ZADENG

Kan têt lâi khan kum 30 hi upa kan ti êm êm a; Tlangval ngat phei kha chu senior kan ti hle ṭhîn. Mahse hei vawiinah kum 30 ka tling ve ta chiah mai.  Kum 29 pumhlûm Pathianin A hmangaihna leh khawngaihna ka chungah lantirin min hruai a.  Malsawmna chhiar senloh min vurin ṭhianṭha, chhungkua leh min hmangaiha min lainatu min pe a. Vuina tur rêng rêng ka neilo - lâwmthu sawi mawlh mawlh mailoh chu! Lalpa ka lâwm e! Facebook leh WhatsApp lamah ka piancham min lawmpuitu te zawng zawng chungah Pathian hmingin lâwmthu ka sawi e. A ṭhen te phei chuan WhatsApp lamah voice message in min zâi sak hial a! Ka phûloh lawmpuina min hlan avangin ka hnuk pawh a ulh hial a ni.  Ka pianchamphã taka Mahatma Gandhi a'n thi ve mauh thung erawh hi chu a zialo erawh ka ti fo ṭhin!  Ka lâwm a, ka lâwm takzet e🙏🏻🙏🏻🙏🏻

Aizawl Theological College Male Voice in kum 1998 ah khan ‘Suala ka bo tawh hnu’ (I once was lost in sin) tih hla hi an sa in Music Video an siam a. Heimi tuma Male Voice member Rev. JC Lalramliana chu an hla sak chungchang vel hi ka va zawt chiang a. Mizotawnga nalh taka maia letlingtu chu Upa C. Thansiama nih thu leh ATC Male Voice hlaah chuan Music Video a chhuak hmasa ber a nih a rin thu min hrilh a, ka lawm hle. Hemi hnuah ATC Male Voice (2014-2015) bawk in an sa leh in anni pawh hian an sa nalhin an sa nung hle bawk. He hla hi African-American Rev. Cleavant Derricks phuah a ni a. Rev. Cleavant Derricks hi May 13, 1910 ah Chattanooga, Tennessee ah a lo piang a. He hla ‘I once was lost in sin’ ( Just a Little Talk with Jesus) khawvela sum leh pai dinhmun a tlakchhiat runpui lai ‘The Great Depression’ tia kan hriat thin laia phuah kha a ni a.   Kum 1930 ah Rev. Derricks chuan rawngbawlna zin kual in he hla hi a sa nasa thei hle a. Rev. Derricks hi April 14, 1977 kha...

Joseph Scriven chu kum 1820 ah Ireland ah a lo piang a. Trinity College, Dublin ah lehkha zirin nupui nei turin a inbuatsaih mek a.Nupui a neih hma lawk tlaiah chuan vanduaithlak tak maiin a nupui hual chu tuiah a tla hlum ta hlauh mai a. Chu a vanduaina chuan a nun a nghawng em em a, chung te vang chuan loh theilohin Plymouth Brethren a zirna a chhunzawm leh ta ringawt a. Chumi hnuah chuan Canada ah kalin zirtirtu a ni a ni a. Scriven chuan hmeichhe fel tak Eliza Roche tawng lehin nupuia nei turin an in hual leh a. Mahse vanduaina chuan achungah thla zar lehin a nupui hual Eliza   chuan an inneih hma in a boral san leh a. Chuti anga vanduaina thuahhnih in a tlak buak hnuah chuan Scriven chuan mi te tawrhna leh harsatna te chu a hriatthiampui ta em em a. Tichuan kum 1855 ah khan khawvela Pathian hla ropui ber pawl leh chuai thei tawh ngailo tur ‘ What a Friend We Have in Jesus’ ( Lal Isua kan thian tha berin) tih hla hi Ireland a nu la dam hemna tur in a lo phuah...

