ZADENG

Chanchin Tha bu pathum Matthaia, Marka leh Luka ziak te kan chhiar chuan kan thupui khi Lal Isua tawngkam a nih thu leh kum sawmpahnih zet hmeichhe thi putin damna beiseia Isua a deh avanga Lal Isua sawi a ni tih kan hre theuh awm e.   Chanchin Tha bu pathumte hian an ziah dan tawngkam chu in ang veklo mahse Lal Isua thiltihtheihna beiseiin he hmeichhe khawngaithlak tak hian Lal Isua hi a pan a ni tih erawh chu kan hre thei awm e. Hetih lai hian Lal Isua hi inkhawmna in hotu Jaira fanu tidam tura kal a ni a, amah zuitu hi mi tamtak an awm bawk a ni.  Lal Isua tihdamna beisei tu hmeichhe thi put hi Leviticus 15:25-32 a kan hmuh angin an hnam Juda sakhaw danah bawlhhlawh a ni a, mipui zing atanga inthiarfihlim tur a ni a. Heti ang natna nei reng rengin mi an khawih chuan a khawiha kha an bawlhhlawh zel nia ngaihkhawpa an thinhrik a ni. A khawihtu nih kha a zahthlakin a khawiha nih pawh a thinrim thlak a, Judate Talmud bu phei chuan heti ang thi put natna hi vawi s...

Naupang kal thei ngawr ngawr kan nih lai pawhin kan nu leh pa te kut vuanin kan kal a. Kut min vawn saktu te leh kut kan vawnsak te chu min hmangaihtu leh kan hmangaih te anni thin. Kut kan invawnsak rualin kan inhmangaihna tih lanna a ni thin. Kut invuan meuha kan kal tawh chuan kan inngaina in kan inhmangaih a; kan tana mi hlu leh pawimawh ber ber te nen chuan kut kan invuantawn fo a nih hi.  Nula tlangval kan lo ni a; mi pangngai nita fam chuan duh leh hmangaih kan lo nei a. An kut kan vawnsakin kan inhmangaihna chu kan tilang thin a nih kha. Kut kan invuan satliahlo a, kan inringtawnin kan ngaintana leh an mahni ah kan innghat tlat a ni tih a tilang a. kan bula awm reng tur leh kan harsat mangan lai pawha min kalsan lo tur leh min chelh reng turin kan duh zia tih lanna a ni thin. Kan damlo nikhua te, kal hlei theiloa kan awm lai te in kan kutah vuanin min tanpui a. Kan duhna leh tih duh kan neih te chu hmangaihna nena kan kuta vuanin kan tih theih phah thin. Tar ch...

Frederick M. Lehman chu August 7, 1868, Mecklenburg, Schwerin, Germany ah a piang a. Northwestern College in Naperville, Illinois, a lehkha a zir zawh hnuah Pastor hna thawkin Audubon, Iowa; New London, Indiana; and Kansas City, Missouri ah te a awm a. Kum 1917 a California ah awm lai chuan Pasadena ah serthlum dahna bawm te siamin a inhlawh thin a. Chuti anga hna a thawh lai chuan khawvela Pathian hla ropui ber pawl   ‘The love of God is greater far’ (Pathian hmangaihna ropui zia) tih hla hi a phuah a. A fanu Claudia L. Mays chuan he hla thluk hi a siam sak a. He hla chang thumna hi Frederick chuan damlo khum bulah pencila lo inziak a hmuh atanga a phuah belh a nih thu a sawi a.   He hla chang thumna bik hi kum 1000 velah khan Hebrai tawngin Meir Ben Issac Nehoria, Jewish Rabbi chuan a lo ziah tawh thu tun hnuah hian an hmuchhuak nghe nghe a. Frederick hi February 20, 1953, Pasadena, California ah a boral tawh a ni.   He hla ropui tak mai hi tawng ch...

Vernon J. Charlesworth chu April 28, 1838 khan Barking, Essex, England ah a lo piang a. Kum 1860 ah Eliza Moore chu nupui ah a nei a. Surrey chapel ah kum sarih Pastor hna thawh hnu in kum 1869 atangin Charles Spurgeon chuan Stockwell Orphanage, Lambeth, London ah headmaster hna thawk turin a sawm a. He hna hi a thih ni January 5, 1915 thlengin a thawk a ni.  Kum 1880 velah khan Charlesworth chuan khawvela Pathian hla ropui ber pawl leh chuai tawh ngailo tur ‘The Lord’s our rock, in him we hide’ (Lalpa, kan lungpui, kan himna) tih hi a phuah a. A hnu kum 5 hnuah Ira Sankey chuan he hla ziak hi London Chanchinbu chhuak thin ‘ The Postman ’ ah a hmu a. A thluk siamin England hmar chhak lama sangha mantute hla ngainat ber a ni ta ni.  He hla hi Kristian Hla Bu kan hman mekah hian no – 27 naah awmin Suakropuia(1893-1931) chuan mawi tak maiin min lehlinsak a. He hla ropui tak mai hi Kristiante zingah hian hrelo an awm awm lo e.    Buaina leh harsatna pu...

Charles Wesley chu May ni 20, 1938 ah Samuel Wesley leh Susanna Wesley ta fa niin  Epwoth, Lincolnshire, England ah a lo piang a.  Chhungkaw rethei ve tak atanga lo piang chuak ni mashe a nu chuan a tawngtaisak reng zel a. Oxford University atanga MA a zir zawh hnuah missionary a ni a. Mahse a hlawhtling lo hle mai a; chutia beidawng taka a thawhna hmun atanga haw kawngah chuan Moravian Missionary te nen lawngah chuang tlangin an nun dan chuan a nun a hneh ta em em a. Mihring te hi Pathian khawngaihna vang chauha chhandam kan nih zia chu a hmu chiang thar in hla ropui tak   ‘And can it be that I should gain ’ (Engtin nge ni, ka chhandamtu) tih hla hi May 21, 1738 khan a lo phuah chhuak a ni. He hla ‘And can it be that I should gain ’ (Engtin nge ni, ka chhandamtu) hi Kristian Hla Bu kan hman mekah hian No- 184 naah awm in Mizo tawngin Rev. Dr. R.K. Nghakliana’n mawi takin min lehlin sak a. He hla hi khawvel pumah a larin ziathiam hrang hrangin...