ZADENG

Chapter 37 Khuanu Samsuihloh zawng Rinawma pawh an khaw lam ah awm in, Kohhran ah leh inchhung khur tan a theihtawp chhuah in a inhmang a. A duhthusam angin Mali nen chuan an inkar chu a tawp dawnlo tih a hre thiam tawh a, pawm harsa a ti hle a. WhatsApp ah leh phone call pawhin a be tawh ngai lo.  A chang chuan a lungleng thei em em a, an hun leh nun hlui te chu theihnghilh tum fo mahse a hrechhuak leh thin a. Kum tawp lamah chuan Aizawl a kal a, Pro. Pastor interview tur in, mahse a tling lo. A tawpna ber atan tiin Mali chu lehkha a thawn a. Chumi pah chuan Missionary turin a interview nghal a. Pathian zarah Missionary tur chuan a tling ta hlauh a. Mali lehkha a thawn dan chu heti ang hi a ni.  Mal,  Tunah hian Aizawl ah ka awm mek a, ka thlenin tukverh atangin in in lam ka lo thlir fo a, ka lung a leng khawp mai. Nangnena kan hun leh nun hman tawh te kha ka ngaihtuah let fo a, i bula damchhunga awm hi ka duh a, mahse chu chu a theihloh tih hi ka pa...

Chapter 35 Hun ka mamawh Zirna avangin Mali leh Rinawma pawh chu inbe em em loin Thla 2 chhung zet chu an awm a. Mali chuan țha takin Mass. Com chu a exzam zo a. Rinawma pawh chuan a thil zirlai chu țhatakin a exzam zo bawk a. Final Year ve ve an nih tawh avangin result țha tak chu an beiseiin an nghak ru ve ve a nih ber chu.  College an lo chhuah san dawn tak avangin Rinawma chuan a bungrua chu Taxi a phur in Dawrpui Vengthar a a'n chhungte in ah chuan a innghat a. Zan ah chuan Mali te in ah chuan a zuk leng a. Dar 7:03PM "Mal, hei Pathian khawngaihna in kan zirlai ve ve chu țhatakin kan zo ta a. Kan 2 hmalam hun hi eng nge nita ang le?" "Ka hre bîklo...ka hul e! Hahaa!" "Engtia awmzel nge i tum?" "Ph. D hi tih leh ka duh a, chumi nghah pah chuan Sikul ah thawk turin min sawm a - Chaltlang ah...Higher ah nia..." "A țhat hlauh chu....." "Nih...nang eng nge i 'plan' deuh a?"...

Zaithiam hrang hrang te'n an sak țhin 'Sawi nawn leh rawh' (Thiam tawk tea ka ngaihtuah hian) tih hla hi ka hriat hmasakna ber chu Lalremruati (Naem-i) sak, kum 2004 ah khan a ni.  A thlûk leh a thu hi nalh ka ti êm êm țhin a, mi a ber tan pawh a hriatthiam awlsam in a thu hi a tluang a, a thlûk hi a nalhin a satu khan a sa thiam em em bawk. Khatih lai khan naupang mai kan la ni a, a phuahtu pawh ka hre lem lo. Ka nu kha he hla 'Sawi nawn leh rawh' tih hi ka zawt a, an tet laia a lar țhin zia thu min hrilh a, nalh ka tih em avang khan kan han sa dun nghe nghe a nih kha! Hun a lo kal zel a, kum 2016 a ATC a BD ka zir kumin Leitan South Kohhran a kan inkhawm fo hnu ah, Sunday Sikul Superintendent Upa K. Lalthanzama chu he hla mawi leh țha tak mai hi a phuahtu a nih thu min hrilh a, a phuahtu hi zawh chian tumin hun rem chang ka nghak ta reng a, tichuan ka zawt chiang thei ta a, ka lawm hle. He hla 'Sawi nawn leh rawh' tih hi kum 1976, Path...