James Buchanan (J.B.) Coats chu April 6, 1901 khan Summerland, Mississippi ah a lo piang a. Rimawi zirtirtu niin hla phuah thiam tak a ni bawk a. Vawikhat chu a thenawm mihang putar (African-American) boral lek lek tawh Joe Keyes bulah chuan thu a. Coats chuan Keyes hnenah chuan a thih hnuah khawiah nge a kal ang ti a a zawh chuan Keyes chuan awlsam tak leh hahdam tak maiin Pathian hnenah chauh lo chuan kalna tur leh hahchawlhna tur a nih loh thu in a lo chhang a. Keyes chhanna chu Coats rilru ah chuan awm reng a, tichuan kum 1940 khan ‘Where Could I Go But To the Lord’ (Ka Lalpa hnenah chauh a awm) tih Pathian hla ropui tak mai hi a lo phuah chhuak ta a ni. Rimawi leh hla hmanga Pathian rawngbawltu, hla phuah thiam J.B. Coats-a chu December 15, 1961 khan a lo boral ta a ni. He hla hian khawvel pum a dengchhuak a, You tube lamah kan en chuan Elvis Presley pawh khan nalh tak maiin a sa a, khawvela Gospel Band lar ber pawl Gaither Vocal Band in nalh takin an sa bawk ...

'I LOVE U' tih hi Sapṭawng dik a nilo tih hre mahila 'Ka Hmangaih Che' tihna a ni tih erawh hrelo chu khawvelah hian an tlêm hle ang. Heti ang hian ka ṭhianpa chuan a thil tawn min hrilh a- "College ka zawm dawnah hian ngaihzawng pakhat ka nei a, ka nupui turah ngaiin ka rilru zawng zawng ka pe a, mahse thla nga emaw lek kan inngaihzawn hnuah min ṭhen leh si a, ka rilru natzia kha aw! "Chhel takin ka tuar hram hram a, mahni intihlum duhna hial nei khawpin ka nun a beidawngin ka rilru a na hle a. Ka ṭhian ṭhenkhatte phei chuan hmangaihna ka lâknat em avangin nupui a ka neih theihloh tur chu ngaihzawng nei tawhlo turin duhsaktakin min hrilh hial a.  "Chutia rilruna leh baihvai taka ka awm lai chuan hmeichhe pakhat hi ka nunah a lo lang hlawl a. Kan College aṭangin an veng chu a hlat vangin inhmuh zen zen a rem lem lova. A tirah chuan ka ngaihzawng hmasa kha ka rilruah a thih theih tlat loh avangin ka ngaihsak tak tak theilo a, min lo be ṭha ve ...

Text : Philippi 2: 6-7. Thuthlung Thar Theologian ropui ber Tirhkoh Paula chuan Philippi khua a mite hnena lehkha a thawn bung 2:6-7 ah khan Lal Isua hi rawng kan bawlna kawngah kan entawn tur a nih thu uar taka sawiin min fuih a nih kha. Tun lai khawvela Lal Isua rawngbawltute hi  kan tlawm tawk em tih hi zawhna pawimawh tak leh kan inzawh nawn fo tur a ni ngei ang. Paula hian Philippi mite hnena lehkha a thawn lai hian Lung In –ah a tang mek a, rorlenaah thiamloh a chan chuan tihhlum mai theih a ni a, thiam a chan erawh chuan chhuah zalen theih a ni thung a. Lung in atanga a chhuah theih hlauh chuan Phillipi kohhran hi tlawh a tum tih kan hmu a, Europe rama Paula Kohhran din hmasak ber khua an nih avngin a ngaipawimawh hle a ni. He lai Bible chang kan tarlan a   ‘amah leh amah a intitlawm ta zawk a’ tih a ‘tlawm’ hi a tawng bul lamah chuan ‘ kenosis  ( κένωσις ) tih a ni a, ‘intiruak/inbunruak’ ti pawhin a sawi theih a. Lal Isua chu kan tana chhandamna ...

Amah chu hmeichhe fel tak a ni a, a hming hi sawi ila Zofate zawng zawng chuan kan hre nghal ngei ang- Tv ah a lan ṭhin avangin. Kum 2014 kum tâwp lam aṭangin Facebook kal tlanga inhmelhriat kan ni a. Messenger lamah te kan inbe ve ṭhin a, a pa damlo cancer chanchin te kei mai mai hi min lo hrilh ve ṭhin a, ka lawm hlê! Chutia kan inbiak ve fe hnuah chuan kum 2016 kum tir ah a phone number ka dil ve a, phal takin min lo pe a - ka lawm hle. A phone number chu WhatsApp ah hmang nghalin Reliance company a ni nghe nghe a. Tûn hnuah Airtel ah a leh tâk thu min hrilh. Kum 2016 ah Pathian thu zir tura ka interview dawn ṭum in an in ah zingkarah kan inhmu a, a nau te nen thlâ kan la ho a. Chu chu ka hmuh hmasakna ber a ni a, zanah ka mumangah ka hmu nasa hle. College kan luh dawnah Istiri min pe a, mahse College in Istiri kan lo neihsa avangin kan in lamah ka hãwn a, tun thleng hian kan la hmang.  Ngaihzawn chi a nilo a, kan tan ngaihzawn phâk a ni lo a. Ka sawi tawh...

