When the roll is called up yonder, I’ll be there ( Khita hming an lam hun chuanin ka awm ang)

James Milton Black chu August 19, 1856 ah South Hill, New York ah a piang a, Williamsport, Pennsylvania Methodist Episcopal Kohhran ah Sunday Sikul superintendent hna thawkin hming lamtu a ni a.

Tuk khat chu Biak in a a tawngtai haw lam kawtthler reh lai tak paltlang a. Chutih lai chuan hmeichhe tleirawl, thawmhnaw hlui lam tawh inbel hi amah tawk zawngin a lo kal hnak hnak a. Chu tleirawl chu a hmuh hnu ni mahse Biakin lamah chuan a hmu ngai miah lo tih a hria a. chu tleirawl pawr reuh tak hmel leh incheina atang chuan an chhungkaw dinhmun tur pawh a chhut thiam ruak mai.

Chu tleirawl a pelh dawn chuan James Black chuan biak a duh ta tlat mai, zaidam tak maia a hming an zawh chuan 'Bessie ka nia,' a tiin chu tleirawl chuan a chhang a.  James Black chuan amah leh an chhungkaw chanchin chu a zawt ta a. Bessie te chhungkua chu rethei ve tak mai, a pa chu zu rui reng mai leh a nu chu a hrisel lo hle a ni tih te a hrechhuak a.

An chhungkaw chanchin a zawh hnu chuan Isua chanchin a hriat leh hriat loh a zawt ta a. Bessie chuan Isua chanchin chu a lo hriat ve tawh thin thu te, a thiante Biak in a hlim taka an zai thawmte chu an In atanga a hriat phak thu te a hrilh in an chhungkaw khawsak in a zirloh avanga inkhawm ve ngailo a nih thu a hrilh a.

James Black rilru a dek ta hle mai a. Tichuan Bessie chu an biak in a inkhawm ve turin a sawm a, Bessie pawh chu a hlim em em a. A karleh Chawlhni atang chuan Sunday Sikul hming bu ah bessie  hming a chuang ve ta kalh mai a. A hlim em em a, ralkhat atanga zai a lo zawm ve thin kha Biakin chhungah ngei a au pui ve thei ta. Engkim mai chu a tan thil thar ni mahse chumi ni atanga Pathianni apiangin a inkhawm ta ziah a. A thian tharte pawhin an lo kawm thiamin a tlangnel ta hle.

Pathianni tuk khat chu James chuan hming a lam leh ta a. A tawp ber a phur tak maia 'awm' lo ti nalh thin Bessie hming a lam chuan chhangtu reng reng an awm lo a. Hming lamtu pawh a hrilh hai hle. A rilru ah 'Khawnge Bessie?' tih chu a ri nawn tlu tlut mai. Inkhawm an bang a, James chu hmun dangah peng lovin Bessie te in a pan ding nal nal a. An in thlen dawn ah chuan  Bessie pa chu amah tawk zawngin zu rui kal pai tuang tuang in a tawk a.

Bessie te in chhung a’n luh chuan a nu chu chhuatah zawi zetin a lo thu a. Bessie chu khumah a lo mu hnawk nuaih mai a. A taksa chu a lo sa vur in a khawsik a sang hle a. James chuan zawite hian, “Bessie, Sunday sikul ah hming kan lam ‘awm’ i tih ri hriat tur a awm si lova, i lo damlo na em a nih hi” a han ti a.  Bessie chuan Pneumonia rang ber chi hi a lo vei lo niin, Sunday sikul kal thei a lo  ni hauh lo mai.

 

Chutah Bessie chu harsa ti takin James Black lam chu a rawn hawi a. 'Ka pu, he leia ka hming an lam hunah awm ve thei tawh dawn lo mah ila, khita hming an lam hun chuanin ka awm ang,' tiin a chhang a. Reilote hnu ah chuan Bessie chu khita hming an lam huna awm tawh turin a chat thla ta riai riai a.

James Black chu Bessie thihna chuan a rilru ah nghawng nasa tak neiin Nunna bu a hming chuanloh pawi tur zia a ngaihtuah a. In a thlen chuan a nupui chuan a rilru hahna a lo zawt a. Engdang a chhanglo in he hla hi tuna a thu leh thluk awmsa ang chiah chiah hian a phuahchhuak nghal a, “A thluk leh a thu hi ka tidanglam ngam tawh lo” tiin Pathian in he hla hi a pek a nihzia a sawi thin.

Kum 1894 ah tichhuah niin zaithiam hrang hrangin an sa a, khawvela Pathian hla lar ber pawl a ni tih chu kan hriat kha.  Mizo tawngin Rev. D.E. Jones in min lehlinsak in Kristian Hla bu number 239 ah hian a awm a nih kha.

Khita hming an lam hunah ‘awm’ kan tive thei ang tiraw?

When the Roll Is Called Up Yonder | 

composer: James M. Black

When the trumpet of the Lord shall sound, and time shall be no more,
And the morning breaks, eternal, bright and fair;
When the saved of earth shall gather over on the other shore,
And the roll is called up yonder, I’ll be there.

• When the roll is called up yonder,
  When the roll is called up yonder,
  When the roll is called up yonder,
  When the roll is called up yonder, I’ll be there.

1. On that bright and *cloudless morning when the dead in Christ shall rise,
   And the glory of His resurrection share;
   When His chosen ones shall gather to their home beyond the skies,
   And the roll is called up yonder, I’ll be there.
2. Let us labor for the Master from the dawn till setting sun,
   Let us talk of all His wondrous love and care;
   Then when all of life is over, and our work on earth is done,
   And the roll is called up yonder, I’ll be there.