ZADENG

' Thu ziah ' pawh ka ti ngamlo- ' Thil ziah ' ka ti. Thil chi hrang hrang hi ka ziak ve mai mai țhin a, kan țhian țhenkhatte'n an lo chhiar a, ka lâwmna'n min hlut der sak a, ka ziak ve zêl ta chu a nia! Ka thu ziah hmasak ber chu kum 2000AD kha nita in ka hria-kan veng YMA Chanchinbu a chhuah tûrin ka pe ve a. Mahse kan YMA President khân engatânmah a tilo a, Thlânmual kawng a kawngsîr pal ah khân ka thuziah chu a târ a, ka zak hle! Ka pa ka chhûn a, lehkhabu ka chhiar peih êm êm a. Pâwl 5-8 ka nih chhûng kha ka lehkhabu chhiar tam ber a ni âwm e. S herlock Holmes, Billy the Kid, Dusty Fog, M&B adt. ka chhiar nual mai a. Kan û te ho ta BA Mizo zirlaibu te pawh ka hmuh phâk chin chin ka chhiar țhîn.  Ka thil ziah chanchinbu a an chhuah hmasak ber chu Class XI ka zir kum, kum 2007-a Gov't Higher Secondary School, Lunglei Monthly Bulletin ah a ni a, a thupui chu 'A mak, A ril' tih a ni a, phêk lehlam khat hi a ni a, khawlchhut kha c...

Hmâna hmãn hman ah, mi thiam leh mi ril tak tak te'n ' Hmangaihna ' hi hrilh fiah a sawifiah an lo tum tawh țhîn a, sawi leh hril a fiah chi nilo in a nuna nunpui in a fiah ber âwm e! Pathian thu- Theology te pawh hi kan hun tawn mil leh kan awmna mil zêl in a danglam țhîn a. Chuti ang deuh chuan kum Za bi pakhatna leh kum Za bi sawmhnihna a hmangaihna kan hriat dân leh kan ngaihdan chu a in ang tawhlo a. Tûn kum Za bi sawmhnihpakhatna ah phei hi chuan a danglam nasa leh zual awm e. He Hmangaihna avang hian Pathian fapa meuh pawh a thih-thawhleh phah a, a ropui a ni. Khawvela a thu leh hla zawng zawng pawh hi Hmangaihna chungchâng tel miahlohna chu a tlêm hle âwm e. Kan damchhung leh kan thih thleng a kan la buaipui tur chu he hmangaihna hi niin a lang-Kristiante tân phei chuan. Hmangaihna pawimawh zia chu Bible-ah pawh kan hmuh kha-I Korinth 13 ah. Hmangaihna tello a thusawi, thurûk hriat leh rinna chak tak mai neih, a tawi zawng a rawngbawlna kan tih zawng ...

English Premier League -ah Arsenal chuan Point 75 hmua 5-na in kum 2016-2017 Season an khâr a, kum 20 hnu ah UEFA Europa League an khêl dawn a, UEFA Champions League chu an khel ve thei dawn ta lo! Arsenal Fan Ruhkawl tân chuan a na in tun a kan dinhmun hi a zahthâk takzet a, Manchester United hi Europa League a an Champion phei chuan EPL  ațangin Club 5 in UCL an khêl ang a, Club lian zîng ah Arsenal chiah in UCL an khêl ve dâwn lo a, a na hle! Kum 10 vel kal ta ațang khan Arsenal hi EPL ah an Champion thei tawhlo a,a chhan bul ber chu players țha leina tur sum an neihloh vang a ni. Khawvela Coach țha ber pawl Arsene Wenger chuan theihtawp chhuah in, sum leh pâi intuak chawp titih in Arsenal chu enkawl mahse, tun ah chuan 5 -na bâk kan ni zo ta lo! Sum leh pai hman tur an neih loh chungchang a puhmawh tur kan zawng a nih chuan he club a share ngahber  Stan Kroenke hi a ni ngei ang. A hausak zia leh a sum neih chu Internet lamah en tur a awm a, kan sawi lang...

'CHUCK' chu American action comedy/spy drama television series a ni a.  Josh Schwartz leh Chris Fedak te siam a ni. Mizo țawngin Zonet Senhri te'n an letling a. Kum 2011 leh 2012 khan Zonet ah an pe chhuak țhîn a, keini'n Lunglei ah JB Cable Network kaltlangin Thawhțan zan ah kan lo en ve țhîn. He film hi hmuhnawm ka ti êm êm a, Season 5 thleng an siam a, Episode 91 zet a awm a, vawiin thleng hian hmuhnawm ka la tiin ka phone ah hian MP 4 in ka nei a, ka ennawn fo țhîn. He film a a changtupa ' Chuck ' nungchang (character) hian min hneh êm êm a, chu chu he film ka duhna chhan ber pawh a ni. Mi mâwl tak, nuihzatthlâk tak tak a che țhîn a ni a, a țhiante pawh amah aia la mâwl leh chhawng an ni. Mahse Chuck-a thluak ah chuan American Sorkar thurûk pawimawh tâwpkhawk a awm avangin a duhtlan nilo in America Sorkar tân Spy hna a thawk a, mâwl eng ang mahse mi pawimawh tawpkhawk a nih avangin American Spy țha ber ber pahnih Sarah Walker leh John ...