IAS pakhat hian ni 28 October 2017 tlai dar 5:00PM a Manchester United leh Tottenham inkhel kha 'live' in internet katlang in a en ve ngei a, mahse a nawi hle! IAS lai a nih avangin an in ah awmlo in hmun dang ah hna avangin a zin chhuak chu a ni ve ngei ang. Chuvangin Hotstar kal tlangin inkhel chu a en ve a. Tv lamah Minute 17 zet an khelh tawh laiin, Minute 4 na vel chu 'live' en in a en ve a, WhatsApp Group ah a lo la 'update' ve zut zut zui!  Rahsford free kick pet chu 10Mins zet a liam hnu ah 'A va bon ve!' tiin a lo comment leh nulh bawk a. A upadate na WhatsApp Group te an mangang a, chîk takin a en dan an han zawt chiang a, 'live' lo lai hlir a lo en chu niin!  Hnuhnawh takin a'n siam țha a, 15Mins ațangin 39Mins ah a'n 'jump' dawrh a, 'live' telecast mêk, 'jump' a en awm chhun a ni hial awm e-IAS leh nghal!  Heti tak maia a nawi hi, a châng chuan IAS a ni tak taklo emaw ni aw tih hial tu...

CHAPTER 33 Happy Birth Day Krismas a'n zo a, Rinawma leh Mali te pawh class tan leh turin an inbuatsaih chho mek a. Rinawma te College chu ni 11 January ah an tan a. An College chu a vawt in, mawza lum leh  lukhum lum nen an inthuam thlap zel a.  College a luh chhoh hma in Rinawma chu Dawrpui Vengthar ah a thleng a, Mali te in ah chuan zan khat a zuk leng a. Mali te chhungkua nen chuan kum thar chibai an in buk liam liam a, an hlim hle. Zan dar 9 a rik chuan Rinawma pawh chu a thlenin lam pan chuan a haw chho ta a. Mut hmun ah Mali nen chuan an in WhatsApp a- "Mal...naktuk chu kan college thleng chuan min lo thlah hman ang maw?" "Um...a nu te'n an phal tawh kha...mahse mahni chauh chuan ka zak deuh a...." "I thiante lo sawm la ni mai lawm...." "Nia...ka lo ngaihtuah ang...kan kawmchhak a mi U Chami khi han sawm ila tha ang tiraw?" "Kha lam chu i thu thu ni mai...Dar 2 vel ah Hostel pana chho kan tum ...

Chapter XXXI   Krismas! Rinawma chu Krismas hmang tur chuan an khaw lamah chuan Inrinni zingah chuan a haw ta vang vang a. Haw kawngah chuan a khat tawkin Mali nen chuan WhatsApp lamah an inbe phei zauh zauh a. Driver chuan Krismas hla nalh tak tak chu a 'play' phei deuh reng bawk a.  Chawhnu dar 2 velah chuan Rinawma chuan an in a thleng a, chhungkaw kima an han inhmu leh chu an hlim ho dar dar hle a. An uihvulh Katty chuan a'n bauh that that naa, reilo te ah chuan a nel zui ve ta mai a, Rinawma mal chungah chuan a bawk hle hle a.  In a tawmim theilo tih takah Rinawma chu a'n inbual sawk sawk a, a leng kual leh ta zuai zuai a. Tlai chaw ei dawn ah a haw chuan a nu in Thawtanni zingah Krismas Chhang tur Kawnglawng den a ngaih thu a hrilh chuan Rinawma chu a lawm in a phur hle a. Zochhang ban hi chu a tet lai atang tawh a tukthuan aia a ei fo thin kha a ni a, a eilohna a rei tawh bawk nen, a phur hle. A haw zan chuan inkhawmin, Kohhran member te'n...

Chapter XXIX Kan Inngaizawng ang! Rinawma leh Mali chu Krismas chawlh hmang tura a haw hma in Rinawma te thian Arsenal Fan Rintei te in Chaltlang ah Arsenal Fan ho chaw eikhawmna ah an kal a. Chutah chuan Rinawma thiante ho nen chuan hlimtakin chaw an eikhawm a. Zan dar 7:30PM ah chuan Mali chuan Scooty khalhin Rinawma nen chuan Vaivakawn lam panin an haw dun a. Kalkawng ah chuan an inhnial ta a. "Mali, Chelsea kha i tan ve em kha?" "Tan rum rut...Arsenal ho hi in champion leh awm silo a...hahhaaa" "Nangni pawh in champion awmlo e...Manchester City an kal vung em mai!" "Kan champ' leh dawn...nikum pawh kan champion kha aw..." "In champ' lo ang....in champ' ai chuan Arsenal champion pawh a hope awm zawk!" "Hm...nangni sum ren lutuk leh naupang deuh deuh khel thin kha in champ' dawn lo...Chelsea kan champ' dawn!" "Ve che...kan champion dawn!" "Ve zawk a che...