The love of God is greater far

Frederick M. Lehman chu August 7, 1868, Mecklenburg, Schwerin, Germany ah a piang a. Northwestern College in Naperville, Illinois, a lehkha a zir zawh hnuah Pastor hna thawkin Audubon, Iowa; New London, Indiana; and Kansas City, Missouri ah te a awm a.

Kum 1917 a California ah awm lai chuan Pasadena ah serthlum dahna bawm te siamin a inhlawh thin a. Chuti anga hna a thawh lai chuan khawvela Pathian hla ropui ber pawl  ‘The love of God is greater far’ (Pathian hmangaihna ropui zia) tih hla hi a phuah a. A fanu Claudia L. Mays chuan he hla thluk hi a siam sak a. He hla chang thumna hi Frederick chuan damlo khum bulah pencila lo inziak a hmuh atanga a phuah belh a nih thu a sawi a.  He hla chang thumna bik hi kum 1000 velah khan Hebrai tawngin Meir Ben Issac Nehoria, Jewish Rabbi chuan a lo ziah tawh thu tun hnuah hian an hmuchhuak nghe nghe a. Frederick hi February 20, 1953, Pasadena, California ah a boral tawh a ni.

 

He hla ropui tak mai hi tawng chi hrang hrang 18 chuangin an letling tawh a. Upa. Dr. L.N.Tluanga chuan Mizo tawngin mawi takin min lehlinsak a; Kristian Hla Bu kan hman mekah hian No-43 ah a awm a nih kha.  Mizo zaithiam chi hrang hrang Thanzawna, Lalduhsaki adt. te pawhin nalh takin an sa a nih kha. 

Pathian min hmangaihna leh khawngaihna hi a ropui em em a; mihring te hian kan thuziak hmang te, kan hla hmang te hian nasa takin puanchhuah tum mahila a famkim zo tak tak lo a. A thuk zia leh a zau zia te hi mihringin thil the theihna kan neih chi hrang hrang leh kan the phakloh thil te hmang pawhin kan sawi fiah tum mah ila a la hrilh fiah zolo cheu a ni!

Pathian hmangaihna chuan thil engkim a huamin a tuam a. Misual ber tan pawh a ni a, lungngai leh manangin, thatna reng reng neilo te tan pawh Lal Isua chu min hmangaihzia lantirna turin min pe a. Kan thawhchhuah ve awm hauhloin chatuan nunna min pe in kan sual min ngaihdamsak a nih kha. 

Chuti khawpa Pathian hmangaihna chu a thukin a ropui em em a; tawp chin a neilo in a chuai thei dawnlo a ni tih hi Van Angel te pawhin an hre chiangin mak an ti hle a ni. Khawvela thil ropui leh chhe mai thei tawhlo tura kan ngaih ram ropui leh lal ropui tak tak te pawh an la chuai ang a. Misual tak leh Pathian pawh ngaihsaklo te pawh rorelna ni ah chuan mangangin an la awm ang a. Adama atanga sual a piang ni mahila Pathian hmangaihna chu kan sualna tleng fai turin la awm zel dawn a ni tiin Vantirhkoh te chuan hla in an la puangchhuak zel dawn a ni. 

Tuifinriat hi lehkhaziakna hlotuiah changin khawvela thing awm zawng zawngte hi ziakfungah changin; khawvel mihring zawng zawngte hian Pathian hmangaihna chu ziahchhuah tum teh reng pawh ni ila, kan la puangchhuak zo dawn chuang lo a ni. 

Chuti khawpa min hmangaihtu Pathian kan nei hi kan va vannei the lul em! Lalpa chu fakin awm rawh se!

 The love of God is greater far

Composer: Frederick M. Lehman 

1. The love of God is greater far
   Than tongue or pen can ever tell;
   It goes beyond the highest star,
   And reaches to the lowest hell;
   The guilty pair, bowed down with care,
   God gave His Son to win;
   His erring child He reconciled,
   And pardoned from his sin.
   • Oh, love of God, how rich and pure!
     How measureless and strong!
     It shall forevermore endure—
     The saints’ and angels’ song.
2. When hoary time shall pass away,
   And earthly thrones and kingdoms fall,
   When men who here refuse to pray,
   On rocks and hills and mountains call,
   God’s love so sure, shall still endure,
   All measureless and strong;
   Redeeming grace to Adam’s race—
   The saints’ and angels’ song.
3. Could we with ink the ocean fill,
   And were the skies of parchment made,
   Were every stalk on earth a quill,
   And every man a scribe by trade;
   To write the love of God above
   Would drain the ocean dry;
   Nor could the scroll contain the whole,
   Though stretched from sky to sky.