Skip to main content

PATHIAN FA


Marka 15:39b: “He mi hi Pathian Fapa a ni ngei mai”

Lal Isua kha khawela min chhandam tura a lo kal khan amah zuitu leh hretute khan nihna (Designation) hrang hrang an lo pe thin tih kan hre awm e. Thuthlung Hlui lam tanga hrilhlawkna ah pawh Lal Isua chu ‘Messia’  (Hriakthih) a nih tur thu te an sawi a nih kha. Tin Marka 15:02 ah khan Pilata chuan Lal Isua kha Juda te Lal a ni em ti a a zawh khan Lal Isua chuan Juda te lal a nih thu in a chhang tih kan hre thei.

Chuti ang chuan Lal Isua nihna hrang hrang hi Thuthlung Thar ah hian kan hmu a – Messia, Mihring Fapa, Lal, Chhiahhlawh, Zirtirtu/Rabbi, Chhandamtu, Mo adt. Amah ngei pawhin Mihring Fapa a nih thu kha a sawi thin (Matt. 20:28, 16:13, Lk. 9:22, John 3:14 adt). Mi dangte pawhin Lal Isua nihna kha a chunga kan sawi tak ang khian an sawi thin tih Bible ah kan hmu.

Chutih rual erawh chuan Lal Isua hian amah leh amah hi Pathian Fapa (Son of God) a nih thu hi a sawi mang hauh lo a, Pathian Fapa a nih zia thu puangchhuak tute hi Lal Isua ringlo te, a tihdamna chang te leh ramhuai te an ni tlat zawk! Luka 8:26 atanga kan chhiar chuan Gerasin mite rama ramhuaizawl a tihdam dawn khan Lal Isua hmaah ramhuaizawl kha bawkkhupin Lal Isua kha Pathian nung fapa a nih thu leh amah chu sawisa lo turin a ngen a nih kha.

Tin, Lal Isua Krawsa a thih laia Rom Sipai za hotu, Lal Isua hmaa ding khan “He mi hi Pathian Fapa a ni ngei mai” a ti chhuak hlawl mai a nih kha (Mark15:39b). Chuti ang chuan Lal Isua hi Pathian nung fapa a nih zia chiang taka hmute leh hretute chu ringlo mite an ni. A zirtir 12 te leh amah ringtute kha chu lo dahtha ta ila, Lal Isua nihna diktak leh a thiltihtheihna, thuneihna leh a ropuina hmu chianga Pathian Fapa a nih zia puangchhuaktu te kha Ramhuaizawl te, Rom Sipai te an ni tih Bible ah kan hmu.

Keini vawiina Lal Isua hnungzuitu te hi kan zui Lal Isua ang hian kan bul vela ringlo mite hian ‘Pathian Fate’ kan nihna hi an hmu ve ang em le?  Lal Isua chuan amah kha Pathian Fapa a ni tih insawi miahlo mahse a bula mi te leh ringlo mite, ramhuaizawl te khan chiang takin an hre thei a. Keini Lal Isua hnungzuitu te hi engtin nge miin min hriat ve?

Lal Isua zuitu leh ringtu, Pathian fa kan nihna hi kan insawi chawp fe hnu ah pawh kan bula vela mite’n  Lal Isua an hriat phah loh emaw, an rin phah theilo a nih chuan kan inenfiah a ngai hle tihna a ni. Kan zui Lal Isua chu Pathian fa a ni zia kha chiang takin an hre thei a, chuti ang tur chuan keini pawh kan awm ve a ngai.

Kan nitin eizawnnaah, MLA kan nihna ah, Police, Kohhran Upa, Missionary adt kan nihna ah Pathian Fa kan nihzia kan bula mite’n an puanchhuah theihna tura kan awm hi keini Pathian Fate mawhphurhna leh kan tihmakmawh a ni. Chuti ang kan tihlohna leh Pathian Fa kan nihna miin an hmuloh leh an hriatlohna rah chu – Kristian State nisi India rama AIDS/HIV vei tam ber, eirukna hluarna ber adt kan nihna chhan te hi a ni. Kan chhehvela ringlo mi Hindu, Islam adt te tan pawha Kristian, Pathian Fa nih hlutna leh a awmzia kan tihlan loh chuan lungawi takin Hindu, Islam etc hian an boral mai dawn a, chu an thisen mawh chu kan phur ngam dawn em?

Kan zui Lal Isua hi ringlo mite leh Ramhuaizawlte’n Pathian Fa a nihzia an hre chiang ang hian keini a hnung zuitu te pawh hi Pathian Fa kan nihna hi keimahni sawi chawp niloa midang – ringlo mite’n min hriatsaka min sawi sak nalh nalh theih chuan Kristian danglamna te, Pathian Fa nih that bikna leh hlutna te hi an lo hrefiah ang a. Lal Isua thupek Chanchin Tha hril chu kan lo puitlin thei dawn a ni.

