Because He Lives

‘God Sent His Son’ ti a bul intan Sap hla hi ka hriat hmasakna ber chu kum 2013 a Presbyterian Youth Fellowship 20^th Biennial Conference, Fiangpui Haflong a kan neih tumin a ni a. A awm zia ka hre lo a, a thluk erawh ka hria. Hemi Conference a kan kal tuma kan hla bu kha in ah ka hawn a, kan u pakhat Solfa thiam deuh hnenah kal in min sak pui teh ka ti a, vawi hnih khat chu kan sa dun nghe nghe.

Hun a lo kal zel a, kum 2016 a BD kan zirin kan College hla bu ah awm in No-58 na niin kan College hla bua hla number ka vawn hmask ber a ni nghe nghe. Tichuan a hla thu awmzia te chu ka thiam ang tawk in Dictionary en chung in ka zir ve a, Lal Isua kan tana nung tlat hi kan engkim a nih zia tarlang chiangtu Pathian hla tha tak a ni tih ka hrethiam ve tawh. Nalh ka ti em em a, ka sa ning hleitheilo a, ka ngaithla ning hleithei lo!

Zaithiam hrang hrang te'n an sak hi You Tube ah te ka ngaithla ve nual tawh a. Chung zing ah chuan C. Laltlankimi (BD 1st Yr zirlai) sak, 'live' ngei a ka ngaithlak tluka nalh tih ka ka nei lo. 

 

He hla hi kum 1960 kum tawp lamah khan phuah a ni a, a phuahtu te hi he hla sa hmasa ber tu Gaither Vocal Band a mi Bill Gaither leh a nupui Gloria Gaither te phuah a ni. Kum 1960 kum tawp lam ah hian Gaither te chhungkua hian harsatna an tawk nasa ve em em a. Amah hian ‘mononucleosis’ natna a vei a, chutih lain a nupui Gloria chuan an fa pathumna tur a pai mek bawk a. Chuti ang chuan natna, harsata leh manganna nen kum 1960 kum tawp lam chu an hmang a, nau neih pawh chu a huphurh takzet a ni.

Chutia hun harsa tak mai an tawh mek lai chuan nikhat chu Gloria chu a pindanah lmah chauhin a thu a. A fa pai mek te, a pasal damkawr tak te leh an hmalam hun tur te chu rilru hah tak maia a ngaihtuah lai mek chuan Lal Isua thiha thawhlehna chanchin chuan a rilru ngaihtuahna luahin Lal Isua thawhlehna chuan harsatna zawng zawng hi a hneh vek thei tih chu chiang taka hre chhuak in he Pathian fakna hla ropui tak mai hi an lo phuahchhuak ta niin an sawi.

Pathian in a fapa Lal Isua chu kan tana lo tirin kan sual bat zawng zawng te chu krawsa a thihna hmang chuan min tlak sak a ni tih he hla ah hian kan hmu a. Chumai nilo in Lal Isua thlan ruak chuan beiseina min pe a, kan tan Lal Isua chu a tholeh in a nung a ni tih kan hriat hian kan lawm a, harsatna leh manganna tawpkhawk pawh tuar dawn mahila Lal Isua nen chuan kan huam a ni tih he hla hian a ti lang chiang hle a. Tin Kristian te thurin pawimawh tak Beiseina (Theology of Hope – Eschatology) pawh he hla hian chiang takin a tarlang a ni.

Kristiante chuan he khawvelah mai nilo kan thih hnu ah pawh beisei kan la nei a, chu chu kan inghahna bul ber pawh a ni.  Lal Isua kan tana thi a hi a nung leh a ni tih chiang taka kan hriatna chuan beisena min pe a, harsatna engang pawh tawk mahila chu Lal Isua kan tana nung tlat chu kan hriat reng avangin engkim hi kan hmachhawn huam in kan ti thei a ni tih he hla hian a tar lang a, Lal Isua hi ring mai tur kan nih zia he hla atang hian kan hre chiang leh zual thei awm e.  

Because He Lives

Song by Gaither Vocal Band

God sent his son, they called him Jesus,
He came to love, heal and forgive.
He lived and died to buy my pardon,
An empty grave is there to prove my savior lives.

Because he lives
I can face tomorrow
Because he lives
All fear is gone
Because i know he holds the future
And life is worth the living

Just because he lives

How sweet to hold a newborn baby,
And feel the pride and joy he gives,
But greater still the calm assurance:
This child can face uncertain day because he lives.

And then one day I'll cross the river,
I'll fight life's final war with pain.
And then, as death gives way to vict'ry,
I'll see the lights of glory and I'll know he reigns.