KAN INNGAIZAWNG EM?

Chapter XXXI

 Krismas!

Rinawma chu Krismas hmang tur chuan an khaw lamah chuan Inrinni zingah chuan a haw ta vang vang a. Haw kawngah chuan a khat tawkin Mali nen chuan WhatsApp lamah an inbe phei zauh zauh a. Driver chuan Krismas hla nalh tak tak chu a 'play' phei deuh reng bawk a. 

Chawhnu dar 2 velah chuan Rinawma chuan an in a thleng a, chhungkaw kima an han inhmu leh chu an hlim ho dar dar hle a. An uihvulh Katty chuan a'n bauh that that naa, reilo te ah chuan a nel zui ve ta mai a, Rinawma mal chungah chuan a bawk hle hle a. 

In a tawmim theilo tih takah Rinawma chu a'n inbual sawk sawk a, a leng kual leh ta zuai zuai a. Tlai chaw ei dawn ah a haw chuan a nu in Thawtanni zingah Krismas Chhang tur Kawnglawng den a ngaih thu a hrilh chuan Rinawma chu a lawm in a phur hle a. Zochhang ban hi chu a tet lai atang tawh a tukthuan aia a ei fo thin kha a ni a, a eilohna a rei tawh bawk nen, a phur hle.

A haw zan chuan inkhawmin, Kohhran member te'n an lo chibai nak nak a. An Kohhran hi a lian lemlo a, member zawng zawng pawh mi 100 an tling lo. A tuk chawlhni chawhnu ah chuan thuchah sawi tur in an lo ruat lawk thu an kohhan ziaktu chuan a lo hrilh a. Zanah chuan lenglo in a Sermon tur chu a inbuatsaih a. Chumi zawh ah chuan Mali nen chuan WhatsApp ah an in 'text' a-

"Vawiin chu i chau em? Zing ah i tho hma bawk sia..."

"Chaulo e Pathian zarah...mahni inlama haw tur kan ni bawk a, kan phursurh mai..."

"Hahhaaa...a ni ve tho mai....i chhungte an lo dam tha maw?"

"Aw...Pathian zarah an dam tha e....zanin inkhawm em?"

"Khawm e....a nuam lutuk...Kirsmas hla kan sa thup thup a..."

 "A nih chu...naktuk chawhnu ah thu ka sawi dawn a..." 

"Awi...!!!" (Zawngte hmai hup 4)

"Eng nge...hahhhaaa"

"Sawi tur mi dang an awm ngang lo mi?"(Zawngte hmai hup 2)

"Awm e....mahse hun min pe lawm..."

"Awi leh...hahhhaa.."

"Eng nge?" (Hmaisen 3)

"I sawi rau awm silo a..." (Zawngte hmai hup 7)

"Ve che....sawi thiam mih tih thin zia aw..."

"In Kohhran chu an pachhe ve awm hle mai...Hhahhhaaaa"

"Engvangin maw?"

"Nangni mai mai pawh thusawi turin Sunday chawhnu ah an ruat che u nia..."

"Hm...ve che aw...ka sawi zing tawh lutuk...eng nge min va ringlo ve a?"

"Awi....ka ring hlawllo lo che...." (Zawngte hmai hhup 3)

"Ve lutuk a che....ka sermon khum hrep mai ang che aw..."

"Lo inkhawm ve ka chak...a hnungah ka thu ang nga...ka nuih char char ang che..."

"Hm...i ngeiawm e a!"

"Eng nge...diktak chuan ka hmu mitak thei thlawt lo che..."

"Hm...nakinah in Kohhran ah ka lo inkhawm hlauh chuan Sunday Sikul ah ka zirtir che chuan ka din tir sek ang che..."

"Hahhaaaa..."

"Isua nu leh pa hming te ka zawt che nga...i va kai khat ve te tih te ka ti nek ang che..."

"Hm...i sual a nih chu a!"

"Nangmah lawm....ka sermon dawn thu ka hrilh ve em em che a, min lo tawngtaipui dawn emaw tih lai a....lo innuih te chu..." (Hmaisen 2)

"Zawngte hmai hup 4..."

"Min la ringlo zui a...phuba ka la la ve dawn lawm..."

"Ka lo tawgtaipui ang che...nih leh..."

"Hm...ka pawm tawh lo...bakah ka awih tawh chuang lo"

"Hahhaaaa.....ka hrechiang ve lutuk che a...ka nuih a za lawm..."

"Hm...nakinah i damloh leh hunah chuan min mamawh leh tho ang!"

"Teuhlo...a hma pawhin i tawngtai ka duhloh kha aw..." (Nuiper chuai chuai)

"I a siah..."

"I fing siah!"

"I chimawm siah!"

"I tha siah!"

"Hmm...phakar!"

"Kar e....vai te pawh kan ang deuh roh a....kan phakar a lawm!"

"Taktakin....tha deuhin i sawi dawn nia aw..."

"Hm...tikhan ti 'official' hnuhnawh tawhlo ami teh..."

"Hahhaa...nge...ka ti tak tak a lawm.."

"Min rinloh kha!" (Hmaisen 1)

"Naaa....."

"I eng maw na? I ruhseh leh tawh mi?"

"Um..."

"A va lawmawm ve..." (Pil nghal)

"Ve che...!" (Hmaisen 1)

"Ve lo che...."

A tuk lamah chuan Rinawma pawhin Krismas lam hawi thuchah chu a sawi a. Chuti ang chuan hun a hmang tluan a. Mahni khawlama awm a ni bawk a, a awm chhung reilo te chuan a thinte ho nen an inkawm nasa a, nula erawha rim ngailo. Krismas zan zaikhawm ban chuan Mali chuan a lo text a- 

"Zaikhawm em? Mu tawh em?"

