ZADENG

Mizo Arsenal Fan te WhatsApp group pakhat - Mizo Arsenal Runmawi - tih hi kum 2015 khan kan siam a. He group hi Facebook lamah pawh a awm a, chu chu kan thianpa Jose Vanlaldika siam a ni. Kan theih ang angin chu group ( Facebook & WhatsApp ) ah chuan kan 'active' a. Tunah erawh chuan Facebook lamah chuan kan 'active' tawh lo a, WhatsApp ah erawh chuan ninawm khawp in kan lun! Arsenal chanchin hi chuan chu WhatsApp group ah chuan hmun a luah ve zauh zauh a, zahmawh sawi kan khap a, Kohhran lama inkah fiamna kan uarin, UPC, Seventh Day leh Synod kan inkap fiam nasa thei hle a. A nuamin kan hlim tlang a, kan inpawh em em a, mahse tunah chuan Kohhran lama fiamthu pawh an khap daih! Chu group kan siam tirh chuan member te kan la inhre pawh lo bawk a, an hming ziah ang ang chu an nihna emaw kan ti mai thin a. Vawikhat chu zan rei tawh lam ah hian 'Dr. Temawia' tih hming hi ka hmu fuh a, ka rilru chuan '..keini ang group nawi lutuk a Dr te hial a...

Lunglenna hi mihring tungchho a piang, mi pangngai chuan kan nei vek awm e. Kan lunglen hun leh kan lunglen chhan chu a in anglo a nih pawhin vawikhat na reng reng chu lunglen tuar vek kan ni tawh ngei ang.   Kristiante'n kan hunpui neih zinga hlu ber Krismas pawh hian lunglenna thlarau (spiritual) hi a keng tel tlat a. He hun ah hian hla phuah thiam te, thuziak thiam te chuan thu leh hla mawi tak tak an phuah chhuak a, Krismas hian thu leh hla - literature a tih hausak phah nasa em em thin.  Krismas lo awm chhan leh a hlut zia chu kan hre vek a, chulam chu ka sawi tum ber pawh a nilo. He hun  hi keimahni tawk te te ah a hlu thei ang ber leh a tha thei ang ber in hman kan duh a. Chhungkaw kima hman tumin kar hla taka awm te pawh kan in lam ah kan haw khawm thin a nih hi.   Nula leh tlangvalte pawhin an kawppui te nen he hun hi hlim tak leh hriat reng tlaka hman an duh thin a. He hun lawmawm tak hi am leh duhthawh taka hman hi an thla hlel a, a...

To. Dearest Love,  He lehkhathawn hi i tan ka ziak a, mahse i hmuh kher ka ring lo a. I lo hmuh hunah meuh chuan ka ziah mek laia ka rilru ang hi ka pu kher tawhlo ang. Mahse he lehkha ka ziah chhan erawh hi chu nangmah ngei i ni. Engemaw ti khan kan intawng nawlh a nih kha! A tirah chuan min chik biklo a, ka chik bawk hek lo che. Eng nge ka tih thin a, tunge ka nih pawh i hre lo. Kei pawhin ka hre chuanglo a, mahse Facebook a kan inbiakna atangin i thil zir erawh ka hria a nih kha.  Hmeichhe ngo ve tak a ni a, i thau bawk. Ka hmeichhe duhzawng hi ka lo hre ngailo a - tun hma khan. Mahse tun hnu ah hian thau lam deuh hi ka duh a ni tih nangmah atangin ka hriat chhuah phah! Tin, ngo lam hi ka duhthusam an ni zawk bawk - kei ka hang si a! Chung zawng zawng chu ka hriat hma che khan i nei a, ka hriat hnu ah che ka duhthusam i ni. Kan va hlim dun thei tak! Chief Minister Lalthanhawla Building kawt ah kan inhmuh hmasak bera kan thiante'n thla min laksak khan, ...

 Kum zabi sawmhnih pakhatnaa kan thil hman tangkai leh hman lar ber chu ‘Internet’ hi a ni ti ila kan sawi sual awmlo e. Internet chu sawifiah leh chuan ngai tawhlo in tunlai thalaite chuan kan hrefiah vek awm e. Kum upa lam aiin naupang leh thalai lamah internet chuan hnuhma a ngah zawk a. Mizo te ngei pawhin Internet chu kan hmelhriat in kan hmang tangkai em em a, kan ram, kan khawltang leh kan mimal nunah Internet chuan bu a khuar a ni tiila kan sawi sual awm lo e. Eng nge Social Media? Merriam Webster Dictionary in Social Media a hrilhfiah dan chu – electronic hmanrua –facebook, Instagram, website etc- hmang a inbiakpawhna, leh ngaihdan inhrilh tawnna, mimal a inbiakna leh milem leh video te inthawn tawnna hi a ni e tiin a hrilh fiah. Tin, English Language Learners Dictionary chuan – electronic hmanrua computer, mobile phone etc hmanga internet khawih thintu te inbiakpawhna, ngaihdan, rilru put hmang, hriattirna etc te inhrilh tawnna hi a ni – tiin a hrilh fiah bawk. ...

Mihringte hian Pathian faka kan chawimawi theihna sang ber chu Amah faka zai hi a ni ang. Kan nungchang, kan thiltih leh kan chet dan, kan thilpek te leh kan inpekna hmang te pawh hian Pathian hi kan fak thei a. Chutih rual chuan awlsam tak leh mi zawng zawng tana Amah fakna awlsam ber chu 'zai' hi a ni.  Pathian pawh hian fak a duh in, chuti anga kan fakna tur chuan 'hla' hi a thlang bik em ni tih mai turin Bible ah pawh hian Amah fakna leh chawimawina hla awmna 'Sam' hi a lian ber a ni a, bung 150 zet a awm a nih hi. Chuti ang khawpa zai leh hla hmanga fak leh chawimawi duh chu a ni. Chuti ang bawkin Pathian fakna hla phuah thiam te leh sa thiam te chu an hlu em em a. Sermon tamtak aiin Pathian hla pakhatin kan nun hi a khawih zawk chang a awm fo a nih hi.  Pathianin mihringte hnena a thilpek hlu ber chu a fapa Lal Isua hi a ni a. Lal Isua kan tana a hlut zia hi kan ngaihtuah ngun poh leh kan chhut chhuak thiamlo zawk ang. Chu Lal Isua kan tana a lo ...

Matthaia 10:34-39 Kristian kan niha Lal Isua kan rin hian mawhphurhna leh tihtur a keng tel nghal a ni tih hi kan hre theuh awm e. Chung kan tihtur leh kan rawngbawl dan tur te, a hnung kan zui dan turte chu Lal Isua hian Chanchin Tha bu ah te hian chiang takin min hrilh a. Chanchin Tha ziaktute'n Lal Isua leh a zirtirte chungchang sawina atana thumal an hman thin 'zui' ( Greek- akoloutheo) tih hi Lal Isua hnen atanga thil zir tura zui tihna a ni a. Lal Isua duhzawng, ngaihtuah zawng, thil thlir dan, a duhloh zawng leh engkim huam tura amah zui tihna a ni. Kan tunlai Kristian nun hman mek ah hian Lal Isua min phut ang leh beisei ang hian a hnung hi kan zui em tih hi zawhna pawimawh leh mahni inenfiahna tur pawimawh tak a ni awm e. A chunga Matthaia 10:34-39 kan en chuan Lal Isua'n khawvela a lo kal chhan leh a hnung kan zui dan tur min hrilh a. Chu chu tunlai khawvel a ringtute hian kan tihlawhtling em tih hi kan inchhut nawn fo a ngai awm e. Lal Isua kha Jud...