KAN INNGAIZAWNG EM?

CHAPTER 33

Happy Birth Day

Krismas a'n zo a, Rinawma leh Mali te pawh class tan leh turin an inbuatsaih chho mek a. Rinawma te College chu ni 11 January ah an tan a. An College chu a vawt in, mawza lum leh  lukhum lum nen an inthuam thlap zel a. 

College a luh chhoh hma in Rinawma chu Dawrpui Vengthar ah a thleng a, Mali te in ah chuan zan khat a zuk leng a. Mali te chhungkua nen chuan kum thar chibai an in buk liam liam a, an hlim hle. Zan dar 9 a rik chuan Rinawma pawh chu a thlenin lam pan chuan a haw chho ta a. Mut hmun ah Mali nen chuan an in WhatsApp a-

"Mal...naktuk chu kan college thleng chuan min lo thlah hman ang maw?"

"Um...a nu te'n an phal tawh kha...mahse mahni chauh chuan ka zak deuh a...."

"I thiante lo sawm la ni mai lawm...."

"Nia...ka lo ngaihtuah ang...kan kawmchhak a mi U Chami khi han sawm ila tha ang tiraw?"

"Kha lam chu i thu thu ni mai...Dar 2 vel ah Hostel pana chho kan tum dawn u nia..."

"Aw le....a vawt..."

"Nia...a vawt ang...i cher em a.."

"Hm....chimawm!" (Hmaisen 2)

"I cher ve em a...a vawt i tilo thelo..."

"Cher e....ka thau hunah i la chaklo ang!"

"I cher lai pawhin ka chak chuang lo..."

"Kal mai teh..."

"Khawi ah..."

"Hre lo..."

"Muhil ang....i nawi em mai..."

"I nawi fe..."

"Aw le....naktuk chu aw.."

"Peihlo..."

"Hm....ngati?"

"I chimawm em mai!"

"Hmeltha an thinrim ngailo...."

"Bleh..."

"Bryan Adams hla sak ah eng nge nalh i tih ber?"

"Tinge...?...'Please Forgive Me' kha ni ang..."

"Kha kha zanin a ka ngaihdam dilna hla che aw...."

"Hm....phakar..."

"Chuan i ngaihthlak zawh ah 'Everything I Do' kha lo ngaihtla leh ang che...."(Love lem 5)

"Um...mi tihlungawi i thiam si..."

"Muttui...i thinrim leh hma in..."

"Haahahhhaa...Muttui le,..."

A tuk lam ah chuan Rinawma pawh Hostel lut tur chuan a insiam a. Mali te chu a thlenin ah Chami nen lo chho in an lo insiam pui ve a. Chhun ah thingpui te in in chawhnu dar 2 vel ah chuan Taxi in Rinawma te College lam pan chuan an chho ta a. 

College ah chuan mi engemawzah an lo thleng tawh a, Rinawma room thleng chuan Mali leh Chami chuan an zui lut ve a, tawngtaina te neiin chuti ang chuan an in thlah fel a. Taxi vek chuan Mali leh Chami chu an haw thla leh ta a. 

Mali leh Rinawma pawh chuan Class kalin kartawp ah an inhmuh zawk thin bak chu an inhmu in an inbe hman meuh lo a. Mahse ni 21 January chu Rinawma 'Birth Day' a ni a, Inrinni a nih bawk avang in lawm dan tur an ngaihtuah a.

Rinawma thiante Arsenal Fan ho chuan Chaltang ah Rintei te in ah chaw eikhawm leh nise tiin an rawt a. Sum leh pai an thawhkhawm liam liam a, Mali leh Rinawma erawh chu thawh ve an phallo a. Chuti ang chuan Birth Day lawm turin an inbuatsaih chho ta a.

Ni 21 a lo thlen chuan chawhma dar 11 ah chuan Rintei te in ah chuan Arsenal Fan, Rinawma thiante- Mala, Lawma, Sangzuala leh Buanga te chu fatu ah tangin Arsa an kang a. Temawia erawh chu Duty a la neih avngin dar 3 vel ah bak a lo kal hman loh tur thu a sawi a. Chutih lai chuan Ely leh Angaihi te'n Rinawma 'present' tur an lo lei mek bawk a.

Mali chu chawhma lam ah inchhung sekrek a khawih fel hnu ah dar 12 vel ah chuan a lo kal hman thu a lo hrilh a. Rinawma chuan Chaltlang DIET peng ah chuan lo nghakin, dar 1 vel h chuan Rintei te in lamah chuan an chhuk dun ta a. Rinawma thiante chuan an lo chibai liam liam hlawm a. 

Chaw ei tur chuan an inbuatsaih sawk sawk a, tlai dar 4 a lo rik chuan an inpeih kim thaw khat a. Temawia pawh a duty na atanga lo kalin, patling awmchhun a ni bawk a, hun an kai hruai a. 

"Le...hei zanin tlai ah, Birth Day hlimawm tak kan hmag thhei dawn a, a lawmawm hle mai. Ka tawngtai a, chumi zawh present kan in pe dawn nia."

Temawia chu a'n tawngtai zo a, Birth Day candle chhi turin Sangzuala chu a'n tir a. Bati ung tawh tah, a khum pawh dum nguan nguan mai chu an lo lek chhuak a, Sanzuala chuan a lighter chuan a'n dep kai a. Nui thu chungin 'Happy Birth Day' tih kha an sa rual thap thap a, kut an beng dur dur a. 