Pathian Fa, khawvel laka danglam leh Chatuan Nunna nei kan nih bikna hi lantir zual deuh deuh turin keini vawiina ringtute hian tan la ila. Chuti chuan kan ram, kan hnam leh khawtlang hian damna, changkanna leh zahawmna a lo hringchhuak ang. Keimahni leh kan chhevela awm te tana Chhandamna thu hriltu ni turin tan ila thar ang u.  


Comments

Post a Comment

Popular posts from this blog

Lal Isua Hmangaihna

Ramhlun North Pastor Bial Zaipawl in kum 2013 a an sak Lal Isua hmangaihna tih hla, T. Laldintluanga phuah hi tun lai ah hrelo kan vang hle awm e. He hla hi Zaithiam hrang hrang te pawhin an sa a. Lal Isua hmangaihna hi kan tan a tawkin engkima engkimah a rintlak zia puanchhuahna ropui tak a ni tih kan hre awm e.     He hla phuahtu T. Laldintluanga, Ramhlun North hi tunah hian Synod Choir (2018-2020) Conductor ni mek a ni a. He hla a phuah dan chanchin hi ka va zawt a, PDF in min lo pe thlap a, a chung ah ka lawm hle.  “He hla hi kum 2013 a ka phuah a ni a, heng hunlai hian a bikin thalaite ah mahni intihlum te, ruihhlo avanga thihna te, thih thut thutna ang chi kha a tam em em a, ka phak tawkin ka vei ve hle a ni. Chung ka thalai pui sual in a tihbuai mek, mahni intihhlum duhna hial nei, nun beidawnga tap mek te pawh chu Lal Isua hmangaihna hian a nghak reng ni hian ka hria a. Emau kawnga khualzin pahnih ten an khawhar hnem tura Lal Isua an sawm khan an va hlawhchham lo
Post a Comment
Read more

BEISEINA NUNG

I Petera 1:3-9 A chunga kan tarlan Bible châng innghahna hi Petera te hun laia Asia Minor-a Kohhran țhang chak em em mai te chungchang lehkha a thawn ațangin a ni a. Helai 1:3-9 ah hian Pathian khawngaihnain Lal Isua tiha thawhnlehna hian beiseina nung min neih tir thu leh chu Lal Isua thiha thawhlehna chu kan chhandamna-chatuan nunna kan neih theihna tur a nih thu Petera hian min hrilh a. Beiseina hi keini ringtute chauh ni lo mi zawng zawng hian kan neih hi a pawimawh em em a. Beiseina hi mi rethei te chaw an ti hial țhin a ni. Miin beiseina a neih tawh loh chuan nun hlutna hi a hre tawh țhin lo a. Mi lar, zaithiam, Celeb etc pawh nise amah ah beiseina a awm loh chuan mahni intihhlum mai hi a thlang țhin. Hmanni lawk ah Linkin Park band-a an Vocalist Chester Bennington-a pawh inawkhluma an hmuh kha! Khang te kha a larin khawvelin an hriat nen-beiseina a neih tawh loh vang a ni ngei ang- a nunna kha amahin a inlak hial ni! Chuvangin beiseina neih pawimawh zia hi kan sawi
7 comments
Read more

Phurrit a bo ta Kalvariah

Rev. John M. Moore a chu Kirkintilloch, Dunbartonshire, Scotland ah September 1, kum 1925 khan a lo piangin Pathian tihmi tak chhungkua atanga lo seilianin kum 16 a upa a nihin a paingthar a.    Glasgow, Scotland ah rawngbawlna/ministry zirin chu   lai vel kohhranah chuan rawng a bawl thin a. North America lamah a pem hmain nupui Esther Marr neiin Ontario, Canada-ah Baptist Pastor leh thurihtu ropui tak a ni a, November 2, kum 2017 khan a boral a. Rev. Moore hi Pathian hla phuah thiam tak mai a ni a, hla 150 chuang zet phuahin chung zingah chuan Mizote pawhin kan hriat lar em em ‘Phurrit a bo ta Kalvariah’(Burdens Are Lifted at Calvary) tih kum 1952 a a phuah hi khawvel deng chhuak khawpa a sulhnu a ni. He hla hi Mizo tawngin Rev. Lalrinmawia chuan mawi tak maiin min lehlin sakin tun hnaiah One in Christ te chuan mawi tak maiin an sa a nih kha. He a hla phuah mawi tak mai leh ringtute tana innghahna tlak Lal Isua a nih zia heti hian Rev. Moore chuan a sawi a- “Glas
3 comments
Read more