Facebook vela a indah dan chuan 'Nurse' ni ve awm tak a ni a. Aizawl ah, Kawlthei huan awmna bawr velah a thawk ve ni awm e. Amah hi thau ve lampang, biang 'paratha' ve lek lek leh han en reng reng pawha thluak fing lutuk lo tur chi tih hriat ang taksa nei- nula a ni.
A pian phunga a lan dan ang deuh chiah tak tak hian a takah pawh a â em em mai a. Phone call a biak in 'minute' khat tlin hma in hmeichhe fing lutuk leh bright lutuk a nilo tih a hriat nghal theih! Krismas Tree bulah thla a lak ve a vangin inkhawm taima tak a ni dawn emaw in lo tinge - an Kohhran secretary a hrelo!
Mi jection a thiam tak tak em tih hre turin a thawhna damdawi in ah ngei kalloh chuan a hriat loh a. Nurse hi a ni tak tak em tih pawh a hriat loh. Chutih rual erawh chuan 'a' deuh a nih thu te, nuih a duh ve hle tih te erawh chu thil chiang sa a ni. Ama sawi dan chuan ngaihzawng pawh a nei ve tawh thin a, an belhchian hnuah an kalsan leh thin - a at em avangin!
Taima takin a duty thin a, damlo te tana inghahna tlak ni turin laklawh nei miahlo in a nun leh a hun a hmang a. A tul phawt chuan zankhua in a meng a. Khawvawt tak hnuaiah pawh nise damlo te tan a tul phawt chuan a mut bu lum nuam tak kalsan in an tan a inpe pumhlum thak thin. Chuti khawp a mahni hnaa inpe zo leh mi te tana malsawmna thlen tu ni ve duh khawp a mi tha chu a ni ve - ama in sawi dan in. Mahse kei chuan ka awih em em lo.
Veikhawr a ni a, vairamah pawh vei zawnga chaw a bar chuan mak an tih ve thu a sawi fo a. Scooty khalh hi a thiam lo emaw ni - ka zir ve mek a ti a. Road sign vel hre tur khawp chuan ziak leh chhiar a thiam ve a, Hindi pawh a hre ve ni awm e. Thil chi hrang hrang a hria a, mahse fin var phahna leh hmasawn phahna tur em em erawh a neilo.
Mi pakhat a biak ve thin chu zan dar 9 pelh ah a 'test' ve khang lang a. Chuvangin a hmingah 'Tester' tih phuah belh a ni a. Tester Vanlalzami ti in a koh phah a; koh duat nan 'TT' tiin a ko thin. TT-i chuan Raju tiin a ko a, RJ tiin a ko duat ve bawk a ni awm e. TT-i hian a naupan lai chuan a hming hi nalh lo a tiin a zahpui ve thin emaw ni; mahse tunah chuan a zahpui tawhlo a. Tester Vanlalzami aka TT-i nih a zak tawh lo.
Mi hlim thei tak nimahse beidawn chang te, hreawm tih em em chang te a nunah a nei fo a. Mahse chung chu huaisen taka paltlangin a theih tawp chhuahin a hna ah rinawm takin a thawk a. Mi rilru tluang leh ṭha tak chu a ni ve awm e.
A tirah ngaihzawng a neihloh thu a sawi khan awih a har em em a. Mahse tunah hian ngaihzawng a neih thu sawi se awih a har tawh viau zawk ang! Chuti khawp a hmeichhe hawihhailo leh â, ngaihzawnawmloh tak a ni.
WhatsApp ah hian 'Dp' a dah ngai mang lo a. Hmai paratha ve tak, sam kir ve bip bep leh tarmit vuah ve zauh zauh ṭhin a nihna te kha a zahpui a nih pawhin a âwm ve tho.
TT, lo dam zel la....Pathian rinchhanin damlo te tan te, i chhungkua leh i ṭhiante tan malsawmna lo ni zel ang che - â viau mahla!
Comments
Post a Comment