Mizoram Baptist Pastor Rev. H. Killuaia Pathian hla phuah ' Indona ' tih hla hi ka ngaihthlak a piang hian ka nun ka hmu chiang țhin a. He hla hian ka nun chhungril ber, mite hriat a ka puan chhuah ngamloh, mahse Pathian in chiang taka a hriat si ka nun dan diktak hi a pholang chiang êm êm a ni. He hla chângkhatna thu ang hian ka nun chhungril hi a râpthlâk ka ti țhîn a. Thil țha tih duhna tam tak awm țhîn chu sual lam zâwk hian hneh tum in a nêk sawr a, a chak zâwk fo rêng a ni. Sual leh Țha chu nasa takin ka chhungril nun ah a indo a. Van a Pathian leh Setana indona aiin a nasa zâwk a, min hmangaihtu Pathian rilru hi a na in ka va han timualpho zing tak êm! A châng hnihna thu ang hian thil țha leh sual chawhpawlhin ka nung a, ka thil tihsual țhin te chu thupin mite'n hrelo mahse keima nun chhungril ber chu a tichhe telh telh a. Ka nun a châu in ka chhiatna tûr thil zel chu ka thlang a. Nun beidawng ru ngawih ngawihin ka awm fo a. Pan lam tur zâwk h...

Kei Thingtlâng Naupang hian Facebook awm hma khân ' Nute Nî ' (Mothers' Day) hi a awm tih ka hre ngailo a, ka nu phei chuan vawiin thlengin a awm tih a la hrelo ang. Chuti khawp a ropui lo fapa chuan Nu ropui tak ka nei lo bawk. Mahse vawiin thleng a hlim tak leh lâwm taka ka la awm theihna chhan hi Pathian leh ka nu vâng a ni tih erawh ka hrechiang hle. Min hrechiang êm êm tu ka nu hian naupang harh tak, lên cheh êm êm ka nih lai khân ka lenna ah min zawng a, lehkha zir turin Km 2 a hlâ a ka lenna ah min lo kal chilh in min hruai haw țhîn a, lehkha min zirtîr țhin. Lunglei a nitin Sikul ka kal avang in Tûkțhuan chawhmeh leina aiin ka bus fare tûr a ngaipawimawh a, chuvang in ' Rum Pum ' leh Purûn Sen kha kan hmeh mai mai fo. Krismas ah ' Krismas Thawmhnaw  ' kan neih ve ngei theih nan Anganwadi Helper thlatin hlawh ₹250/- kha a khâwl țâng țâng a, Krismas ah kan unau 4 kawr min leisak ziah țhîn. ' Garden ' tih thumal a chhiar th...

Durtlang a Hostel a kan awm tirh hian Airtel Internet signal hi kan hostel room ah hian a a tha lo in chhungte leh thiante biak a harsa hle a. A bikin Internet phei chu a hman that theih loh a-kan awmna room bik ah. Kan senior te hnen ah eng nge tha tih kan zawh chuan BSNL a that ber thu min hrilh avangin Inrinni kan chhuah hmasak ber ah chuan BSNL Sim Card ka lei a, Top Up thunna leh recharge na tur ka zawh chuan Aizawl Dawrpui phei-dinglam side a RK STORE chu pan turin min hrilh a, chu chu RK STORE ka hriat hmasakna ber a ni.    Chu dawr ah chuan Nu, kum 40 mi vel, inkhaithli zet zawt, cher lutuk lo, ngo lam deuh leh hmaibial lam deuh hian dawr a lo nghak a. BSNL Top Up leh Internet Pack an nei em tih ka zawh chuan an neih thu leh tun mai ah chuan server a down a vangin an thun theilo tih min hrilh a. Dawr dang han pan mai tur ka hriatloh avangin ka number ziakin an hman hun hun a lo thun mai tur in pawisa ka pe a, a ni chuan a phone number min pe bawk a-BSNL ti...

A lampum ka hre lo. Sumo neitu hming lam tawi emaw a ni ang. Aizawl to Kolasib Sumo service hming a ni. He sumo hi ka hmuh hmasak ber chuan Bawngkawn Durtlang road ah a lo ding a, kum 2015 January thla tir ah a ni. Kolasib sumo service hming ka hriat hmasak ber a ni a, sumo dang hi tun hnu ah an hming nen lam chuan ka la hre ta chuang lo! He sumo ah hian ka la chuang lo a, mahse he sumo JJH hi ka hmuh a piang hian ka lung hi a leng ve ringawt zel! Kum 2014 kum tawp lam ah khan Kolasib Hmar Veng ah thiantha tak pakhat ka chhar a, kan inbia a, kan inngaina a, kan inhmangaih ta hial in ka hria. Chuti teh nuai a nih tak avang chuan an khaw Sumo service hming ka hriat hmasak ber chu JJH kha a ni a, chuvang te pawh chu a niang-he sumo hi sumo dang ang maia ka en theihloh hlen tak. Kum 2015 kumtir a Odisha-a ka chhuk leh hnu pawh khan he sumo hming hi ka thiannu nen chuan kan sawi chhuak fo a, kan nuih pui a, kan hlimpui em em thin a, kan lunglen kha kan hnem dun thin. Mahse ...