"Aw...kan bang hma a...in ah ka awm mai mai tawh...nang?"

"Um...kan bang deuh chiah a...hmang nuam em?"

"Ka hmang tha...nang zawk?"

"Um...nuam bawk...tha bawk..."

"A lawmawm nasat chu..."

"Ih maw...lawmna deuh ka nei a..."

"Eng..."

"Muantea te Unau khan Krismas kawrmawi an lo ha thap a, bakah ruai pawh an theh dawn a..."

"A lawmawm e tiraw?"

"Um...vawiinah pawh an unau in thla kan la a...a nu leh pa pawh an lawm lutuk a..."

"A va lawmawm leh zel ve tiraw?"

"Um...heti ang em em hian an lawm ang tih ka ngaihtuah pha mihalo zawk..."

"Chu tak chu lawm thilthlawn pek hlutna.."

"Um...a lo ni chiah...an hlim lutuk hmel te, min hmu a an lawm em em te, inkhawm nuam an tih zia te kha..."

"A hlu tak zet a nih chu...Krismas diktak kan hmang a nih chu..."

"Um...ni e...Krismas ka hman tawhah chuan ka lawm ber kum leh ka hman that ber kum a ni ang..."

"A ni ngei ang...Lal Isua pawh hi Pathian tan hian pek kan phu hauhlo...mahse kan dam a, Chatuan Nunna kan neih theih nan a thlawnin min lo pe reng a lawm.."

"A dik chiah...Lal Isua min pek avang hian lawma hlim em em tur kan lo nih zia te, Lal Isua kan tan a hlut zia te hi ka hrechhuak nawn a, Pathian hnenah lawmthu sawi mawlh mawlh tur kan lo nih zia ka hre chhuak..."

"A lawmawm hle mai...kumin Krismas chu Pathian zarah Muantea te chhungkaw kaltlangin Krismas diktak kan hmang a nih chu tiraw?

"Um...a dik chiah...lawmthu sawia tawngtai mawlh mawlh tur kan lo ni..."

 (End of Chapter XXXI) 

Chapter XXXII 

Ka chawh maw?!  

Kha tia Mali a chawh thu vel leh a lerh thu vel ka'n ziak ta vak kha Mali chu a lo lawm em em hauh lo mia a.  Tlai dar 2:55PM a ka WhatsApp inbox ka'n en chu-

"Ka chawh maw?"

"I chaklo ang!"

"I chawh fe...!!!"

"Lerh chu nangmah!"

Msg 4 ngawt ami chu a lo awm a, tih ngaihna vak ka hre silo a...ti hian ka'n reply ve a..

4:14PM

"Ka lerh lo...inkhawm dawn em?"

"Dawn..."

Chutih lai tak chuan a WhatsApp status chu a lo update a..

"Aw hei hi hi a that hi...story leh a thlalak ah...a hranin min lo sent teh.."

"A ngailo...lerh min tih kha!"

"Hm...tikhian chhe deuh khian ka dah mai tur  a nia..."

"Dah la...a chawh te min tia..."

"Min lo sent teh...i chawh leh lo kan ti dawn nia..."

"Aih..."

A lo lawm lutuk biklo a...chuvangin Malsawmtluangi hi a chawhlo a, a lerh lo tih ka puang e.

Hei, Mali, i chawhloh thu leh i lerh loh thu ka ziak a, Information mike a puan kher a ngai em? Zonet leh LPS ah ka scroll tir mai dawn mi? Nge MZU bus bang ah-

"Mali a chawhlo a, a lerhlo"

...tih hi ka tar dawn?

Ni e...i lerh reng reng lo. Ka sawi tur hrelo khan ka kam ka'n pik kual kikawi vel mai mai a ni a.....nang lerh titu che hi chu an daw duai ang.

Bakah...i chawhlo hrim hrim...a hun takah lehkha i zir a, tha takin zir ang che. Sunday Sikul ah erawh muthlu tawh lo ang che. In Kohhran an lo tlawh tuma zirtirtu che khan a muthlu nasa lutuk a ti che a, lo harh kar tawh ang che.

I mit kha a sialki pel rawk khawpin lo dum tawhlo la, zungbun 1 chiah lo bun tawh ang che.

Tunah tak hian Wifi a chhe daih a, story hi post ka tum lai tak a nia, mahse hei Net a 'kharab' tlat mai...ruah sur a, chuvang te pawh chu ni mai thei e. A la vawt em em zui leh nghal.

Hei Mali, photo atan chuan I WhatsApp satus a i dah ang ang hian edit loh in ka hmang tawp dawn a nia...edit pawh niila i lang tha vak chuang lo-oh! I lang chhe tak tak ngailo...i tha sa..

I hmel leh i pian hi a tha in a nalh sia, Model atan an lo sawm tawh che em? An lo sawm teuh tawh che a i hnar nual tawh zawk nge? I chher em em nachhan hi Model pian a nih vang tiraw? 

I hang ngaihnobei te hi Solomona Hlathlankhawmte ziah a mi kha min ti hrechhuak a...kha..

"Ka hang na a, ka nalh a nia. Aw Jerusalem fanute u, Kedar puan inte leh Solomona puanzarte iangin" (Hlathlankhawmte 1:05)   

He thu sawitu nula iang hian i mawi kan ti!

Ka fak nasa tawh che sia......I lungawi tawh em? 

(End of Chapter XXXII)

(Kan ziah leh hunah chuan Roman Number in chapter kan then tawh lo ang...ka thiamloh chin a thleng dawn tlat! Number pangngai kan hmang tawh ang!)