Skip to main content

IAS 'LIVE' A INKHEL EN

IAS pakhat hian ni 28 October 2017 tlai dar 5:00PM a Manchester United leh Tottenham inkhel kha 'live' in internet katlang in a en ve ngei a, mahse a nawi hle!

IAS lai a nih avangin an in ah awmlo in hmun dang ah hna avangin a zin chhuak chu a ni ve ngei ang. Chuvangin Hotstar kal tlangin inkhel chu a en ve a. Tv lamah Minute 17 zet an khelh tawh laiin, Minute 4 na vel chu 'live' en in a en ve a, WhatsApp Group ah a lo la 'update' ve zut zut zui! 

Rahsford free kick pet chu 10Mins zet a liam hnu ah 'A va bon ve!' tiin a lo comment leh nulh bawk a. A upadate na WhatsApp Group te an mangang a, chîk takin a en dan an han zawt chiang a, 'live' lo lai hlir a lo en chu niin! 

Hnuhnawh takin a'n siam țha a, 15Mins ațangin 39Mins ah a'n 'jump' dawrh a, 'live' telecast mêk, 'jump' a en awm chhun a ni hial awm e-IAS leh nghal! 

Heti tak maia a nawi hi, a châng chuan IAS a ni tak taklo emaw ni aw tih hial tur a ni a. A luh kum hian an 'batch' ho hi an țha lo hle em ni tih hi zawhna lo piang nghal chu a ni țhin. Interview hi hmachhawn leh se, Private Sikul Sweeper ah hian a tlin ring lo ila, kan tisual lo mai thei!

IAS dang kan hriat M. Lalmanzuala, Lawmkunga adt te chu nise, he inkhel pawh hi 'live' tak tak in an en ngei ang. Kan IAS ve êm hi zawng, a ngihna awm lo. Ngaihsan hi tum mahila, a theih ngang loh! Zing țawngțai thupui a thawh mai chi a ni!

Mahse Perspective hran ațanga thlîr chuan, heti ang mithiam, IAS, Chennai a thawk mek hi keini dam chhung pawh a IAS nilo tur, Hindu rin dan a vawi 1000 pawh lo piang nawn mahila IAS ni ngai reng reng lo tur te bula fiam phâk, sawisak phâk, ngamtlâk theih a a awm hi ngaihsanawm ka ti em em țhin!

Mi induhlo tur, Officer lian a nih vanga in la 'raja' lo tur a nih zia hi a lang chiang em em a. A hnuai ah hian chawibelh pawh a hnathawh hi ka châk țhin. Hotu fel, inngaitlawm, indah lian lo, mi 'universal' tak a ni tih hi hmuhhmaih chi a nilo!

Lal Isua chu a nilo a, mahse a hnathawh leh a nungchang, rilru put hmang en hian Lal Isua ang maia 'Mi zawng zawng tan' a nih zia hi hmuh hmaih tum mahila a theih loh bur!

Sir Avena Renthlei IAS, kan tan, kan ram tan, Pathian tan lo dam zel ang che!

IAS ä ber erawh i ni!

Comments

Post a Comment

Popular posts from this blog

Lal Isua Hmangaihna

Ramhlun North Pastor Bial Zaipawl in kum 2013 a an sak Lal Isua hmangaihna tih hla, T. Laldintluanga phuah hi tun lai ah hrelo kan vang hle awm e. He hla hi Zaithiam hrang hrang te pawhin an sa a. Lal Isua hmangaihna hi kan tan a tawkin engkima engkimah a rintlak zia puanchhuahna ropui tak a ni tih kan hre awm e.     He hla phuahtu T. Laldintluanga, Ramhlun North hi tunah hian Synod Choir (2018-2020) Conductor ni mek a ni a. He hla a phuah dan chanchin hi ka va zawt a, PDF in min lo pe thlap a, a chung ah ka lawm hle.  “He hla hi kum 2013 a ka phuah a ni a, heng hunlai hian a bikin thalaite ah mahni intihlum te, ruihhlo avanga thihna te, thih thut thutna ang chi kha a tam em em a, ka phak tawkin ka vei ve hle a ni. Chung ka thalai pui sual in a tihbuai mek, mahni intihhlum duhna hial nei, nun beidawnga tap mek te pawh chu Lal Isua hmangaihna hian a nghak reng ni hian ka hria a. Emau kawnga khualzin pahnih ten an khawhar hnem tura Lal Isua an sawm khan an va...
Post a Comment
Read more

A saw raltiang tlangah, kraws hlun tak chu a ding

Lal Isua kan tana Kraws a a thihna hlut zia leh ropuizia puanchhuahna hla ropui ber pawl chu Rev. George Bennard phuah ‘A saw raltiang tlangah, kraws hlun tak chu a ding’ (The Old Rugged Cross) hi a ni ngei ang. He hla hi Kristian Hla Bu kan hman mek ah hian No. 203 ah a awm a, Lalmama (L) min lehlinsak niin, amah hi Mizo hla phuah thiam kan neih zinga a mi a ni a, he hla a lehlin pawhin hi a mawiin a nalh hle anih hi.   He hla phuahtu Rev. George Bennard (1873-1958) hi Youngstown, Ohio ah a piang a, naupangte anih aliin a pa hian a boral san a. Lungalhthei khura hnathawka eizawng chhungkua an ni thin. Kum 1912 ah he hla ropui tak mai hi a phuah a, Pathian thu changlar ber Johana 3:16 thu a chhiar tangin he hla hi a phuah niin an sawi. Rom sorkar in Lal Isua an khenbeh dan tur te, Lal Isua thisen lo chhuak tur te chu a ngaihtuah a. Tichuan Choka ah a rilru awm hla thu chu a ziak mawlh mawlh a, chumi hnu ah chuan Charles H. Gabriel, Chicago mi chu a hla ziak chu thawn a. K...
9 comments
Read more

BEISEINA NUNG

I Petera 1:3-9 A chunga kan tarlan Bible châng innghahna hi Petera te hun laia Asia Minor-a Kohhran țhang chak em em mai te chungchang lehkha a thawn ațangin a ni a. Helai 1:3-9 ah hian Pathian khawngaihnain Lal Isua tiha thawhnlehna hian beiseina nung min neih tir thu leh chu Lal Isua thiha thawhlehna chu kan chhandamna-chatuan nunna kan neih theihna tur a nih thu Petera hian min hrilh a. Beiseina hi keini ringtute chauh ni lo mi zawng zawng hian kan neih hi a pawimawh em em a. Beiseina hi mi rethei te chaw an ti hial țhin a ni. Miin beiseina a neih tawh loh chuan nun hlutna hi a hre tawh țhin lo a. Mi lar, zaithiam, Celeb etc pawh nise amah ah beiseina a awm loh chuan mahni intihhlum mai hi a thlang țhin. Hmanni lawk ah Linkin Park band-a an Vocalist Chester Bennington-a pawh inawkhluma an hmuh kha! Khang te kha a larin khawvelin an hriat nen-beiseina a neih tawh loh vang a ni ngei ang- a nunna kha amahin a inlak hial ni! Chuvangin beiseina neih pawimawh zia hi kan sawi ...
7 comments
Read more