I tello chuan...

Albatross, Mizo mipa band zaithiam tak leh lar tak maiin ‘I tello chuan’ tih hla an sak hi Mizo zing ah kum 20 aia upa tawh te chuan kan hre vek awm e. Albatross lar zia leh an zaithiam zia chu sawi ngailo in kan hria ang a, an hla pawh kan sakpui thei deuh vek a nih kha. Chung an hla sak zinga lar tak pakhat, mi tamtak lunglenna leh mittui ti tla tu, an nunhlui hriatchhuah tir fo thu chu ‘I tello chuan’ tih hla hi a ni ngei ang.

He hla chanchin hi Rintea ka va zawt a, ti hian min lo hrilh a, ka lawm hle.

"I tello chuan hla hi Albatross ka awm hmaa ka bandmate ten sap hla in an siam a, a thu kha letling ni chiahlo in Rda Dream Hunter in mizo version in a siam a,a thluk leh sak dan pawh english nen chuan a in ang diak diak lo. Mizo a siam kum hi 1999-2000 vel a nih ka ring. Tichuan kum 2001 ah album kan release ah kan telh."

Pathianin mihring te min siam hian keimahni chauha awm turin min duhlo a, kan kawppui tur mihring a siam a, chu mihring chu kan duh theihna tur te, kan ngaih em em theihna tur te, an tello a awm theilo tur te leh kan hmangaih theih tur in chuti ang rilru chu Pathian in min pe a. Kan lanchhuah tir dan erawh a inchenlo in a in ang lo thei ang. Chuvangin chuti ang hmangaihna lam lana tak mai te leh an kalkawng vanduai tak mai te chuan an rilru natna leh an harsatna tawh te chu thu leh hla in an puang chhuak a. Keini a puang chhuak ve thiamlo te pawhin kan tawrh hnu leh kan tawrh mek te a nih thin avangin mittui tla zawih zawih in kan ngaihthla in kan lo chhiar thin a ni.

He hla ‘I tello chuan’ tih pawh hi kan ngaihthlak ruala kan rilru a lo lang hmasa ber tur leh kan hriatchhuah hmasak ber tur chu kan ngaihzawng, kan hmangaih em em chhan engemaw avanga kan then tak te a ni ngei ang. Kan tum vang leh kan duh reng vang nilo in kan theihnghilh theilo a. Rilru nataka min siam in min kalsan tawh pawh nise anmahni chu ngai ru em em in hun kan la hmang fo a. Keini chu kan nunhlui ah kan la buai fo a, kan la tap fo a nih hi!

Ka duhtusam ber ah chuan engkim kha bul tan tha leh ila, inngaizawng tha leh ila, induh ru leh veng veng ila ka duh tak zet a. Inkhel en dun te, TV en dun te leh Fellowship dun leh te ka duh a. Kan thiante bulah pawh chhuang taka kan inngaihzawn thu leh kan inhmangaih thu hi hrilh a lan tir leh ka duh takzet a ni.

 

Albatross

Mahse chu ka duhtusam chu a thleng thei tawh silo a, nang chuan i ngaihtuah ve tawh lo in min hre tawh lo! I tello chuan ka kimlo tak zet a sin! I rin aia thuk leh nasa in a sin ka hmangaih che! I awmna kha hre reng mahila kan inhmu thei tawh lo a, ka thiante bulah hlim takin awm mahila ka rilru chu a nat avangin a tap ru a sin! I tello a nun hman dan hi ka lo zir tel silo a, ka baihvaiin ka awm thiam,o tak zet a, mu le mal hi ka nei hlei theilo a sin!

Tun ah chuan kan inhmu ngai tawh lo a, zan rei tak tak thlengin WhatsApp lam te pawh mi dang I be thin ang tih hi ka ring pha thiam in ka ngaihtuah thlemg pha vek a. I ‘Birth Day’ te pawh Facebook leh WhatsApp kal tlangin in in ‘wish’ ngei ang tih pawh ka hre pha thiam in ka ngaihtuah thleng vek! Chu mai nilo in I ‘Birh Day Cake’ te pawh in in ah khan in ‘cut’ dun ngei ka ring a, ka rilru hian chung zawng zawng chu a ngaihtuah thleng pha a ni.

Min theihnghilh bik lo turin ka ngen che a, mahse chu chan awmzia a neilo ang tih ka hria. Midang nen nun thar in tan mek tawh ngei ang a, kan inkar chu zawm leh rual tawh lo in- a inzawm thin a ni tih pawh hriat loh in a hla tial tial in a intawng lo hlen tawh ang tih ka hria. Ka tan lolet tawh ngaiklo mahla ka hmangaihna che leh I laka ka rilru I chu tuma’n an thlak zo lo ang a, mi thar nen erawh chuan bul ka tan tha thei ang.

Kan inhmuh tawhloh hnu ah hian ka mumang ah tal hian hmuh che ka tum thin a. Mahse ka hmu ngailo che a. Vawi khat ka mumanga ka hmuh chhun ah che pawh ka ta i ni tawh chuang lo a sin! Mi dang ta I ni tawh tlat a, a tak leh mumang ramah pawh kan inhmangaih tawn thei tawh lo a ni.

Kan inhmangaih tawnna hi thamral mai mai tur chuan ka phal lo takzet a sin! Nangnen a damchhung hun hman zawh dun a fa te neiha khawvel hi hmanzawh kha ka duh a. Chuti ang tur chuan ka rilru pawh hian ruahmanna thui tak a lo siam tawh a…mahse chung chu engtikah mah a thleng ngai dawn ta lo! I tello a nung tur in min kalsan ta si a, I tello chuan dam khawchhuah tumin ka theihtawp ka chhuah ngei ang.

Ka hmangaih takzet che!

I tello chuan

Satu: Albatross

Thinlai dam ni a awm lo

Nang ngaih ban zai ka rel lo

Min dawn ve che maw?

Sirah min hnawl mahla

Nghilhni I awm lo
Theihchangse lunglai chhirin 

Kir zai rel lehin

Duhte’n ka tangah bei leh la

Ka lungdam nan

I telloa hringnun hman ka zuam mawlh lo

Suihlunglen hian chin reng a nei si lo

Tah ruai ka nuam e

Intawnlehni a awm si lo

I tello chuan nun hian awmzia a nei si lo

Tunah leng dang chhai in

Hun leh nite hmang mahla

Min nghilh lul suh aw!

I tan ka rinawmna zawngte

A thamral dawn lo 

Zantiang tawngmangah tal

Nang nen hlimte in

Hmangaihna par tlan ila

Mahse a rem si lo

Hmangaihna tham ral tur hi

Ka ngaithiam lo

Ka tuarthiam lo

Aw Lungrun

I tello chuan