Where Could I Go But To the Lord

James Buchanan (J.B.) Coats chu April 6, 1901 khan Summerland, Mississippi ah a lo piang a. Rimawi zirtirtu niin hla phuah thiam tak a ni bawk a. Vawikhat chu a thenawm mihang putar (African-American) boral lek lek tawh Joe Keyes bulah chuan thu a. Coats chuan Keyes hnenah chuan a thih hnuah khawiah nge a kal ang ti a a zawh chuan Keyes chuan awlsam tak leh hahdam tak maiin Pathian hnenah chauh lo chuan kalna tur leh hahchawlhna tur a nih loh thu in a lo chhang a.

Keyes chhanna chu Coats rilru ah chuan awm reng a, tichuan kum 1940 khan ‘Where Could I Go But To the Lord’ (Ka Lalpa hnenah chauh a awm) tih Pathian hla ropui tak mai hi a lo phuah chhuak ta a ni. Rimawi leh hla hmanga Pathian rawngbawltu, hla phuah thiam J.B. Coats-a chu December 15, 1961 khan a lo boral ta a ni.

He hla hian khawvel pum a dengchhuak a, You tube lamah kan en chuan Elvis Presley pawh khan nalh tak maiin a sa a, khawvela Gospel Band lar ber pawl Gaither Vocal Band in nalh takin an sa bawk a. Tin, Mizo tawngin nung leh nalh takin R. Lalbiaksanga'n a sa bawk a nih kha.

He khawvelah ah hlimna leh lawmna zawngin hmanhlel em em thin mah ila – kan beidawn tawpah chuan Pathian hnenah chuah hian kan mamawh famkim chu a awm a ni tih kan hrechiang a ni tiraw? Lal Isua’n khawvela a awm laiin thawkrimte leh phurrit phur zawng zawngte hnenah Amah chu chawlhna a nih zia kha a hrilh a nih kha.(Mat 11:28). Chu Lal Isua thusawi dikzia chu he hla phuahtu pawh hian chiang taka hmu in a phuahchhuak a ni tih kan hre thei awm e.

Nun tuihal leh beidawngin kan awm fo a. Tisa leh thlarau lamah kan chauin hnemtu kan mamawh em em thin a nih kha. Chung zawng zawng awmnah chuan kan mamwnawh dik tak chu Lal Isuaah chiah a awm a nih kha. Chu chu a takin he hla phuahtu pawh hian a hre chiang em em a, he a hla thunawnah hian a hmang a nih kha.

Pathian hnenah chauh hian kan hlimna leh lawmna innghahna lungphum dik tak chu a awm tih he hla phuahtu hian a hre chiang em em a. Khawvelah kan thiante, kan ngaihzawng, kan chhungkua te nen pawh hian hlim takin awm ho mahila, a tawpna tak tak leh a tluantling chu Pathian hnenah chiah a awm a ni tih chu kan hriatchian kha. Buaina leh lungngaihna thuk ber – thihna rapthlak tak pawh tuar mahila Pathian thlamuanna, rilru reng renga hriatsenloh chu  Lal Isua zarah bawk kan chang in kan neih dawn thu kha kan hriat kha. (Phil 4:7)

Kan mamawh engkim hi Pathian henah a awm zia hi hrechiang thar ila. Kan beidawn ber lai te, kan rilruna kan kehchhiat vek lai te leh thihna hlim kawr ruam kan zawh mek lai pawhin Pathian hnenah chuan chatuana kan dam hlenna a awm tih hre rengin Pathian ah chuan innghat tlat ang u.  

Where Could I Go But to the Lord

Composer:  James Buchanan (J.B.) Coats 

Living below, in this old sinful world
Hardly a comfort can afford
Striving alone, to face temptation's sword
Where could I go but to the Lord?

Where could I go, oh where could I go?
Seeking a refuge for my soul
Needing a friend, to help me in the end
Where could I go, but to the Lord?

Neighbors are kind, I love them everyone
We get along in sweet accord
But when my soul, needs manner from above
Where could I go but to the Lord?

Life here is grand, with friends I love so dear
Comfort I get from God's own word
Yet when I face this chilling hand of death
Where could I go but to the Lord?