Mizo Arsenal Fan te WhatsApp group pakhat -Mizo Arsenal Runmawi - tih hi kum 2015 khan kan siam a. He group hi Facebook lamah pawh a awm a, chu chu kan thianpa Jose Vanlaldika siam a ni. Kan theih ang angin chu group (Facebook & WhatsApp) ah chuan kan 'active' a. Tunah erawh chuan Facebook lamah chuan kan 'active' tawh lo a, WhatsApp ah erawh chuan ninawm khawp in kan lun!
Arsenal chanchin hi chuan chu WhatsApp group ah chuan hmun a luah ve zauh zauh a, zahmawh sawi kan khap a, Kohhran lama inkah fiamna kan uarin, UPC, Seventh Day leh Synod kan inkap fiam nasa thei hle a. A nuamin kan hlim tlang a, kan inpawh em em a, mahse tunah chuan Kohhran lama fiamthu pawh an khap daih!
Chu group kan siam tirh chuan member te kan la inhre pawh lo bawk a, an hming ziah ang ang chu an nihna emaw kan ti mai thin a. Vawikhat chu zan rei tawh lam ah hian 'Dr. Temawia' tih hming hi ka hmu fuh a, ka rilru chuan '..keini ang group nawi lutuk a Dr te hial an lo awm ve duh chuh...a va zahthlak e..' ka ti rilru a. Group ah chuan ka sawi chhuak nghe nghe a.
"He kan group ho tak mai ah hian Dr te hial in lo awm ve duh a, a lawmawm hle mai a" tih ka han sawi a. Ka sawi zawh rual chiah chuan Lawma Langel hi a lo nui nghal char char a...a chhan ka'n zawh chian chuan chu 'Dr' chu Doctor tak tak nilo in MAP a lo ni zawk a, a lo uang mai mai chu lo ni in!
Orissa ka awm avangin ka damtha lo nen, chutia Dr lo awmta chu tiin inbox lama han be zuiin ka natnaah ka han rawn a, 'dam rawh se' tih hi ka chawh tlangpui a lo la ti zui!
Orissa ka awm avangin ka damtha lo nen, chutia Dr lo awmta chu tiin inbox lama han be zuiin ka natnaah ka han rawn a, 'dam rawh se' tih hi ka chawh tlangpui a lo la ti zui!
Mahse Dr. Temawia tiin a hming ka 'save' laklawh tawh a, ka siam tha ta lo. Mi fel tak, zu pawh in ngailo, a duty pui thin te'n zu an in a vanga an duty theihloh pawh a duty kep thin khawp a mi rilru tha a lo ni a, ka chhuang em em a. Mizorama ka haw ve leh Dr. Temawia nen chuan kan inhmu a, ka ngaisang ru hle. Mahse kan inhmuh atanga thla 5 emaw vel hnu ah a zu ruih avangin MAP atangin an lo 'suspend' a, a duty na hmun an sawn phah!
Chutia Arsenal Runmawi Fan ho te kan inpawh tak viau hnu ah chuan Krismas dawn ah pawisa thawhkhawm in mi chanhai zawk te hnen ah Kirsmas Thikpek kan pe ve thin a. Tumah mi hausa leh hna nei kan awm lem lo a, cheng 100, 200, 500, 1000 te kan thawh khawm ve liam liam a. Chung kan pawisa pek tlingkhawm chuan kum 2015 khan Hospital a damlo te hnen ah pawisa tlem te te kan pe hlawm a, an lawm zia kha thu in a sawi phak lo - tiin Duhsaka of Sialsuk chuan a sawi. Kei chu an thilpekna hmun ah hian ka kal ve theilo - Orissa ah ka awm avangin.
Hemi kum hian Zonuni of Zonet te, PL. Liandinga te leh Upa Vanlalhrila te leh kan thian thenkhat te'n sum leh pai min lo thawh sak ve bawk a, kan lawm em em a, chin zawngchhang tlak zel niin kan hria a, kum 2016 ah pawh khan pawisa kan thawhkhawm leh a, chuti ang chuan mi chanhai ve zawk te hnen ah thilpek hi kan pe leh a ni.
Hei, kumin 2017 Krismas ah pawh hian Mizo Arsenal Runmawi te chuan kan neih ang ang kan thawh khawm leh mek a, tute nge kan pek ang chu kan la sawi fel lo na in Pathian zarah thilpek kan pe leh thei ngei dawn niin kan hria a, kan lawm hle.
He Krismas hi Pathian in mihringte hnena Chatuan Nunna kan neih theihna tura a fapa Lal Isua, a thlawn liau liaua min pek champha a nih avangin, keini pawhin mi dangte hnenah, a mamawh tute tan engthil emaw tak i pe ve ang aw?
Sum leh pai kan neilo emaw, mi hausa kan nilo emaw pawh a ni thei, mahse kan kan pek duhna thinhlung hi Lal Isua'n a duhber leh kan thilpek lo dawngsawngtute pawhin an hriat zui reng chu a ni. Sum te chu pawisa mai a ni a, kan thilpek tak tak zawk erawh chu kan thinlung a ni.
A thlawna kan dawn Krismas hlu tak hi a thlawn vekin i pe chhuak ve ang aw? Mi te hlimna leh lawmna thlentu, mi dangte tana malsawmna thlentu nih tluka hlu hi khawvelah hian a awm lo tih chu kan hriatchian kha! Cheng 100 emaw, 200 emaw, nuaih tamtak emaw hian hlimna a lei theihloh, mahse he Krismas dawn a nang leh keiin kan neih chhun tlemte kan thawhkhawm kan pekchhuah avanga mite hlimna leh lawmna hlut zia kha pawisa a chhut chhuah zawh rual a nilo tih chu kan ve hre chiang em tiraw?
Pathian pawhin kan thiltih tlawmte hi min hriatpui a, min hmangaih a ni. Heti hian a in ziak si a-
"Pathian chuan hlim taka petu a ni a hmangaih ni."
II Korinth 9: 07b.
7. M
Comments
Post a Comment