KAN INNGAIZAWNG EM?

Chapter XXIX

Kan Inngaizawng ang!

Rinawma leh Mali chu Krismas chawlh hmang tura a haw hma in Rinawma te thian Arsenal Fan Rintei te in Chaltlang ah Arsenal Fan ho chaw eikhawmna ah an kal a. Chutah chuan Rinawma thiante ho nen chuan hlimtakin chaw an eikhawm a. Zan dar 7:30PM ah chuan Mali chuan Scooty khalhin Rinawma nen chuan Vaivakawn lam panin an haw dun a. Kalkawng ah chuan an inhnial ta a.

"Mali, Chelsea kha i tan ve em kha?"

"Tan rum rut...Arsenal ho hi in champion leh awm silo a...hahhaaa"

"Nangni pawh in champion awmlo e...Manchester City an kal vung em mai!"

"Kan champ' leh dawn...nikum pawh kan champion kha aw..."

"In champ' lo ang....in champ' ai chuan Arsenal champion pawh a hope awm zawk!"

"Hm...nangni sum ren lutuk leh naupang deuh deuh khel thin kha in champ' dawn lo...Chelsea kan champ' dawn!"

"Ve che...kan champion dawn!"

"Ve zawk a che....in pu 'Mr. Bean-a' hian a champion pui thei tawhlo che u...Conte ho in kan champion dawn...player kan nei tha zawk!"

"Min hniallo mai teh...kan champion dawn ...kan insiam tha mek...."

"Nangni Champion League  pawh khel phalo kha chu e...hahhaa..."

"Nangni pawh nikum ah inkhelh bikloh kha aw...min hnial renglo mai teh..."

"Mi hniallo zawk mai rawh...Scooty tang hian ka chhuk tir daih mai ang che...hahhahahaa"

"Hm....kan champion dawn a ni mai!"

"I chimawm siah! Inchawi ila...."

"Chiah? Eng nge kan inchawi ang a?"

"I duh duh ni mai lawm...kan champion dawn hrim hrim...."

"Nih...tun season a in champion chuan Rs. 1000/- ka chawi ang a, kan champion erawh chuan inngaizawng nghet tak tak ang aw-confirm in?"

"Hahhaa....i duh tak tak a mi?"

"Duh e....kan inkar hi a buaithlak.... a chang chuan thian kan ni te hian ka hre leh thin..."

"Thian chu kan ni lawm...i duh ang chuan inchawi ila..."

"Um...in in kan thlen ve leh ziakin kan dah ang..."

"Hahhaa...aw le..."

Mali te in kawt ah thlen hnu chuan Scooty chu an dah tha a. In ah chuan an lut a, Mali nu leh pa te chuan Electric Sikri aiin an lo nghak a. Mali leh Rinawma pawh chu Sikri ai chuan an thu ve a. Thingpui te an in zawh hnu chuan...

"Mali....paper ve la rawh...kan inchawina chu ziak ang..."

"Hahhaa.....aw le...."

Heti ang hian an ziak a, hming an sign ve ve a-

INCHAWINA

Tun Season ah hian English Premier League ah Arsenal an champion chuan Mali leh Rinawma te chu nghet taka inngaizawngin, palai te pawh tirh nghal theih a ni ang a. Chelsea an champion erawh chuan Rinawma'n Mali Rs. 1000/- a pe ang!

(LALRINAWMA)                                                                                        (MALSAWMTLUANGI)

Copy 2 an siam a...pakhat ve ve chu an kawl tha ta a. Hemi zan hian krismas lam hawi eng eng emaw sawiin Mali te chhiangkua nen chuan Rinawma chu an inkawm a, dar 9:27PM ah chuan Dawrpui Vengthar lam pan chuan a haw ta a. A tuk zing dar 6:30AM a Lunglei lam pan tum rilru chuan Rinawma chu a muhil ta a.

End of Chapter XXIX) 

 

Chapter XXX

   

Dar 1 thleng!

 

Hei, eng tin tin emaw chuan Chapter 30 lai kan lo phuahchawp chho ta reng ami. Thenkhat hian a tawi thei lutuk hi an lo thin a. Thu hi sei tak ka ziak thiam lo. Article/Sermon ka ziah ve chang te pawh hian a tawi thei lutuk a, chanchinbua chhuahtute'n ziah belh turin min ti ve fo thin. 

Tunlai phei chu 2nd Semseter kan tan leh tawh avangin assignment kan nei chho tan a. Library ah assignment ka tih zawh hnu 30 Mins vel chhung hian 'story' hi ka'n ziak leh zawk zawk thin a. Hei tun ah pawh chawhnu dar 1 thleng chauh an hawn dawn avangin heti thleng hi ka lo ziak a ni. Chawhma lamah Assignment tiin ka buai ve bawk nen. 

Kan thawnthu hu thutak pai run leh puitling deuha ziah tum ka nilo a...chuti ang tur chuan ak thiamlo bawk. Mahse a kal zel ang a...nakinah chuan a la thutak chho ve viau mai thei. Zirtir nei leh Christian Ethics lam hawi te a ziah ka thiam lem lo.

Tunlai thalai te mil tawk, light leh zangkhai taka ziah mai mai hi ka thiam tawk a ni. Kan thawnthu a changtunu leh a changtupa te thil tawn hi mi 2/3 te tawn atanga ka lakkhawm te a ni a. Phuahchawp hlawm hlak a awm lo a, a tak hrul deuh vek  a ni. 

Ka ziah dan tur hi ka ngaihtuah lawk thiamlo a, Computer hmaa ka thut hian a lo lang chawpchilh ve mai. Chuvang te pawh chuan a ni ang nge- a ngaihnawm lemloh a a sei vak tak tak theihoh! A then hi chu a Article ziah tawh behchhana ka ziah te pawh a awm ve nawk mai!

Story chhiar thintute hian 'ziak zel rawh, a ngaihnawm, etc' tia in lo comment te hi chu awmlo se...ka ziak peih tawhlo ang. Nangmahni vang chauha he thawnthu hi awm leh zel a ni. Eng emaw min tihphur theitu hi kan mamawh ve reng a, chu chu nagmahni in ni.

A changtunu Malsawmtluangi hi tun lai chu a buai em em mai a. MZU-a Mass. Com a zir tirh, class kal tantirh laiin a in thlahdah reuh lutuk a, tunah hei a buai lutuk a, biak pawh kan inbe hman meuh lo! A tir lamah a inthlahdah em a, a chawh ngawt mai!

Tihian buai zantin se, 'online' tha hmanlo se, 'dissertation' ziak te hian baui reng se, a internet pack a heklo deuh ang a, pawisa te pawh a khawl thei ang chu. A damloh leh palh erawh a hlauhawm. A dmloh lai khan a zawi chhe lutuk a, a damlo thlalak hi engtikah emaw kan lo la post ang. Oxygen ni awm tak mai  a a kaah a vuah bur a, a thaw tha theilo a lo ni awm e.

Tarmit lian deuh vuah a ching a, "i hmai a te sia, pitar i ang" ka tihsak a, a thlak leh vel...lerh kawh hian!

A tarmit a thlak emaw, a thlaklo emaw, hmeichhe cher sang, sin rit ret, a 'over changa mit sial ki pel rawk khawpa mit dum ching, hang ve lam deuh, mi ngaihzawn der ching, chanchinbu chhiar hrat, ler lo ang deuh a lang ler ru em em, nunze zawi ang deuha lang mahse harh ru em em-e khai...duhtawk ang! 

(End of Chapter XXX)