Skip to main content

I Must Tell Jesus


‘Lal Isua hnen ah’ (I Must Tell Jesus) tih hla, Elisha A. Hoffman phuah hi ka hriat hmasakna ber chu kum 2009 a Bethsy Lalrinsangi’n a sak kha a ni a, Sap hla lehlin a ni tih pawh ka hre lem lo. He hla tha tak mai hi ka vawikhat ngaihthlakna atangin nalh ka ti em em mai a, a satu Bethsy te nen hian Lunglei Gov’t College ah BA 1st Year kan zir kum a lo ni kher bawk nen, Tv ah Bethsy sak an lo tihchhuah apiang chuan ka duhna a zual tulh tulh a. BA 1st Year kan nih kumtawp lamah chuan Bethsy chu he hla a sak hi nalh ka tihzia leh ka thlarau nun a chawm zia te chu ka hrilh ta hial a, ani pawh a lawm in College kan kal chhung zawng chuan kan inhmelhriat phah ta hial a ni.

He hla phuahtu Elisha A. Hoffman hi Pastor a ni a, Orwigsburg, Schuylkill County, Pennsylvania (United States) ah May ni 7, kum 1839 khan a piang a. He hla ‘I Must Tell Jesus’ a phuah dan hi an sawi danah chuan Pastor Hoffman hian a bial chhung fan leh mi harsa zawk te tlawh kual hi nuam a ti em em mai a. Vawikhat chu a bialchhung Pennsylvania ah nu pakhat, harsatna leh manganna in nasa taka a tuam mek chu tlawhin chu nu tana Bible chang innghahna tur ni a hriatte chu chhiar chhuak in an inkawm a, mahse chu nu chuan a sawtpui lo hle a.



Chutia rei tawk fang an inkawm hnu chuan Pastor Hoffman chuan ‘I harsatna zawng zawng te hi Isua hnen ah thlen in hrilh rawh’ a ti a. Chutia Pastor in a hrilh hnu ah chuan chu nu chuan hlim tak main ‘Tehreng mai, Lal Isua hnenah ka harsatna zawng zawng hi ka hrilh ngei ang’ a ti a, an tawngtai dun a, chumi hnu ah chuan hlim takin maiin chu nu pawh chu a awm ta a. Pastor Hoffman chu in lamah a haw vat a, a bengah chuan ‘Lal Isua hnenah ka thlen ang’ (I Must Tell Jesus) tih ringawt mai chu a ri nawn tluk tluk a. In a thlen veleh chu a thiltawn atang chuan he Pathian hla ropui tak mai hi a lo phuah chhuak ta a ni. He Pastor hla phuah thiamtak mai Elisha Hoffman hi kum 90 mi niin November 25, 1929 kan Chicago, Illinois ah a boral ta a ni.

Mihring kan nih chhung hian kan nunah harsatna chi hrang hrang – mite min hriatpui leh kan mimal chauhin kan hriat te kan tuar thin a. Chung kan lungngaihna leh manganna te chu kan u leh nau, min hmangaihtu te chuan min lakbo sakin min hnem hlei theilo a. Kan sualna, mite hma a kan puan ngamloh, zan kan mutthilh pui theiloh phurrit tak te chu kan tan a rit em em a. Chung harsatna zawng zawng thuk tak leh rit tak chu Lal Isua, min hmangaiha min chhandamtu hnen ah kan thlen chuan A ni chuan min lak kian sak thei a ni.

Cancer natna te, Depression te, kan uire na te, kan eirukna leh tual kan thahna te, AIDS vei kan nihna te, mi te hmuhsit leh endawng, nun beidawng kan nihna te chu Lal Isua hnen ah hian a bo a bang awmlo in thlen tawp mai ila, thiantha ngilnei leh zaidam Lal Isua chuan min tanpuiin kan buaina leh harsatna zawng zawng te chu min lak kian sak in min chhawk zang khai dawn a ni, a va ropui em!

Khawela kan awm chhungin lunngaihna leh buaina, natna leh thihna te’n min kal kan thei dawn lo a, kan pumpelh thei hek lo. Kan duhloh dan leh kan beiseiloh dan in thil a theng fo ang a, lungngaihna vawrtawp hian min pumpelh dawn lo. Mahse chung zawng zawng chu Lal Isua hnen Vanram kan thlen hun ah chuan a bo vek tawh dawn a ni.

Chuti ang a min tanpui tu, min hmangaiha kan natna leh harsatna zawng zawng min hriatpuia min tidam thei tu Lal Isua, thiantha leh min hmangaihtu kan nei hi a va lawmawm em! Khawvel kan chuahsan hunah pawh A kiang ah lungngaihna leh natna, harsatna leh thihna te tuar tawhlo in chatuan in Vanram ah kan la awm dawn zui a, Lal Isua hi kan tan a va hlu em!   