"Bati ung tak kan hman chhan chu Rinawma hi a dum em a, a in 'match' kan ti a ni" 

Temawia chuan a'n ti a. Birth Day Cake lo la turin Ely chu a'n tir zui a. Lehkha a fun in Ely chuan Paratha kan ro pahnih hi dawh kan ah chuan a lo chhawp a, Rinawma chu a laia thuai bung a ei tuirn an lo ti a. Rinawma pawh chuan lawm takin Paratha chu a'n thuai bung a, an ei a, Mali pawh chu a'n barh ve a!

Chuti ang chuan hunserh ni ve awm tak chu an hmang zo a. Chumi hnu chuan Rinawma chu Arsenal Towel, Bucket, mawza bun 3, puankawp 2 leh Arsenal lukum lum an pe a, Mali nen chuan chung an thil pek chu la in an lo ding dun a, kut an beng dar dar a, zanriah chu an kil ho ta a.    

(End of Chapter 33)

CHAPTER 34

Vaipa!

Malsawmtluang chu bung hmasa ah khan ka theihtawp chhuah a ka fak thu ka ziak tawh a, mahse WhatsApp lamah a inbox atang chuan a la lawm chuanglo cheu mai!

"Mali, kha i chimawm ka tih kha ka ti tawhlo a, ka fak vak tawh che khi i lawm em?"

"Min ti duhdah bawk a, i hre viau ang..."

"Awihawmloh e...ka theihtawpin ka fak tawh ch ekhi..."

"I la hre dawn lawm"

"Lungawi tawh la..."

"Vaipa!"

"Eng maw?"

"Vaipa...nuam lo takin hun hmang ang che.."

"Vai ka nilo!"

"I tluang chuang lo ang.."

"Khai...chuti ang tur a nilo.."

"Min ti duhdah bawk a...i la hre dawn a lawm...Vaipa!"

"Teuhlo...ka duat che sin...ka theihtawp chhuah in...hei ka fak nasat che em hi...model, painnalh, hmeltha, hang ngaihnobei...ka thiamna zawng zawng leh thiehna zawng zawngin ka fak che sin...!!"

Tihlungawi dan vak ka thiam tawh lo a, Vaipa awm chuan ka awm chho ta vel mai mai a. A buai thei em em a, zan ah hian dar 8:47PM thleng bak hi a online hman meuh lo. Ka sawi tawh ang khan a MZU luh tirh lam ah a inthlahdah a, ngaihzawng ringawt a buaipui a, a tawp ah a talbuai a ni a nih hi.

Lehkah zir lai tan chuan ngaihzawng neih that loh zia chu Malsawmtluangi atang hian a hriat hle! Tihian a ni pawh...online nuam ti em em, zan dar 11 ah pawh la meng ker thin kha, tun ah chuan a zirlai vangin a buai a, a 'online' hman meuh tawh lo. A buai em em tawh mai a, mark hmuh that a duh ve si a, a inbuatsaih ngawrh ve hle. Fail hlauh se ka ti ngawt mai!

'Vaipa' min tih tak reng hnu ah chuan runluih nan ka zuk b eleh a...

"'Ka dam zo lo'ng' tih Pantei sak kha tunge a phuah tu kha?"

"Ka hre lo.."

"Aw..a hma pawhin i hriat kha...min lo hrilh leh lawk mai teh.."

"I phone ah en ve mai la...ka buai a sin.."

 "Aw..ka room ah 4G theilo..mawh...vat vat.."

A reh deuh vang vang a...You Tube ah a phuatu lanna Music video a en chu a lo Screen shot a, WhatsApp ah min lo inbox a..

"I va hmeltha tak em.."

"Vaipa"

Vai bawk chu ka inbox dawn chhun a ni leh ta tlat mai. Hm...pawilo...Vai chu ni rih phawt mai ang.

Zirtawpni zing ah ka zuk be leh a...

"I tha maw? I muttui em?"

"Um..Vaipa"

Tihngaihna ka hre tawh lo hle mai a, Vaipa ka nih tawhloh dan tur nhi ngaihtuah that a ngai a ni. 

Vaipa thiannu Mali hi kan sawi tak ang khan Chinzah, Pawih Lal Hnam a ni a, Pawih Nula leh Vaipa kan inbia tihna nih ber tak chu!

Mawza pa a bun thin a, a thing reuh rapz! A WhatsApp status ah chu mawza lum- a eng (yellow)a par, dumka rawng deuh mai chu a lo la 'update' zui a, ka nuih zat lo-ka lai nat! A la inkhing lo zui a, a, pakhat a a dumah a engin a tial a, pakhat zawk chu a varah a engin a tial thung. 

Krismas ah pawh chawllo in lehkha zir se, zan rei tak tak thleng a men thin avangin a hmai bawl se, chat em em se...hah hle rawh se....lo che rem em bawk se la..

Tuna a thlalak kan dah hi kan tet laia Hitman bu ah emawni a misual pa 'Skeleton' kha min ti hrechhuak. Khap kha ruhro vek a nia, Chuti ang deuh chuan he thlalak pawh hi a cher ve khawp mai! Mahse a ni hi chu 'Model' a ni a, ruhro a ni lo.

Lerh hmasak chu a hnu a men rei na! 

(End of  Chapter 34)