KAN INNGAIZAWNG EM?

Chapter 35

Hun ka mamawh

Zirna avangin Mali leh Rinawma pawh chu inbe em em loin Thla 2 chhung zet chu an awm a. Mali chuan țha takin Mass. Com chu a exzam zo a. Rinawma pawh chuan a thil zirlai chu țhatakin a exzam zo bawk a. Final Year ve ve an nih tawh avangin result țha tak chu an beiseiin an nghak ru ve ve a nih ber chu. 

College an lo chhuah san dawn tak avangin Rinawma chuan a bungrua chu Taxi a phur in Dawrpui Vengthar a a'n chhungte in ah chuan a innghat a. Zan ah chuan Mali te in ah chuan a zuk leng a.

Dar 7:03PM

"Mal, hei Pathian khawngaihna in kan zirlai ve ve chu țhatakin kan zo ta a. Kan 2 hmalam hun hi eng nge nita ang le?"

"Ka hre bîklo...ka hul e! Hahaa!"

"Engtia awmzel nge i tum?"

"Ph. D hi tih leh ka duh a, chumi nghah pah chuan Sikul ah thawk turin min sawm a - Chaltlang ah...Higher ah nia..."

"A țhat hlauh chu....."

"Nih...nang eng nge i 'plan' deuh a?"

"Kan khuaah ka haw phawt ang nga...ka theih ang angin ka chhungte ka pui nga...Pathian zara dam chuan Pro. Pastor dîl ve te ka rilruk a kumtawp lamah.."

"Um...a va ropui dawn ve...."

"A....tlin a hma hma in....lo tling mial ila, inneih i duh ngem?"

"Ka hrelo...."

"Ka tlinloh phei chuan Missionary a kal ka duh a..."

Mali chu a ngawi reng a.....a mawza bun chu a siamțha nuap nuap a..

"Mal...diktak chuan kan inkar hi a la fel tak tak lo tih hi ka hria sin. Hei leh chen hi inkawp tawh mahila, thutlukna min siampui theilo tih ka hria...'

"Ni e....diktak chuan ka thiamloh a ni...i rilru tina tu mai mai ka ni ang tih ka hria...min ngei ngawt ang!"

"Ka hrethiam vek che lawm....i inpeih hun hi ka nghak thei che a...mahse engkim hi i thu thu a ni e!"

An ngawi dun ta vang vang a...a reh kher mai! Rinawma chu a rilru na ru hle mahse tihlan loh hram hram a tum a. Boruak tih zangkhai nan fiamthu eng emaw thawh a tum lai tak chuan-

"Rinawm, hun min pe rawh. Hun ka mamamawh"

"Mal, tehreng mai. Engtin pawhin min lo chhang ta la, lawm takin ka pawm ang"

"Ka lawm e. Mi țha tak chu i ni tih ka hria!"

"Mițha tak chu ka ni kher lo....mahse ka lawm e!"

Sawi tur a van chhoh tak em avang leh boruakin a zir lutuk tak loh avang chuan dar 8:34PM ah chuan Rinawma chu a haw chho ta a. Mut hmunah pawh Mali chu a be zui ta lem lo a. A tuk lamah an khaw lama haw tur a ni bawk nen, mutthilh mai chu a tum a.

Mahse a rilru chu a na ni! Lak zam tumin han theihnghilh tum mahse a thei lo! Kum khat a lo zui ve tawh Mali chuan a duh ang chhanna famkim a pe theilo a. Zanin ah phei chuan an inkar chu a tawp ta ni berin a hria.

'Hun min pe rawh' ti mahse a ring zo tak tak thei tawh lo. Kha leh chen kha hun  lo pe tawh a, mahse Mali rilru ah hian a changtupa ber hi a ni tak tak thei dawn lo tih a inhre tawh a, na hle mahse a pawm mai a ngai tawh ni. 

A rilru na dam tur chuan a ni pawhin hun chu a mamawh ve tho tih a inhria a. Chhel taka tuar dam tur chuan a rilru a siam fel ta a.  Chuti ang ngaihtuah chuan zan dar 1 thleng a meng a, a hnu ah chuan a muhil ve ta a.  

Zing dar 5 ah chuan Taxi in MC kawt a Lunglei Sumo dinna lam pan chuan a phei a. Kum 4 chuang Aizawl a lo awm ve tawhna chu vawiin ah a chhuahsan dawn ta reng mai a. A lung te pawh a leng deuh rum rum a. A hun tawn tamtak, hlimawm tak tak leh hlu tak tak te a ngaihtuah let a. A tawp ah chuan nizan lama Mali nen an inthlah dan chuan a ngaihtuahna chu a luah leh ta a, a ngui deuh hnâp a. 

Mahse thil dang ngaihtuah vat in Sumo ah chuan a lut a. Passenger dang te an lo thleng ve nak nak a, Sumo Driver Zualtea chuan motor chu ti nungin dar 6:30AM ah chuan Lunglei lam pan in an chhuak ta a. 

(End Of Chapter 35)

Chapter 36

Ruhro ka nilo!

Bung hmasa lamah Malsawmtluangi ruhro -Skeleton a a'n thu ka ziah kha a lawmlo leh hle a. Min lo WhatsApp leh nghek mai a!

"Ruhro ka nilo!"

"Ka be dawn tawh lo che!"

"Vaipa!"

Tih vak ngaihna ka hre lo. Ruah a sur duhin khua a vawt bawk nen. Ngaihdam ka dil ta ngawt a, vanneihthlak deuhin min lo ngaidam ve hlauh mai bawk a.

"'Story' hi tihtawp ka duh tawh. Kan inkar ah engmah awm tak tak silo a, phuahchawp reng hi ka thiam tawh lo!"

"I thu  thu lawm!"

"Mahse a chhiartute hian an dem vek dawn che a...."

"Ni e....ka hria lawm..."

"Ințhenna chhan tur hi engemaw chhuanlam țha tak lo siam la..."

"Ka hrelo.....ka ring mai ang che"

"Story hi a tawp rualin ka lo be zui tawh lo ang che"

"Um...i thu thu le"

"Mahse ka hawlo che a. Mi țha tak i ni tih ka hria. Ka thih tir khan lo thi hlen ila chuan a fuh daih zawk awm si a..."

"A vawt khawp mai...hei thil ka ziak mek!"

A assignment ziak mek lai 'photo' chu min lo sent a. A mit chu a sir pel rawk in a lo dum leh huam a!

"I lerh ve ngawt mai!"

"Hm....min hautu liana!"

"Hauh ngaiin i awm a lawm...beisei hi i phalo leh țhin"

"Engtin?"

"I nungchang, i dress leh i awm dan hi a lerh leh tlat  țhin"

"Hm....mu tawh rawh...."

Next chapter a kan thawnthu ziah leh tur chu in man thiam nghal mai thei. Mahse in rinlawk ang lo deuhin ziah kan tum ang. A vawt em mai.  Mu chungin lehkha ka'n chhiar daih ang nge!

(End of Chapter 36)