I Must Tell Jesus
Composer:  Elisha A. Hoffman
 
I must tell Jesus all of my trials;
I cannot bear these burdens alone;
In my distress He kindly will help me;
He ever loves and cares for His own.

I must tell Jesus! I must tell Jesus!
I cannot bear my burdens alone;
I must tell Jesus! I must tell Jesus!
Jesus can help me, Jesus alone.

I must tell Jesus all of my troubles;
He is a kind, compassionate Friend;
If I but ask Him, He will deliver,
And in my griefs with me He will blend.

Tempted and tried I need a great Savior,
One who can help my burdens to bear;
I must tell Jesus, I must tell Jesus;
He all my cares and sorrows will share.

O how the world to evil allures me!
O how my heart is tempted to sin!
I must tell Jesus; He will enable
Over the world the vic'try to win.

Comments

Post a Comment

Popular posts from this blog

Lal Isua Hmangaihna

Ramhlun North Pastor Bial Zaipawl in kum 2013 a an sak Lal Isua hmangaihna tih hla, T. Laldintluanga phuah hi tun lai ah hrelo kan vang hle awm e. He hla hi Zaithiam hrang hrang te pawhin an sa a. Lal Isua hmangaihna hi kan tan a tawkin engkima engkimah a rintlak zia puanchhuahna ropui tak a ni tih kan hre awm e.     He hla phuahtu T. Laldintluanga, Ramhlun North hi tunah hian Synod Choir (2018-2020) Conductor ni mek a ni a. He hla a phuah dan chanchin hi ka va zawt a, PDF in min lo pe thlap a, a chung ah ka lawm hle.  “He hla hi kum 2013 a ka phuah a ni a, heng hunlai hian a bikin thalaite ah mahni intihlum te, ruihhlo avanga thihna te, thih thut thutna ang chi kha a tam em em a, ka phak tawkin ka vei ve hle a ni. Chung ka thalai pui sual in a tihbuai mek, mahni intihhlum duhna hial nei, nun beidawnga tap mek te pawh chu Lal Isua hmangaihna hian a nghak reng ni hian ka hria a. Emau kawnga khualzin pahnih ten an khawhar hnem tura Lal Isua an sawm khan an va hlawhchham lo
Post a Comment
Read more

BEISEINA NUNG

I Petera 1:3-9 A chunga kan tarlan Bible châng innghahna hi Petera te hun laia Asia Minor-a Kohhran țhang chak em em mai te chungchang lehkha a thawn ațangin a ni a. Helai 1:3-9 ah hian Pathian khawngaihnain Lal Isua tiha thawhnlehna hian beiseina nung min neih tir thu leh chu Lal Isua thiha thawhlehna chu kan chhandamna-chatuan nunna kan neih theihna tur a nih thu Petera hian min hrilh a. Beiseina hi keini ringtute chauh ni lo mi zawng zawng hian kan neih hi a pawimawh em em a. Beiseina hi mi rethei te chaw an ti hial țhin a ni. Miin beiseina a neih tawh loh chuan nun hlutna hi a hre tawh țhin lo a. Mi lar, zaithiam, Celeb etc pawh nise amah ah beiseina a awm loh chuan mahni intihhlum mai hi a thlang țhin. Hmanni lawk ah Linkin Park band-a an Vocalist Chester Bennington-a pawh inawkhluma an hmuh kha! Khang te kha a larin khawvelin an hriat nen-beiseina a neih tawh loh vang a ni ngei ang- a nunna kha amahin a inlak hial ni! Chuvangin beiseina neih pawimawh zia hi kan sawi
7 comments
Read more

Phurrit a bo ta Kalvariah

Rev. John M. Moore a chu Kirkintilloch, Dunbartonshire, Scotland ah September 1, kum 1925 khan a lo piangin Pathian tihmi tak chhungkua atanga lo seilianin kum 16 a upa a nihin a paingthar a.    Glasgow, Scotland ah rawngbawlna/ministry zirin chu   lai vel kohhranah chuan rawng a bawl thin a. North America lamah a pem hmain nupui Esther Marr neiin Ontario, Canada-ah Baptist Pastor leh thurihtu ropui tak a ni a, November 2, kum 2017 khan a boral a. Rev. Moore hi Pathian hla phuah thiam tak mai a ni a, hla 150 chuang zet phuahin chung zingah chuan Mizote pawhin kan hriat lar em em ‘Phurrit a bo ta Kalvariah’(Burdens Are Lifted at Calvary) tih kum 1952 a a phuah hi khawvel deng chhuak khawpa a sulhnu a ni. He hla hi Mizo tawngin Rev. Lalrinmawia chuan mawi tak maiin min lehlin sakin tun hnaiah One in Christ te chuan mawi tak maiin an sa a nih kha. He a hla phuah mawi tak mai leh ringtute tana innghahna tlak Lal Isua a nih zia heti hian Rev. Moore chuan a sawi a- “Glas
3 comments
Read more