hi ka hnaih leh zual phah a, ka mamawh engkim min pek zia te, a hmangaihna ka hnawl-A tan a nat tur zia te hi ka hriatthiam phah a, ka va lawm em-I chung ah hian! Nangmah vanga ka thahna, ka atna leh natna phena malsawmna ka dawn hi min hmuhpui la-min lawmpui ve tho in ka la ring che sin!
I kut vuan a, ka bula ding a-I hlim lai ber leh lungngaih lai ber pawh a I tan a hmangaihna nen a lo ding chhuak tur ka nih theihna tur in nang ka hmangaihna aia thuk a Lal Isua ka hmangaih hmasak hi ka tan a ngai tlat a ni. Ni e, lo va kal la, hlim takin I hun lo va hmang rawh. I lo let ta ngailo nih pawhin Lal Isua ka la nei tal dawn a-ka mal dawn lo.
Kan awm dun lo hlen ta a nih pawhin ka vui lo. Ka hmangaih zia che hi engtikah emaw chuan I lo hrechhuak ve leh mial mai thei a, mahse kei aia hmangaih tu che an awm tih hi theihnghilh ngai suh-chu chu Lal Isua a ni. Kei ni inhmangaihna chu tawp chin nei, natna leh tahna kengtel, beidawnna leh thinrimna, inhuatna keng tel te a nih nuai kha!
Lal Isua hmangaihna chu kan hnawl nasat poh leh a thuk a, kan hmangaih let zawh poh leh min hmangaihna a nghet thung a nih kha. Kan kalsan hlat poh leh min hmangaihna chu a zualin min zawng a, kan lo chhan let ve hun a nghak reng a. Kan chhan let hun a chatuana A hmangaih kan nih tawhna turin chatuan nunna min pe hial a nih hi.
Comments
Post a Comment