Mizoram Synod Choir (2018-2020) in Official a an Music Video pahnihna ‘Pathian Hmangaihna’ tih chu January ni 4, 2019 khan an ti chhuak a. A thu leh a thluk pawh a nalhin a satute pawh hian nung takin an sa a. He hla phuahtu hi tuna Conductor ni mek T.Laldintluanga phuah leh bawk a ni.  T. Laldintluanga hla phuah ho hi kan en chuan Pathian hmangaihna hian a nun hi a hneh hle tih a hriat a. Tin, Pathian khawngaihna leh hmangaihna vanga rawngbawlna chanvo hlu tak hi chelh thin kan nihzia he hla phuahtu hian a hmu chiang hle a. Tuna a hla phuah thar ber chung chang hi ka va zawt a, heti ang hian min lo hrilh a, ka lawm hle. “He hla hi Bawngkawn Chhim Veng Kohhran in ‘Hla phuahtu Zan’ ti a hun hmang turin min sawm zan atanga lo piang a ni a. Chumi tura ka inbuatsaih lai chuan ka hun hmantawh dan te ka ngaihtuah let a. Naupangte ka nih atanga tun a dinhmun te ka thlir let hian Pathian min hruaina leh hmangaihna hi ropui ka ti em em a. Ka hla thunawn ang hian  Pathian min ...

Mizoram Synod Choir (2018-2020) te'n an conductor ni mek T. Laldintluanga hla phuah an sak 'Vanram Ropuiah' tih hi tun laia Pathianin a hman leh khawhar in lamah pawh sak hlawh ber a ni mek tih kan hre ṭheuh awm e. He hla ropui tak mai hi September 13, 2018 ah an release niin Synod Choir thar (2018-2020) te'n official a an hla tihchhuah hmasak ber a ni a. Kan sawi tak ang khan he hla hi Pathianin a hmang a, Mizoram pumah hriat a hlawhin Kohhran hrang hrang zaipawl in an sa tawhin khawhar in ah pawh sak hlawh ber pawl a ni. He hla ropui tak phuahtu T. Laldintluanga hi he hla a phuah dan ka va zawt a, heti ang hian min lo hrilh in a chungah ka lawm hle. "He hla hi Kum 2017 April thla a ka phuah a niiin he hla pian tan na hi Synod Choir hla zirna kalkawng a ni ve tlat a. Mimal a harsatna neuh neuh nei chungin nidang ang lo takin phur vak lo hian Kan veng Ramhlun North atangin kan hlazirna hmun panin ka scooty in ka tlan phei a. Kawng chanve vel ka tlan tawh...

Mizoram Synod Choir (2008-2010) in Rev. Remlalfaka Pathian hla lehlin ‘Min Hruai Rawh’ (Lord, Lead Me On) tih hla hi kum 2019 kum bul tanna hla ah i’n hmang teh ang. He hla hi kan sawi tak ang khan Mizoram Synod Choir te’n kum 2010 a ‘Pathian Hmel’ Music Video ah khan an telh a. He hla chungchang hi a lettu Rev. Remlafaka leh hetih hun laia Synod Choir Conductor K. Lalbiakthanga te chu phone in ka va zawt a, anni’n min lo hrilh chiang a, an chungah ka lawm hle. He hla hi kan sawi tak ang khan ‘Lord, Lead Me On’ tih hla lehlin a ni a, a phuahtu chu Marion W. Easterling a ni a. Kum 1910, March 12 ah Alabama ah lo piangin December 10, 1989 ah a boral a. Hla 300 chuang zet a phuah a. Guiness Book of World Records a chuang pha khawp a hla phuah thiam niin ‘America’s Favorites’ tih WLKF Radio Station ah kum 39 zet rawngbawlna a kalpui a ni.    Mihring kan nih chhungin harsatna leh buaina, lungngaihna leh thihna kan tawk thin a.Chuti ang hunah pawh chuan Pathian hi min ...